晶瑩士多啤梨慕思蛋糕

好開心，又可以再次整蛋糕啦，整CAKE係我現在唯一可以RELAX既活動之一，等遲D，我用全泵既方法餵囡囡而又可以做運動時，我就會開始我既KEEP FIT行動了，嘻嘻

Aroma'So Baking   http://aromaso.com/ 

今次整的，係叫晶瑩士多啤梨慕思蛋糕，特價班，$169

首先將15cm餅模以烘焙紙包好，焗爐以150度預熱約10分鐘

左手邊：清蛋糕餅模                           右手邊：最尾放入雪櫃的餅模

清蛋糕做法

雞蛋1隻 (約60g) + 水15g + 砂糖 20g + 香油 1滴，用打蛋機以慢速拌勻

再將25g 低根麵粉 + 6g蛋糕乳化 + 泡打粉1/16茶匙  + 鹽1/24茶匙 ，加入拌勻，開頭用慢速，用膠刮將盆邊之麵粉清理，再用快速打至杰身，打至乳白色，約5分鐘，最後將5g 淡奶 + 10g 熱熔牛油加入，用膠刮拌勻

蛋糕以175度入爐，約焗30分鐘至金黃色，轉用150度

出爐後待涼，將蛋糕底面輕輕切去，再在中間切一刀

水晶面做法

將草莓啫喱粉45g + 魚膠粉3g + 草莓香油2滴 + 水 180g 拌勻，隔熱水座溶，待涼，待用

慕思做法

草莓啫哩粉8g + 魚膠粉6g + 砂糖10g + 草莓香油2滴 + 食用色素(紅色)1滴 + 士多啤梨果茸60g + 水50g 拌勻，隔熱水座溶，待用

將淡忌廉130g先發起，再加入檸檬汁1荼匙 + 車厘子酒10g + 原味乳酪60g 拌勻

最尾將2種材料拌勻，倒於餅模內，放的次序，1件清蛋糕、半份慕思、再另1件清蛋糕、將餘下的慕思放哂，放雪櫃至輕微凝固

當凝固後，取出舖上士多啤梨及水晶啫喱，再放雪櫃凝固。

休息時，阿sir比左這個"多啦A夢"既蛋糕我地食呀，超正，中間係粟子黎架，仲有一包飲品，好RELAX的一堂

這個便是我整既蛋糕

好開心同一班朋友仔一齊學整蛋糕，但個晚心裡面，成日都好掛住囡囡，所以影完相，我已經飛番屋企了，呵呵

空 氣 流 通 防 二 氧 化 碳 積 肺

空 氣 流 通 　 防 二 氧 化 碳 積 肺 嬰 兒 仰 睡 減 猝 死 風 險

【 本 報 訊 】 醫 學 界 一 直 未 能 解 開 嬰 兒 猝 死 之 謎 ， 但 相 信 與 睡 姿 及 空 氣 流 通 有 關 ， 美 國 一 項 最 新 的 研 究 發 現 ， 嬰 兒 採 用 仰 睡 姿 勢 ， 並 在 房 間 擺 放 風 扇 ， 打 開 窗 戶 ， 增 加 空 氣 流 通 ， 可 減 低 逾 七 成 猝 死 風 險 。

冬 季 是 高 危 期

美 國 加 州 一 個 醫 學 研 究 組 Kaiser Permanente 的 專 家 指 出 ， 嬰 兒 睡 房 的 空 氣 混 濁 ， 氧 氣 含 量 低 ， 導 致 二 氧 化 碳 在 嬰 兒 肺 部 積 聚 ， 是 導 致 嬰 兒 猝 死 的 主 要 原 因 ， 故 呼 籲 父 母 要 注 意 室 內 空 氣 流 通 ， 預 防 嬰 兒 在 睡 覺 時 氧 氣 不 足 。
該 研 究 組 訪 問 了 185 名 猝 死 嬰 兒 的 家 長 及 312 名 年 齡 及 背 景 相 近 的 嬰 兒 家 長 ， 比 較 兩 者 的 生 活 習 慣 與 猝 死 的 關 係 ， 結 果 發 現 若 將 房 間 的 窗 戶 打 開 ， 可 將 嬰 兒 猝 死 風 險 減 低 36% ； 若 再 加 裝 風 扇 ， 以 微 風 增 加 空 氣 流 通 ， 可 將 猝 死 風 險 進 一 步 減 低 至 72% ； 而 面 部 向 天 的 仰 睡 姿 勢 ， 較 俯

的 睡 姿 更 安 全 ， 嬰 兒 猝 死 的 比 率 也 較 低 ， 詳 細 的 研 究 結 果 已 在 最 新 一 期 《 兒 童 及 青 少 年 內 科 醫 學 雜 誌 》 刊 登 。
研 究 人 員 認 為 ， 引 發 嬰 兒 猝 死 的 原 因 很 多 ， 包 括 睡 姿 、 被 褥 位 置 以 及 室 內 空 氣 質 素 等 。 但 父 母 為 了 怕 子 女

， 經 常 將 窗 戶 緊 閉 ， 嬰 兒 有 可 能 因 室 內 空 氣 不 流 通 而 吸 入 過 量 二 氧 化 碳 引 致 猝 死 ， 故 提 醒 家 長 要 盡 量 打 開 家 中 窗 戶 。
兩 至 四 個 月 大 的 嬰 兒 猝 死 風 險 最 高 ， 冬 天 更 是 高 危 期 ， 但 經 過 近 年 廣 泛 宣 傳 預 防 措 施 後 ， 美 國 的 嬰 兒 猝 死 個 案 已 大 幅 下 降 56% 。

COPY自蘋果日報

BB唔好比佢打側瞓呀，我有時餵完奶，掃完風都唔得既時候，我會將阿B打側瞓，以後我唔會架啦

 

My Little Girl (滿月)

昕晴終於滿月啦，佢好乖架（係人面前），每次帶親佢出街或人地上黎探佢，佢多數都係瞓覺中，但每次返到屋企，對眼就好似燈籠咁大，一擘大眼就要食奶架啦，真係唔知話佢乖定點，那天我很累，所以個樣都樣衰衰咁，嘻嘻

這個係飲完奶掃緊風時既LOOK，每次老公掃親，佢就燈行哂對眼，個樣好搞笑架

在這個月裡面，真係由乜都唔識，到有少少經驗，我指係揍仔，以下有少少分享，但都係在於我自己同昕晴既個人分享，未必個個啱用

餵奶

由頭到尾都知人奶係最好的奶品，所以由生個刻已經堅持比囡囡食人奶，開始時真係無乜架，我都係要出院個日先叫做開始有，但在醫院其間，已經好努力比囡囡吸啜，我成日都以為自己比唔夠阿囡食，但原來唔比佢吸，自己係無得上奶架，所以無論如何，都要比佢食，唔夠先再補奶，同埋多謝阿媽煲既湯，昕晴昨天去健康院磅重，原來佢已經有成10磅重啦，姑娘仲話佢重得超好，因佢好受媽咪既奶，所以我自己都好開心，無諗過比人奶都可以重得咁理想架，我也會繼續努力，希望餵得幾耐得幾耐！

黃疸

原來好多BB都有架（聽我媽話），咁昕晴都有，但就未去到要瞓箱，不過要成日到醫院或健康院檢查，咁老人家話，幫佢地多D照下太陽（最多5分鐘，仲係要晨早6點幾個D陽光喎），咁佢地既＂黃＂就會無，同埋食多幾餐奶，等佢疴多D尿尿，咁都係會快D無架，原來真係得架，昕晴在第4次檢查時，已經無左啦！

打C EGG

昕晴會飲完奶，隔一陣，就會打C EGG，當然不是成日啦，咁我都有問過醫生，佢地話BB通常飲要到7-8成飽既時候，就好常見，要消除佢唔好比佢打既方法，一係就整喊佢，一係就再餵多少少奶比佢，咁我當然用餵多少少比佢既方法啦，又係WORK架

喊時抱抱

好多人有好多說法，視乎自己或家人點做，而聽健康講座時，姑娘都有教，就係BB一喊，就要即時要有反應，當然唔係第一時間抱，而係看看佢有乜需要，例如可能佢肚餓、疴屎屎、看看是否這些基本野先，如無原因，就同BB傾下計，原來姑娘既解釋，就係因為BB在媽咪肚裡面，係受保護的，所以出左世，佢地需要人攬多D先有安全感，而佢地唔識講野，唯一方法就係喊，所以我自己既方法，都係會做左D基本野，就會抱佢

疴屎屎

開初以為BB食完餐餐都有屎疴，因我在醫院時，昕晴真係差唔多餐餐有架，但原來再過一些時間，BB疴大大既次數，係會減少架，現在昕晴每天都會有1-2次，我開頭又係以為佢食唔飽所以無屎屎，但原來BB越大，就會越少，同埋我係餵人奶，醫生話無都係好正常，有些係幾日一次，甚至一星期一次都有，最主要有尿尿就已經OK喎，同埋屎屎顏色，係金黃色或綠綠地色都叫正常，而肚疴個D，係會只得水同埋會一日疴好多次，而顏色都唔同平時架喎，個D就要即帶BB看醫生了

手腳震震

昕晴現在會無拉拉，手仔腳仔都會有時跳下跳下，我以為佢有乜事啦，咁問左醫生，佢話BB現在既神經仲未控制到，不定時會有手腳無拉拉跳動既情況，如果唔係成日，只係間唔中，係正常的

現在分享住咁多先，因我見到好多朋友都有左，希望能夠幫到大家，有乜心得，互相分享下啦

放監啦

從來無諗過，坐月係咁辛苦架，想做好多平時都做開既野，係咁難架，我係一個都幾唔聽話既人，所以要我成個月都唔可以做既野，心情確實好炆，都唔明點解生仔要STOP咁多野架，同埋D人煩到抽筋(我知佢地對我係好既)，乜都唔比唔可以，但我終於捱過左啦，真係超開心呀，好有放監既感覺呀！

不可沖涼 + 掂水

原來一個月，無得沖涼、洗頭、唔好掂水(就算要掂都係要熱水)，真係有難度，古人話，生完掂水，將來會風濕喎，所以好多人都話唔好掂，但我捱過左12朝，忍唔住就要洗一洗，但都係用薑水去沖洗，同埋D水係要熱到阿媽唔認得咁去沖，這一件係我坐月最深刻的一件事！

穿衣服

成日話唔可以比風吹親，所以在家都要長衫長褲，咁我當然唔聽話，只係開冷氣時先著番條長褲，因真係................夏天仲要長衫長褲係好難頂既一件事，仲要有日去健康院，撞到阿媽D FD，比佢地話叫我要著長袖，唔可以比風吹親，我心諗，著羽絨呀，笨，好在佢地唔係我阿媽咋

食野

平時我係餓先食野既，咁一日3餐係好正常，咁坐月，我都知佢地叫我食乜我都要食，但我確實係食唔到咁多餐，因一早就要抄醒我食飯，都未瞓醒就要食，成日都叫我食食食，個陣真係發哂脾四，因我話我食唔落點食喎，同埋好多野都唔比食(我鐘意既唔比，我唔食的就要食)，乜都要熱食熱飲，遲少少食都比人罵到死，唔食個D(補野)又比人罵喎，真係好慘！

做FACIAL

平時都會做架，但有左BB後，都真係無乜點做過，現在就成日要餵奶而無時間做，試過一次諗住佢瞓得好冧，就自己整下D蜜糖面膜，點知整整下阿B起身喊住要食奶，真係FULL左一陣就即洗

上網、打BLOG、MSN、睇電視、安靜...............

平時可以常做的這些東西，坐月時都完全無時間，因阿B成日都要食，佢瞓時我又瞓，一D精神都無架，所以這些平時做開既活動都要STOP，現在會好少少，不過都係要視乎小公主既情況而定！

雖然好似好多野要守規矩，但做左人地阿媽都係好開心既一件事，因...............每次見到昕晴，當佢對住自己笑既時候，心裡乜都可以忘記哂，我終於感受到，乜野係母愛，其實只係笑一下，都會令到自己好開心，所以，要生仔既話，我覺得一定要有心理準備，尤其坐月個個月，真係乜都無得做，但當捱過左，就乜都得架啦，YEAH！

My Little Girl (Day 23-28)

昕晴又同大家見面啦，佢家陣好多表情，真係成日都好想啜淡佢呀，哈哈，同埋最得人驚既係佢家陣識反轉９０度啦，一個月都未夠，就夠力反，真係要睇實Ｄ呀

我係咪好精神呢？星期六日，好多哥哥姐姐黎探昕晴，但佢就好乖，成日都安睡狀態中，家陣佢又開始在晚上醒啦

唔知點解，昕晴比Ｄ靚女抱既時候，會做出Ｄ咁驚嚇既樣，十足十去左哈佬喂咁款，尤其阿ＹＡＮ個張，我同老公笑左好耐呀，哈哈哈

而佢係喜歡Ｄ多肉既人既，睇下，外星人蔡ＳＩＲ用強勁既臂彎抱佢時，瞓得幾冧

好開心十二門徒又再次相聚，雖然黎唔齊，但我都好開心呀

一班妹妹，個個都好勁，差唔多每個都敢抱昕晴呀，你地中五啦，記得考好個會考，遲Ｄ我就會帶昕晴出聚會架，到時你地就可以再抱佢啦

這個１０個月大既ＢＢ，係今天第二女主角呀，哈哈

最搞笑既一件事，係有次我幫昕晴換片時，佢無拉拉爆屎，噴到我一身都係，今期真係。。。。。。勁多金呀，不過真係做左人地阿媽，比個囡噴屎都噴得好開心既，嘻嘻，不過有時佢Ｄ屎屎好似好多水咁，唔知係連埋尿呢？定係肚疴？但阿媽話摸下佢個肚，如果凍既話就先係叫肚疴，所以我估佢個Ｄ屎屎咁濕，應該係加埋尿尿掛？

而囡囡塊面個Ｄ紅色暗粒（奶Ｘ），已經慢慢退下了，而佢既手指甲已經好長，我會叫老公買ＦＯＲ　ＢＢ既指甲夾幫佢剪，好似就黎到滿月，乜都可以做得了，有少少放監既感覺，希望好似我阿媽話齋，滿左月既ＢＢ係好揍Ｄ啦

My Little Girl (Day 15-22)

好耐無UPDATE啦，因我既技術問題，我影親昕晴既相都係郁既，好難捕捉得到佢定定地既樣，唯有等老公黎既時候，先幫佢影到D正常既相，嘻嘻

連環拍既相真係好可愛架

昕晴成日都打喊露架

這個LOOK最 "四正"

向人單眼，嘻嘻

謝謝3V給昕晴的禮物，也謝謝院長特別由深圳拎過黎

這個星期好多人黎探昕晴，謝謝各位抽空到來，也感謝大家的禮物，真的多謝大家咁有心呀

昕晴現在會玩野，一天裡面，有幾個鐘係不斷飲奶瞓覺再飲奶，即大約每個小時飲一次，每次約十分鐘左右，真係佢唔累我都累呀，不過我都知佢好努力咁啜，因如果佢要飽肚，都要起碼飲成半個小時架，咁就可以乖乖地咁瞓2-3個鐘先再飲，剛剛MSN同姊妹傾開，佢叫我可以比D水佢飲下，等我今晚試下先

同埋唔係咪BB仔都會成日發惡夢，昕晴會成日紮一紮就喊，咁人地話叫我要整個米袋，放係佢心口仔，或整長D，左右兩邊入米，咁我就叫阿媽整左個米袋，等佢瞓覺時放係佢心口，等佢安心D，這個方法真係WORK架，起碼用左之後，昕晴少左紮醒，大家可以試試

同埋昕晴有鼻屎呀，但係好入，我唔知點搞呀？有人教我用紙巾捲到細細再整，但我只整到最出面個D，入面個D就整唔到了，怕唔怕佢呼吸唔到呢？

My Little Girl (Day 10-14)

這個係爸爸錄的

只係望住佢一陣，表情已經好多，佢最LIKE就係食手指同 "奏" 眉啊

現在多左開眼，成日眼仔碌碌，婆婆一見到即叫我影相，因婆婆已經勁冧勁開心了，哈哈

在探訪中，昕晴一併埋我地個度，查實都係好細粒架咋

同埋人地黎探佢，佢多數都係瞓覺中，所以好多人都覺得佢好乖，嘻嘻

現在昕晴已經有半個月大了，開始識得"扭計"，識扭人抱，一唔抱就喊到拆天，真係...................好想打鑊金既佢(佢扭時)，現在最感恩的係原先由零晨扭計，變左做早上扭，一扭都係扭好幾個鐘，但在早上扭，我既精神已經好好多了，不過唔知WHY，一扭就扭得好利害，已經換完片、CHECK過哂令佢唔舒服既野，一切都無問題，但就係扭，要抱住先唔喊，所以.....................都唔知有乜方法令佢乖D呢