忙碌的每一天

自從妹妹出世之後
每一天
都過得超充實


因為餵媽媽奶關係
每2-3小時
就要餵一餵
由初初每餐食半小時或以上
到現在
大約15 MINS就搞掂
已經算好好了

其實
餵奶已經佔左我好多時間
家姐都有問
點解成日見親媽咪
都係餵奶
解釋完已經好左
但相信佢係覺得我無時間陪佢

輪到家姐
由放暑假開始
真係忙過不停

原先每天早上
等家姐返左學
我同妹妹都有少少時間訓下
到咁上下
再煮埋飯就接家姐

現在
家姐早上醒來後
到下午先會再訓
(已經好好了，不用我陪玩)
但就唔可以好安心咁訓
每次聽到家姐有需要
就要出廳睇下佢發生乜事
身體真的很疲累

在EQ方面
真係...................要好好去學習
1對2既時間多左
我的脾氣也暴燥左好多


現在好多時
妹妹在喊
家姐就會叫我幫佢唔知整乜整物
我未搞掂阿妹
家姐就不斷煩煩煩

在這些時候
我既語氣都惡惡地
咁家姐又會話我罵佢
令佢好唔開心

阿妹大左
就要人陪佢傾計
一無人理佢
佢就係咁不停喊
所以
心情都會較煩燥呢


同埋好多野
家姐好明顯係同我作對
叫佢唔好做
佢偏要做
仲要唔止做一次
真係
火都黎

但過後
我都要同家姐傾番
佢做錯D乜
做乜媽咪要話佢
等等道理
每天重覆又重覆
真係
身心都累透了


咁當然
家姐都有好多好乖既時候


2姊妹有好甜蜜既時候
令我地覺得
生多個都係值既







妹妹的來臨
令我地生活上都有好多改變
大家都要適應
現在已經叫做好左好多


雖然忙碌左好多
但我都很感恩
天父賜了妹妹比我地


盼望
再過一排
等家姐再返學
大家都有番D空間
咁
各方面
應該都會好好多

東海堂CAKE

某天
去了九龍灣個頭行街街
臨走時
好想食甜品
見到東海堂既CAKE好似好好味
就買幾件黎試下


真係咪睇少這幾件野
夾埋都成$7X
其中一件仲要係送既
唔使錢

唔怪得之
朋友講
食CAKE可以食窮人呀

後記

睇個樣好似好味道
但
真係好一般

係PUFF較好味
其他的
不過不失
但係買到咁貴
就唔值了

慶祝婆婆生日@2012

18 March 2012

婆婆正日生日係23號
但通常會揀早一個星期六或日
一大班人一齊慶祝的

一早黎到娘家
同阿囡一齊休息左陣
佢就跟婆婆落去唱歌先
我同老公就2人世界
去左吉吉島行街街

行到咁上下
返到去就cut cake
今次我表弟整左個大蛋糕
好味道

昕晴最愛吹candle

每次都會耐心等待

唱完歌
吹完
有得食
yummy

昕晴愛cream
所以可以好快手
成件cake自己搞掂
真係.............
食飯都係咁就好了
呵呵呵

每次去親娘家
昕晴都唔會痴住我的
多謝你呀阿囡
讓媽咪有餐安樂茶飯食
但就麻煩到婆婆同細佬女朋友
so sorry



在此
衷心多謝婆婆
唔係你
我相信我在照顧阿囡既各方面
都會搞到一鑊粥

亦都祝婆婆生日快樂
身體健康
每天都過得快快樂樂


黎緊仲要幫手照顧小b
嘻嘻
如果身體唔健康
真係乜都做唔到呀

2012情人節

14 FEB 2012

今日係情人節
每逢這些大時大節
我地都會選擇
唔在出面過
大家己講明
千其唔好係個日買花
真係...............
我寧願將D錢
留番第2日食D更好既野
嘻嘻
超現實呀


我地覺得
如果相愛
日日都係情人節
唔使係當天
比人搵笨


而在這個時候
確實無乜心情去慶祝


感激我媽
當我入院個晚
佢就義不容辭話幫手照顧阿囡
(我阿媽要返工的，返工時就由公公頂住)
叫我地幫阿囡請假
要我好好休息


星期一晚
老公己將阿囡帶到娘家
就算我回家
也可安心休養

老媽子
真係萬分感謝

當我出院時
順便去了吉吉島
買左D牛扒、露荀、凱撒沙律

老公回來時
就親自下廚
真的煮得有板有眼
抵錫 ^3^



老公
感謝你在這個時刻
這樣的照顧我
知道你返工辛苦
回來仲要幫手做家務
又要搞掂阿囡
除了感謝你
也沒有甚麼可以說

大家一齊努力
撐多一排
等小B出世
各方面都適應哂
你就無咁辛苦架啦
願主祝福我們一家
一齊努力
加油

自家邊爐

8 FEB 2012

唔知做乜
無啦啦又凍番
一凍
就諗起打邊爐

有乜好過在家打
平時既湯底
會爆左D白蘿蔔、豆腐、魚肉
加水落少少雞粉、SALT、糖就算

今日
第一次試這些火鍋底
我只係落左一包
湯底己經紅到好似好辣
但這個只係蕃茄湯
聞既味道
就超濃既蕃茄味

整體黎講
除了湯底顏色同聞既味道好之外
我地食咁耐
都唔覺得有蕃茄味
嘻嘻
唔知係我落少左一包定點
下次應該唔會再買了
好在特價
在百佳買 $2x 一 pack
呵呵

打邊爐
點少得可口可樂
雖然我唔飲得
但都買左一PACK



唔知係咪好耐無買
覺得佢地好似細左咁
以前好似大罐D
家陣飲幾啖
己經無哂
唔知係錯覺定係佢地真係細左呢？
因為以前無留意佢地既ml數
所以無得比較

盆菜宴@民安隊60週年紀念

早上拎完野
晚上約左婆婆去盆菜宴

之前都唔知原來係民安隊搞
只知係我媽咪既同事
有飛多
叫埋我地去
當然應該要比錢的
但這些由我媽咪一手搞掂
所以乜價錢我都唔知
謝謝我媽

開頭知道係坐露天
都有拒絕過
但阿媽盛意拳拳
我又LIKE的
就算啦

3代同堂合照
真的感謝媽媽每次都幫忙 (照顧阿囡)
無左你
我應該會好無助

第一次食
好好味呀

唔知係咪圍村盆菜
真係好有風味架
中間有人
拎左D由田園出品既菜黎比我地
超鮮甜呀
諗起都流口水
yummy yummy



我自己就喜歡食盆菜的
這間好有風味
我地成圍枱
得我老公係男性
所以食唔哂
最尾仲分左d比隔離枱
是晚食得好開心呀
yeah

我地一邊食一邊有人在枱上表現
阿囡食飽左
就搵我媽d同事陪佢出去
(真抵錫，唔左住媽咪食野，嘻嘻)

中間有人播古巨基個首 "爆了"
阿囡好興奮咁邊唱邊跳
真係
頂佢唔順呀
仲要話比婆婆聽
佢覺得古生好靚仔
真係..............
得啖笑呀

MY BIRTHDAY@2012 (下場)

去完海洋公園後
就快快手出番去搵食
之前在BLOG友網誌中
見到這間野
好想去試
就決定生日飯係度食


勝博殿位於銅鑼灣
在MTR F出口行一陣就到
以炸物出名
類似吉列個D咁
(但我無食過吉列，所以無得比較)

打去BOOK枱時
佢地話晚上無得BOOK
上網見到D人話又係要排哂隊
我地去到大約7:00
其實佢等位位置都迫迫地
好在等左唔使30 MINS就有位
感恩感恩

由於第一次食
好多野都覺得好新奇
椰菜同前菜係任添的

枱上個2款汁
FOR食椰菜用
芝麻汁較好味

芝麻係點炸物用
阿囡好興奮咁磨磨磨
當然最尾要由DADDY出手先成功



再加埋D醬汁
搞掂

全名唔記得
炸豬柳餐 (大) $148

炸豬扒餐 $148
佢地有麥飯同白飯選擇
飯類同湯都係任添的

後記
我同老公一致認為
炸豬柳勝出
因為真係咬落去好鬆化

反而失望既
係豬扒
叫既時候都有問過佢地D員工
都係話豬扒較出名
但我地個日食到既
係好鞋好硬既豬扒

如果要我選擇
我地會為豬柳再去
但豬扒既話
可以SAY BYE了
嘻嘻


最後講下我既生日願望啦
查實每年都係個D
但都好想實現
就係我所認識既人 (家人與朋友)
可以有機會信主
每個都身體健康

MY BIRTHDAY@2012 (中場)

 

上回講到
我地今日會去海洋公園
是日係星期六
我地都預左多人
同埋天文台話會落雨
但難得生日個個免費
好在只落左2次過雲雨




而今年
除了生日免費
生日個個仲可以幫一位同伴
以半價購買一張入場卷




同埋佢地今年35週年
如果身份證有"3"或"5"就有9折
"35"連住既
仲可以有65折

昕晴己經3歲
我地就幫佢買飛入場
慶幸佢既出世紙
有其中一個no.
今年全家入場費
都只係 $266
一家4口好抵呀
多謝海洋公園既優惠

黎咁多次
第一次發現這個地方
原來這邊都有熊貓架
仲要比安安同佳佳個邊
影得近同靚

這隻熊貓仲好似識笑
好可愛呀

由於我這個大肚婆
乜機動野都玩唔到
所以今次主力
都係陪昕晴玩兒童王國

今次阿囡好利害
唔使我地陪
好多機動遊戲都自己玩
佢竟然
自己夠膽坐跳樓機
真係大個囡啦

最搞笑既
我地見到威威劇場有人指示過去
咁問個個工作人員係咪就做show
佢話係
咁我地就入左去
但坐坐下
發覺唔對路
點解連tvb都黎埋

原來我地睇既
唔係威威劇場平時做既show
而係甚麼保育白海豚開幕
我地就白白等左起碼20mins
最尾選擇等佢地講致謝詞前離開

阿囡好喜歡影大公仔
好在是日唔多人
唔使點排隊就影到

玩到咁上下
就搭纜車去玩新野
同埋去m記依肚

其實這邊都係for daddy玩
我同阿囡就等待+影相

感恩既
可能當天天色真係唔太好
所以算係較少人
最多既係國強人團隊
但比起好天既話
真係叫做少人架啦
因為我地去親洗手間都唔使排隊

因為仲有下場
所以玩到咁上下
又要走啦

我今年唯一一個game
就係陪阿囡坐氹氹團
因為佢唔夠高
一定要一位大人陪伴
其他的
只係坐過唔知乜既車車
同摩天輪

好啦
完滿的一天
有機會
再黎

唔知出年
阿媽有無時間幫我湊b
等我同老公
瘋狂玩番日呢
嘻嘻