育兒42個月

育兒42個月

3歲零6個月

懷孕約6個月

今個月
一定要記錄既
係我地整整2個月
(1月同2月)
都無睇過醫生啦
YEAH YEAH YEAH

自從阿囡返學後
差唔多每個月
都要幫襯1-2次醫生

尤其上年12月
我同阿囡
分別都睇左幾次
食藥食到人都癲

好在有政府個 $6000資助
否則
真係睇都睇到窮呀

係這段懷孕期間
自己身體好多的不適
之前
都會每天用15 MINS左右時間
同阿囡玩認字

查實只係佢地學校派左D字咭
(即學校教過個D)
咁我就拎黎
幫阿囡認下

不過
現在做少少野
都會感到有心無力
所以這PART
都係等老公回來做

BUT
好多時
老公回到家
己經好累
又要幫手做家務
所以都無話要特別每天都認

我地都相信
在玩既過程中
如果玩有關於"文字"既野
阿囡唔多唔少
都會認得少少
所以都無刻意
買D乜野返黎教

而我同老公既教導方式
都係好唔同的
老公BUY早教個套
佢覺得
小朋友在細個時
吸收能力比我們大人強
所以
學語言最好在這個階段學

而我
就會覺得
學野係無錯既
只要唔好迫得佢地太辛苦
就無問題


近期
見到有個BLOG友個仔
一星期學成5樣興趣班
而好多
都係有証書既
因為
要入到好既小學

對於我來說
太多真係好辛苦
小朋友唔累
大人都累
(除非d興趣班係屋企附近、唔使搭車都到既就另計)






某天
亦比我看到電視
講現今既小朋友既睡眠時間
佢地訪問個個
係個小二女生

由一早上學開始
就不停打仗
放學後
又要趕去學2樣興趣班
之後
回家除了食晚餐、小休
仲要做功課
每日都成12點先上到床訓
第2日
6點幾又要起身再黎過

個一刻
睇到我自己都驚
不過我相信
每個家長安排既都唔一樣

而早教或遲教
2樣都無錯既
事乎每個家長既取向
我都感恩的
我地2公婆
一正一負
剛剛好
哈哈

咁一定唔會太迫
亦都唔會太HEA


咁啱今胎有好多麻煩野出現
就令我更加反思
小朋友都係神賜比我地既禮物

只要佢地身體健康
每天都快樂
己經好感恩

因為人生
唔係應該要快快樂樂
開開心心咁成長嗎？

而我地都一樣好重視既
係品德大過讀書
所以
盼望神讓我們不走歪路
讓囡囡們都有開心愉快既成長過程
咁真係不狂此生

這篇純粹個人感受
不喜勿插
嘻嘻
學下人地講野先

因我知好多家長
未必buy我既諗法
但每個人都有自己個套
只要覺得啱
就按自己覺得舒服個套黎行
真係無話
對與錯

親子廚房 - 芒果布丁 (難食版)

這包粉
之前貪得意買回來的
無記錯
好似係 $10
百佳、日本城個D有售

見好耐都無整野食
就試下同阿囡玩下
查實係怕過左期都唔記得
嘻嘻

做法好簡單
盒後說明書寫哂
只要加水就得

但無諗過
一落粉
D粉就飛哂出黎
所以搞到好似煙霧迷漫
這張相唔係特別效果

之後就落水
搞搞搞

再"畢畢畢"

唔使5分鐘就整好
超快

事後放入雪櫃



食後記

阿囡食左第1杯先
但無幾啖
佢己經同我講話唔好味

之後我就試左啖
佢有陣........
膠膠地定係藥水味
真係麻麻地

另外個3杯
比我放左入垃圾桶
因唔知佢加左D乜
唔夠膽再食


事後我同阿囡講
遲D同佢整正式的芒果布甸
可能難食
之後
阿囡竟然連提都無提過
要食布丁
嘻嘻

嚐越@德福廣場

25 FEB 2012

今天係EDDIE哥既大日子
好開心能參與其中

祝你與J小姐
白頭到老
永結同心

觀禮地點係德福
咁晚餐順便係個邊
3大1小
就去了嚐越
食越南野的
質數味道都唔錯

春卷
好味道

這個
好似叫火車頭？
都係好味道的

原個菠蘿炒飯
YUMMY YUMMY
最重要既
3樣野阿囡都可以食到

開頭無拉拉扭計
比DADDY捉左出去訓話
之後就好好多
真係唔明
做乜成日鬧情緒

自己食
無難度
因為佢知道食完
就有得玩 I PHONE

所以食得好快手
小朋友真係...............
I PHONE在手
就可以好安靜

雖然我唔BUY咁樣教仔法
但
這樣可以換來一刻安靜
算啦



是晚埋單 $21X
雖然只叫左3樣
但好味既話
就會覺得好值

同埋可以安安樂樂咁
唔比人趕
感覺良好

之後
去左 SHOPPING
阿囡又有收獲
爽爽爽

所以
我都係唔可以行咁多街
尤其UNIQLO個D
實忍唔住手架 ^^

2012老公生日飯@王家沙

20 FEB 2012

是日老公生日
生日快樂啊 ^3^


雖然今天請了假
但因為之前見紅
所以甚麼地方都無去


是日活動地方
都環繞住我家附近

一早送完阿囡返學
終於有2人世界既時間
去左大家樂食早餐
便回家休息


中午接完放學
就去左元氣
STOP左好耐都無去過
(因我怕忍唔住食生野)
今天終於破例
雖然我同阿囡都係食熟既
但就好開心

元氣仲送左個七巧板比阿囡
DADDY又買左支公主飲品比佢
睇佢個樣開心到
好似係佢生日咁




原先諗住煮西餐
但老公唔想我太辛苦
最尾就去左APM既王家沙

第一次黎
食上海野
印象中唔平的

我地怕多人
所以6:00前到
好多款都想食
但叫太多又食唔哂
苦惱中

最終選了
五香牛展 $52
睇個樣好辣
查實一D都唔辣

京蔥爆牛肉 (配簿餅) $68
好味道
但真係要熱食
凍左就爭少少

宋嫂魚羹 (一人份量) $38
食完都唔知咩黎
只記得每啖都"畢"到有薑
我自己一向不LIKE食薑的
所以最尾比老公KO哂

招牌蟹粉小籠包 $50
好好味

原盅餛飩雞 (一人份量) $46
不過不失
都OK的

魚湯蒜子菜心苗 $48
諗住無菜就叫個菜
一D特色都無
仲要成 $48
真係....................唔叫好過叫

由於這餸係最尾先叫
我地己經好飽
最終都係打包回家

高力荳沙球 $36
老公最想叫既一碟
好味的
就算好飽
食甜品真係有另一個胃架





是餐總數
茶位每個$8 (佢計我2位)
花生一碟 $10
連加一
今餐成為 $392

老實講
唔知係我地唔識叫定點
我覺得
佢只係不過不失
無D人講到咁好味
當然
每人口味唔同

亦都唔明
點解成日都排長龍
如果咁既價錢
係夏麵館個D地方
應該食到反肚
嘻嘻

原先想行多陣
但去左洗手間
又見到少少少少紅與啡
老公擔心
就飛的回家
讓我休息

之後佢2父女
就睇番錄左既"豬羅紀3"
昕晴好搞笑
又要驚又要睇
成晚痴住DADDY


雖然平平淡淡咁就過左
但感謝老公的體諒
佢話
只要與我們一起過
去邊都無所謂 ^3^


所以點都係個句
有無錢
有無學歷
都係後話

人生中最重要的
就係身體健康
每天都過得快樂滿足

在此
都祝願各位
身體健康
每天快樂

獎勵印

相信好多媽咪
己經用過或己用緊這個方法

之前家長日
老師教左我用這個方法
讓阿囡在家可以乖些

話哂都係第一次
老公叫我比鬆手D
等佢可以快D蓋滿
就知道
原來乖
就會有得獎勵

而我
每天最少都會蓋4個印
係佢唔乖
就扣

用左之後
發現阿囡為左想得到佢要既野
真係會合作左
聽話左

但黎緊既獎勵印
應該唔會蓋咁多個先有禮物
同埋唔會每日4個咁多
嘻嘻

其實我地講過
蓋滿一張
就獎佢一樣野
比佢自己揀

而阿囡所揀的
一係就食雪糕
一係去扭蛋
一係買細細隻既公仔
事但揀一樣

咁啱
個期去左反斗城
見到這個玩意
有益身心
我就忍唔住
買左
當係禮物咁獎比阿囡子
(我好少可咁豪架，嘻嘻)




這套玩具都係好好玩的
先教昕晴認D英文
再由紅色個個盒內
推出2張卡

類似眼明手快咁
見到啱自己張卡
就鬥快拎

相信
如果由幾個小朋友一齊玩
應該會好刺激

生日會@1,2月份

17 FEB 2012

是日係學校的生日會
星期二、三幫阿囡請左假
班主任好有心
打來問番我既情況
仲話
如果我想休息
可以請埋星期四同五
因星期五返去都係開生日會

同老公商量後
都係想阿囡返學
因為在婆婆家
公公唔識同佢玩
佢應該好悶
嘻嘻
等佢返去見下同學仔都好

而且我身體
休息左幾天
都OK
應付到

可能2日無返學
一返到去
就好開心
相信阿囡都係喜歡與小朋友相處的



今次係FOR 1,2月生日既小朋友
雖然比起之前叫做無咁多禮物
但樣樣都可以食
己經好感恩了

唔使一個下午
己經KO哂枱上面既野 (餅乾除外)
乜真係咁好味咩？

2012情人節

14 FEB 2012

今日係情人節
每逢這些大時大節
我地都會選擇
唔在出面過
大家己講明
千其唔好係個日買花
真係...............
我寧願將D錢
留番第2日食D更好既野
嘻嘻
超現實呀


我地覺得
如果相愛
日日都係情人節
唔使係當天
比人搵笨


而在這個時候
確實無乜心情去慶祝


感激我媽
當我入院個晚
佢就義不容辭話幫手照顧阿囡
(我阿媽要返工的，返工時就由公公頂住)
叫我地幫阿囡請假
要我好好休息


星期一晚
老公己將阿囡帶到娘家
就算我回家
也可安心休養

老媽子
真係萬分感謝

當我出院時
順便去了吉吉島
買左D牛扒、露荀、凱撒沙律

老公回來時
就親自下廚
真的煮得有板有眼
抵錫 ^3^



老公
感謝你在這個時刻
這樣的照顧我
知道你返工辛苦
回來仲要幫手做家務
又要搞掂阿囡
除了感謝你
也沒有甚麼可以說

大家一齊努力
撐多一排
等小B出世
各方面都適應哂
你就無咁辛苦架啦
願主祝福我們一家
一齊努力
加油

第2次見紅

13 FEB 2012

己過了25 WEEK
(即己OVER 6個月)
無拉拉在早上去洗手間時
又係抺到紅
今次雖然只係血絲
唔算多
但為安全起見
都係飛左入急証

但今天唔知發生乜事
可能有突發野發生
我由11:30等到3:00
足足等左成3.5小時先輪到我
因為得我一個
唔敢行開去買野食
所以無食午飯
餓到想C

之前見紅
醫生都會在急証室內幫我處理 (照陰道同超聲波)
但今次佢地話我WEEK數大
要我入院

老實講
我仲有個囡要照顧
無拉拉要入院
真係十分不願意
但唔入院
佢就唔幫我CHECK任何野
話最多早D幫我安排個期做產檢
SO
迫住入

真的感謝神
係臨急臨忙既時間
可以搵到姊妹幫手
搞掂阿囡
真係安心哂

其實我係下午先上到病房
除了抽血同檢查陰道外
要等到第2日早上先可以照超聲波
期間都係訓床
(姑娘話觀察喎)

好了
終於捱過一晚
照完見埋醫生
話我一切都無問題
胎盤無問題
BB無問題
就比我走
但講唔到我因乜會有血
其實我好無奈架


14 FEB 2012

到我回到家
大約2:00
又係去完洗手間
再次見紅
當時情緒有些失控
狂喊

之後再諗
如果我再入政府急証
又係做番同一樣野
相信都會話我無問題
今次
唔止血絲咁少
但我就無理
喊完就上床休息
諗住訓醒再算

當醒來後
就開始打電話比私家
真係唔打由至可
打去既話無BOOKING唔比我插隊 (己話見紅)
個刻真係好灰
好在最尾打了去照結構既鄧醫生度
佢安排左我15號下午去



15 FEB 2012

早上見到有血塊
好不容易捱到去下午
比鄧醫生檢查完
終於知道發生咩事

原來我個胎盤邊損左
所以見到有血
醫生叫我唔使太擔心
話好多孕婦都有咁既情況
這情況唔會影響BB發展
現在最重要既
係我無肚痛
同埋D血唔係多同鮮紅
但點解胎盤邊會損
就無原因

個刻
真係安樂哂
醫生叫我唔好太粗勞
要休息多D
就己經可以了
知道原因
心情己經鬆哂
事後真係乜地方都唔去
乖乖留在家休息

所以在此
感激幫過我手既姊妹
無你地幫忙
相信我會好無助

最搞笑既係電話無電
好似拍戲咁
入院個日
剛剛電話無電 (得番幾個%)
只能用SMS同老公通訊
好在搞掂哂阿囡
先無電
否則真係唔知點算

小B物資

11 FEB 2012

今天約了老死去荃灣掃貨
因為昕晴留番底既衫
就係無乜初生個D
可能個陣著得太殘
最尾掉哂
執番D物資出黎
好在唔使話買太多己夠用


初頭都有諗住去吉吉島同BB展
但我買既野確實唔多
而吉吉島又未去到最平既時候
有去過花園街
人太多
初生野又唔算平
之前幫老死買
死都唔肯減價
所以最尾無去到
都係返回荃灣買


唔想太遲先出去買
就拿拿林約了老死出黎
講真
同女人買野
真係細心好多架
感激老死的幫助
有好多野都係要身邊個個幫我CHECK
幫我講價


我地去番村龍街個頭 (鐡皮屋)
有個叫 "黃發婆婆"既地舖
(買個陣佢話暫時會搬入另外一邊，因政府要維修)
佢個度買野應該係最平
因為昕晴時代
己經有媽咪們介紹過


這裡勝在
買齊後
仲可以講下價
雖然唔會減好多
但減多少少
對於我地這些C9仔黎講
己經好多
嘻嘻
慳得$1得$1


今次買了和尚袍
這個短袍款
$18一件
打底用
買了半打
(最尾見到"欣欣"做持價，$12件(己折)，但無款揀的)

這款衫買左7件
$39件
著係出面的

以我同老死經驗
之前都會買另外一隻款
(同我地買短袍一樣，只係轉買長袍)
但諗諗下
佢地只係著到約莫3個月就應該唔啱
所以買了這個款
到過左3個月
都可以著番

因為這款可以變成長袍
所以初生時
我地都會前後拍變長袍


3個月後
因BB己經開始周身郁
就會拍番隻腳比佢
方便佢郁郁郁
所以SIZE都係買大左少少
嘻嘻
諗番真係好C9

之後就買我自己既野
係荃豐專買BB及孕婦野架
間野叫"欣欣" (姊妹介紹)

舖位好細
但勝在乜都有得買
(無放出黎既都可以問佢地有無)
只要買過OVER $500
就會有張VIP咭 (8折)


姊妹個陣買埋床同車
OVER $3000
分左6張咭比佢
己比左張我


今次買左
2件孕婦衫 $139 and $119
孕婦m巾 $36
冷熱full (2個裝) $168
NUK棉花棒 $16

TOTAL $385.6
除左棉花棒 (因佢己折左)
全部貨品都有8折



之後都有去過護協
價錢其實同佢折左後差唔多
在護協買了2包非黏貼 (我間醫院指明要這隻)
$25包


正常既走佬袋野己經搞掂
遲些等有太陽
先洗埋小B既衫

由於小B出世時都己經係5-6月既事
所以唔使點買好厚個D
我發現
冬天出世既話
D衫仔真係貴好多架

一切都預備好
期待小B的來臨

產前運動

3 and 10 Feb 2012

yeah
好開心
今胎終於可以有時間
上產前運動啦

其實早於第一胎
醫生都有轉介過我去做產前運動
但佢地既時間
全部都在上班時間 (當時還在上班中的)
個陣唔想
係又請唔係又請
因產前檢查已經拎左好多假
所以未能參與

今胎
由4個月開始
我既腰部己經開始酸痛
懷孕16-20週開始
孕婦己經可以開始做產前運動
今次助產士都有轉介我去
感謝感謝

無記錯
坊間都有類似既工作坊
但佢地好似係按次收費
每次都成$2xx
我都係睇電視
所以詳情唔太清楚

整體上
我覺得係有幫助
當然要自動自覺在家做

有專業既物理治療師話比我地聽
點解孕婦會有腰背痛
會教導我地做乜動作
去改善痛楚

佢地會教我地正確既姿勢
由手到腳
每個孕婦都要比治療師睇
有無做錯
同埋好多我擔心既問題
物理治療師都會詳細解答

這個係政府搞的
做2次
(分別講產前及產後)
好似睇門診咁
首次 $100
第二次 $60
每次約莫上個半小時

如果有媽媽想做
就要同產檢既醫生講
大家有腰痛既問題
醫生就會轉介
因無轉介信
佢地係唔會收架

畫畫@HOME

之前想幫阿囡報出面既畫班
合心水既
一來唔啱時間
二來自己今胎唔多爭氣
總係周身唔舒服
所以
暫時都無報到任何興趣班

某日係圖書館
發現原來有教小朋友畫畫既書籍
所以借左最簡單既
回家自學

當然自己既畫功都係油麻地
只係希望阿囡畫下畫下
會有興趣

整體上
昕晴都唔多喜歡跟住我叫佢既黎畫
開頭都想佢step by step
跟住人地既畫





但諗深一層
我都係想引起佢對畫畫既興趣
唔想好似乜都迫
咁就放手
佢LIKE點畫就點畫
唔規限住佢要"咁咁咁"

可能係新野
算叫做有少少興趣咁啦
當然畫左都唔多似

算啦
慢慢教
慢慢學
又可以親子
一舉幾得
啱哂我呀
嘻嘻