這個係爸爸錄的
只係望住佢一陣，表情已經好多，佢最LIKE就係食手指同 "奏" 眉啊
現在多左開眼，成日眼仔碌碌，婆婆一見到即叫我影相，因婆婆已經勁冧勁開心了，哈哈
在探訪中，昕晴一併埋我地個度，查實都係好細粒架咋
同埋人地黎探佢，佢多數都係瞓覺中，所以好多人都覺得佢好乖，嘻嘻
現在昕晴已經有半個月大了，開始識得"扭計"，識扭人抱，一唔抱就喊到拆天，真係...................好想打鑊金既佢(佢扭時)，現在最感恩的係原先由零晨扭計，變左做早上扭，一扭都係扭好幾個鐘，但在早上扭，我既精神已經好好多了，不過唔知WHY，一扭就扭得好利害，已經換完片、CHECK過哂令佢唔舒服既野，一切都無問題，但就係扭，要抱住先唔喊，所以.....................都唔知有乜方法令佢乖D呢
昕晴對鏡頭都好敏感wow
回覆刪除睇下佢同婆婆影個張, haha
昕天越來越得意, 表情多多.
回覆刪除眨下眼，又半個月大~ 好羨慕添~
回覆刪除咦.... 你可唔可以同我分享下你嘅生產過程呀?? 我就生喇..好驚..唔知點算...好想有人教下我..安慰下...
回覆刪除時間過得好快呀~昕晴真係就半個月大啦
回覆刪除打鑊金既佢...哈哈!!! 你地打唔落手既
回覆刪除昕晴好可愛呀 !!! 攪到我都想快D生呀
回覆刪除我亞爸媽話一扭計唔可以即刻抱呀. 因為慣左就好煩呀. 要狠心D等佢喊飽喎, 不過唔係人人都可以咁狠心呀. 喊到拆天真係好難唔理呀. 希望佢可以乖D啦. 佢眼碌碌個樣好可愛呀.
回覆刪除昕晴真係好精靈啊, 尤其是婆婆抱住果張, 眼仔碌碌咁, 難怪氹得婆婆咁開心~ 99成日話"金唔笑, 銀唔笑, 見到人仔哈哈笑", bb真係可以為家庭帶來好多歡樂~
回覆刪除bb扭抱依家野, 真係有好多不同論調. 有d就話唔好一喊就抱, 驚抱慣手勢, 成日要抱~ 但又有人話, bb係媽咪個肚時, 係四周都被包圍, 出左世就無左安全感, 所以好鐘意人抱, 就好似係媽咪肚入面時咁~
我自己就會俾佢喊一陣, (等佢個肺運動下), 跟住先抱~ 咁細個好需要安全感, 如果從小就無安全感, 第時大個就無自信喎~ 同埋呢, 有d書話, 3個月前抱bb, 唔怕緃壞喎~
講來講去, 其實係我唔捨得俾仔仔喊太耐, 覺得佢咁細個, 只係識得用喊黎表達. 如果佢喊住向我求助我都唔理佢, 好似好悽涼咁~
記得有人講過, 如果bb不停喊, 可以試下開住部吸塵機~ 好似話似媽咪肚入面既聲音咁喎, 你可以試下~ 試完記得報告work唔work, 因為仔仔大個左我先見到依個方法, 無機會試~
咁我想問下... 剪個下係咪真係唔痛呢? 聯針個陣又係咩感覺? 咁生之前係咪要放便便架? 生完個傷口係咪好痛? 出院前係咪又要比姑娘洗下個傷口呢? 因為我好怕痛...唔知到時自己會點..又咩都唔知..唔識 我可以問你真係好喇~謝謝你喔~
回覆刪除坐月要好好調理身體呀 ... 唔好掂凍水呀會入風呀 .... 昕晴個樣唔同左喎 ... 之前就似爸爸多d ... 而家好似唔係好似啦 ... 似媽咪?? ... 點解生BB時會聞氣既 ... 咁仲會識得用力咩 ... 聽人講生完會抱個BB係你面前問你係女定仔 ... 唔知係咪咁呢 ... 點解你會知道佢剪既 ... 佢會講俾你知呀 ... 咁總括黎講而家政府醫院既服務好嗎 .... D姑娘態度好嗎 ....
回覆刪除下次等我出馬....哈哈!!!
回覆刪除唔該晒你咁細心答我呀.. 我真係好緊張..好緊張... 唔知自己忍唔忍受得住呢.. 我而家35週喇.. 個肚一日裡面硬好多次..係咪宮縮呀?? 係咪啫係我就生得呢?? 我見你早左預產期7日生得... 我又係第一胎..會唔會都有可能早產呢?? 好擔心呀~~~
回覆刪除hello翠儀=) 我係polly牙 你個寶貝好得意牙! 我日日都有上黎睇你個blog佢架xd祝你快d調理好身子
回覆刪除我媽媽話如果佢日抖扭計要你抱既 你要狠心d唔理佢wor..如果唔係會成日扭你抱架!kaka
同埋佢喊起上黎好似羊咩叫xdd
回覆刪除我遲d會黎探你牙! 你搞到我好想生寶寶tim xdd
回覆刪除咁都比你知道
回覆刪除