坐月好幫手

坐月期間
真係好需要別人的幫忙
之前諗過請陪月
但
家陣既陪月
真係又貴又唔PRO
讀完出黎
都可以收好貴人工

專業個D
又貴到飛起
所以最終
我地都無請


今次坐月
真係好感謝神
使我有合適的人選


我的好幫手1號

感謝我的好媽媽
在頭個半個月
無左你
真係唔知點算
因為頭個半個月
係我最需要休息既日子
感謝媽媽唔使我動手
就搞掂哂屋企所有野
(因我媽媽係個SUPER WOMAN)
所以話
世上只有媽媽好 ^3^

好幫手2號

感謝我的好姊妹
因工作關係
認識了這位好姊妹
姊妹住我家附近
可以隨時隨地過來幫忙

坐月後半個月
感謝你的幫忙
使我們有3餐溫飽
感謝你的唔計較
讓我能隨時找到好幫手
陪我去醫院、健康院
幫我照顧大囡
感謝你

好幫手3號

當然係我的好老公
在坐月期間
朝朝一早就走去買飯比我
星期六日又要買餸煮飯

當我病左既時候
就幫手整天照顧阿B

又幫手沖涼
一切盡在不言中





沒有你們
我相信我坐月的日子
會好辛苦
在這裡
送上無限的感謝

米茶@坐月

上一胎乜都唔識
原來坐月期間
要飲米茶架

媽咪朋友讀過陪月
有好多資訊都係由個度得黎的
亦都多謝venus
唔係你我都唔知咁多野
哈哈


1. 用紅米、白米落鍋，白炒至米變黃、出香味，用玻璃瓶放好，備用！ (每次落大約2茶匙)


2. 紅棗去核，6- -8粒 (我未必次次落)

3. 龍眼、杞子各少許、陳皮一角 (去狼)

做法：

陳皮隨凍水落
將所有材料洗淨
水滾落鍋
大火煲滾轉中火煲一個小時

最尾放入保暖壺
當整天的飲料


今次米茶全部由老公一手包辦架
謝謝老公
抵錫 ^3^

大肚婆止嘔方法

今胎真係嘔左好多個月
頭個5個月
仲有尾個幾個月都有嘔
真係超辛苦

好在有好友教路
教我用淡普洱 + 果皮沖水


我知普洱點沖都會好深色
咁我就用了這個方法
將佢放係個碗度
落少少熱水
就倒入杯中

再將己去"朗"既果皮
放入杯中

其實最好用熱水杯
咁就可以KEEP住熱


將果皮同少少普洱水放入去
再加熱水
咁D普洱就唔會咁濃




我試過
真係好work
我KEEP住飲左一星期

嘔既情況真係好左好多
因未飲前就日嘔幾次
飲左後
個胃只有少少頂住
無嘔

所以對於我來說
己經係WORK
但唔知係咪個個都WORK呢？

血糖測試@聯合

15 March 2012

今天一早就要入院啦
謝謝婆婆的協助
幫我湊女
讓我無後顧之憂


8:00前要到達
醫院安排左我入細房
原來細房好似私家咁
(通常住開大房的)
一間房得2張床




今日要抽成5次血
諗起都驚呀
抽血程序如下
講真
唔對住這張表
真係一定會食錯哂d時間呀

早餐

上午茶

午餐

下午茶
其實這餐會跟一包奶
但個陣營養師幫我寫左我飲唔到奶
豆奶佢地又未有
所以無野飲

晚餐

宵夜



其實
如果平日
可以食到咁多餐
又keep住食佢地個d分量
無乜鹽同糖
應該d血糖係好正常的

但我真係食唔慣紅米飯
最尾個餐
抽血員遲左黎
我地d飯焗到硬哂
又餓又急住食
(因為食完後2小時抽最尾個次血就可以走人)
最尾搞到個胃勁痛

醫院話如果有事
會1-2天親自打比我
收唔到電話
就按預約既期回去覆診

感謝主的
沒有收到任何電話
現在安心地等待下次產檢

仲有唔夠2個月就到預產期
希望到生既時候
一切都正常 & 順利


題外話
今日最尾個針
遇到on call既洋蔥
唔知係咪新黎
抽左我2次先抽到
仲要抽得好痛
今天既5針變左做6針
真係好多謝佢

同埋唔知係咪
只有聯合對血糖測試咁緊張
我聽其他媽咪講過
佢地只係見營養師
唔使好似我咁
入院食佢地個d餐架
真係每間都有唔同做法

妊娠期糖尿病@見營養師

2 MAR 2012

今胎真係乜都有
見紅
好多痛症
家陣連營養師都要見埋
所以
一個BB能夠健健康康咁出世
對我黎講
確實係恩典


只係相隔3年
莫非我個身體真係差左咁多？
因為生昕晴個陣
真係無咁多野架喎


今胎飲完糖水
血糖係4(第一次抽血)
同
8.6(飲完糖水2小時後再抽血)
聽番助產士講
正常飲完糖水
個個數字係唔OVER 7的
而我現在這個
比正常高左少少
但又未去到糖尿病
(因糖尿既話係OVER 11的)
所以為安全起見
佢地都係PASS左我去見營養師

一去到營養部
簡單的榜重填資料
就等入房
睇左15 MINS有關糖尿病既DVD後
就續個見營養師


老實講
要跟足佢地既餐單黎食既話
對於我黎講
都有些難度

現在只可能
盡量少食多餐
一次過唔食太多既肉
因為唔知點解
每到晚餐過後
即10:00後
我就好口痕
成日想食野



現在聽左營養師講
就算想食野
都會揀D合適既食物黎食
黎緊15號要入院 (全日)
個日仲要抽成5次血
希望一切順利啦

不過營養師話
我既餐單要食到生為止
好多時生完BB
就會回復正常
所以都係要KEEP住

雖然我未去到糖尿病
但如果唔好好控制
有機會
患上糖尿病機會較高
所以
都係聽聽話話
少食多餐

第2次見紅

13 FEB 2012

己過了25 WEEK
(即己OVER 6個月)
無拉拉在早上去洗手間時
又係抺到紅
今次雖然只係血絲
唔算多
但為安全起見
都係飛左入急証

但今天唔知發生乜事
可能有突發野發生
我由11:30等到3:00
足足等左成3.5小時先輪到我
因為得我一個
唔敢行開去買野食
所以無食午飯
餓到想C

之前見紅
醫生都會在急証室內幫我處理 (照陰道同超聲波)
但今次佢地話我WEEK數大
要我入院

老實講
我仲有個囡要照顧
無拉拉要入院
真係十分不願意
但唔入院
佢就唔幫我CHECK任何野
話最多早D幫我安排個期做產檢
SO
迫住入

真的感謝神
係臨急臨忙既時間
可以搵到姊妹幫手
搞掂阿囡
真係安心哂

其實我係下午先上到病房
除了抽血同檢查陰道外
要等到第2日早上先可以照超聲波
期間都係訓床
(姑娘話觀察喎)

好了
終於捱過一晚
照完見埋醫生
話我一切都無問題
胎盤無問題
BB無問題
就比我走
但講唔到我因乜會有血
其實我好無奈架


14 FEB 2012

到我回到家
大約2:00
又係去完洗手間
再次見紅
當時情緒有些失控
狂喊

之後再諗
如果我再入政府急証
又係做番同一樣野
相信都會話我無問題
今次
唔止血絲咁少
但我就無理
喊完就上床休息
諗住訓醒再算

當醒來後
就開始打電話比私家
真係唔打由至可
打去既話無BOOKING唔比我插隊 (己話見紅)
個刻真係好灰
好在最尾打了去照結構既鄧醫生度
佢安排左我15號下午去



15 FEB 2012

早上見到有血塊
好不容易捱到去下午
比鄧醫生檢查完
終於知道發生咩事

原來我個胎盤邊損左
所以見到有血
醫生叫我唔使太擔心
話好多孕婦都有咁既情況
這情況唔會影響BB發展
現在最重要既
係我無肚痛
同埋D血唔係多同鮮紅
但點解胎盤邊會損
就無原因

個刻
真係安樂哂
醫生叫我唔好太粗勞
要休息多D
就己經可以了
知道原因
心情己經鬆哂
事後真係乜地方都唔去
乖乖留在家休息

所以在此
感激幫過我手既姊妹
無你地幫忙
相信我會好無助

最搞笑既係電話無電
好似拍戲咁
入院個日
剛剛電話無電 (得番幾個%)
只能用SMS同老公通訊
好在搞掂哂阿囡
先無電
否則真係唔知點算

小B物資

11 FEB 2012

今天約了老死去荃灣掃貨
因為昕晴留番底既衫
就係無乜初生個D
可能個陣著得太殘
最尾掉哂
執番D物資出黎
好在唔使話買太多己夠用


初頭都有諗住去吉吉島同BB展
但我買既野確實唔多
而吉吉島又未去到最平既時候
有去過花園街
人太多
初生野又唔算平
之前幫老死買
死都唔肯減價
所以最尾無去到
都係返回荃灣買


唔想太遲先出去買
就拿拿林約了老死出黎
講真
同女人買野
真係細心好多架
感激老死的幫助
有好多野都係要身邊個個幫我CHECK
幫我講價


我地去番村龍街個頭 (鐡皮屋)
有個叫 "黃發婆婆"既地舖
(買個陣佢話暫時會搬入另外一邊，因政府要維修)
佢個度買野應該係最平
因為昕晴時代
己經有媽咪們介紹過


這裡勝在
買齊後
仲可以講下價
雖然唔會減好多
但減多少少
對於我地這些C9仔黎講
己經好多
嘻嘻
慳得$1得$1


今次買了和尚袍
這個短袍款
$18一件
打底用
買了半打
(最尾見到"欣欣"做持價，$12件(己折)，但無款揀的)

這款衫買左7件
$39件
著係出面的

以我同老死經驗
之前都會買另外一隻款
(同我地買短袍一樣，只係轉買長袍)
但諗諗下
佢地只係著到約莫3個月就應該唔啱
所以買了這個款
到過左3個月
都可以著番

因為這款可以變成長袍
所以初生時
我地都會前後拍變長袍


3個月後
因BB己經開始周身郁
就會拍番隻腳比佢
方便佢郁郁郁
所以SIZE都係買大左少少
嘻嘻
諗番真係好C9

之後就買我自己既野
係荃豐專買BB及孕婦野架
間野叫"欣欣" (姊妹介紹)

舖位好細
但勝在乜都有得買
(無放出黎既都可以問佢地有無)
只要買過OVER $500
就會有張VIP咭 (8折)


姊妹個陣買埋床同車
OVER $3000
分左6張咭比佢
己比左張我


今次買左
2件孕婦衫 $139 and $119
孕婦m巾 $36
冷熱full (2個裝) $168
NUK棉花棒 $16

TOTAL $385.6
除左棉花棒 (因佢己折左)
全部貨品都有8折



之後都有去過護協
價錢其實同佢折左後差唔多
在護協買了2包非黏貼 (我間醫院指明要這隻)
$25包


正常既走佬袋野己經搞掂
遲些等有太陽
先洗埋小B既衫

由於小B出世時都己經係5-6月既事
所以唔使點買好厚個D
我發現
冬天出世既話
D衫仔真係貴好多架

一切都預備好
期待小B的來臨

產前運動

3 and 10 Feb 2012

yeah
好開心
今胎終於可以有時間
上產前運動啦

其實早於第一胎
醫生都有轉介過我去做產前運動
但佢地既時間
全部都在上班時間 (當時還在上班中的)
個陣唔想
係又請唔係又請
因產前檢查已經拎左好多假
所以未能參與

今胎
由4個月開始
我既腰部己經開始酸痛
懷孕16-20週開始
孕婦己經可以開始做產前運動
今次助產士都有轉介我去
感謝感謝

無記錯
坊間都有類似既工作坊
但佢地好似係按次收費
每次都成$2xx
我都係睇電視
所以詳情唔太清楚

整體上
我覺得係有幫助
當然要自動自覺在家做

有專業既物理治療師話比我地聽
點解孕婦會有腰背痛
會教導我地做乜動作
去改善痛楚

佢地會教我地正確既姿勢
由手到腳
每個孕婦都要比治療師睇
有無做錯
同埋好多我擔心既問題
物理治療師都會詳細解答

這個係政府搞的
做2次
(分別講產前及產後)
好似睇門診咁
首次 $100
第二次 $60
每次約莫上個半小時

如果有媽媽想做
就要同產檢既醫生講
大家有腰痛既問題
醫生就會轉介
因無轉介信
佢地係唔會收架

照結構@鄧悅翹

30 DEC 2011

之前生阿囡
醫院會幫我照結構
但今次
醫院講明
只係幫高齡產婦做

咁我第一次產檢完
醫生己經提我要BOOK定
唔知係咪龍年關係
真係D期排到痴哂線
打幾間都話full哂
個刻真係好down

感謝cyan提供資料
佢都有同樣情況
好在佢早過我check
咁就叫我打比鄧e生約時間
同埋這個e生唔貴
全包都係$1300
我多口問句
原來佢地產檢
都成$700左右一次
咁$1300包埋產檢
確實叫做平

而最感恩的係
陪阿囡睇眼科
我照結構時
都有老公相伴
因為佢公司放假
咁我唔使咁辛苦



診所在尖咀
我約左早上10:30
女e生
老公最想的

e生有耐性同細心
每個部位都照得一清二楚
上至大腦
下至腳仔
內臟乜都照齊
講解非常仔細
感恩的
bb一切正常
而今次照到的
係b女

yeah
唔使買過哂d野
可以著番家姐個d

照完
去左海港城行一陣
早上影既相
確實唔同晚上影
之後就同昕晴及老公
去了"芽莊"食越南野
又係一間好yummy既食店

當知道bb一切正常時
又可以放下心頭大石
成個人都鬆哂
thx god

孕婦湯水

特別鳴謝好友提供資料
等我唔使諗爆頭
都唔知煲乜湯

懷孕初期

蓮子元肉排骨湯 健脾寧神
合桃雞蛋羹 滋陰補腎
栗子紅蘿蔔煲雞 肝腎虛弱
番茄薯仔腰豆排骨湯 健胃補血
黃豆排骨湯 強筋骨
杜仲豬展湯 安胎滋補
阿膠大棗當參湯 補氣養胎
准杞乳鴿湯 補氣養胎
合桃鮮奶飲 補腦健膚

懷孕 中期

杜仲花生豬尾湯 強腰補肝
首烏熟地湯 補血健胎
紅豆排骨湯 補血健膚
章魚花生眉豆豬腳湯 健筋養骨
烏豆杞子塘虱湯 養血活髮
燕窩雞蛋瘦肉湯 滋潤養膚
薑棗元肉豬展湯 養心安神
蘋果白合排骨湯 潤肺強筋
赤小豆扁豆豬展湯 健脾清濕
紅蘿蔔豆腐魚湯 滋陰補肌

第一次見紅

28 OCT 2011

今天真係嚇到我C
人生中
第一次見紅
因為昕晴個胎未試過
聽就聽得多
但原來發生係自己身上
先知道及明白
當中係有幾咁驚

這天像平時一樣
送完囡囡回校
買哂餸
搞掂哂屋企野

諗住去個廁所
就抺到有血
個刻真係心都跳埋出黎
以為係咪BB有乜事

即時CALL老公及媽咪朋友
相討後
最尾選擇入急症

開頭擔心既
唔係自己
而係排急症
唔知等幾耐
因為無人幫手接囡

但好好彩
有個媽咪朋友試過相同情況
佢話急症會好快
咁就試一試

去到急症
同接待處話見紅
由等到走
大約一小時 (真係超感恩)

開頭醫生講得好嚴重
(我估佢係講到最壞情況比我聽)
話如果CHECK到下面有鬆既話
要即時拎個BB出黎

個刻
差D想喊
我只有不斷祈禱
因為未試過
又比醫生咁嚇一嚇
真係好無助架

醫生幫我做左個婦科檢查
再照埋超聲波

感恩感恩
做完婦科時
醫生己話無問題
再CHECK埋超聲波就得

最尾問醫生
做乜會有咁情況
醫生就話好多原因
叫我回家休息多D就得

睇完仲有時間去接阿囡
THX GOD

回家後再講比身邊人聽
個個都話
唔好抱阿囡
唔好拎重野
要訓多D
可能唔夠營養
要飲多D湯水等等

所以個幾日
乜地方都無出
就只有訓覺
感恩的係出事當天係星期五
之後有老公幫手照顧阿囡
咁休息多左
感覺好左

因唔可以粗勞
所以再返學時
即刻向學校詢問有關校車事宜
也很感恩
排左半個月
就可以搭到校車
咁我就多D時間休息

雖然唔捨得送阿囡返學
但身體要緊
無法

葉酸@GNC

唔知大家懷孕期間
係咪都有食葉酸既呢？

我生昕晴時
因為無睇私家
政府就從來無開過
這些比我地食既
so
就無食過


到左今胎
諗住無乜野都唔會去睇私家既我
老公提意
食葉酸
咁問左其他媽咪朋友
就介紹左這隻

有朋友叫我食到3個月就唔使食
亦都有些叫我食到生
由於我買左成樽
到現在仲未食哂
我都會keep住食哂佢
唔好side呀ma

之後朋友又叫我要食
乜乜綜合維他命
唔知大家有無食開邊隻
可以介紹下呢？

因無睇私家原固
所以好多資訊
都係從媽咪朋友口中所得的

再度..................

26 Sep 2011

今天終於証實
我有了身孕
由於努力左成年都無
自己都有尋求
好多方法
睇中醫
計排卵期等等

係我地都放棄既時候
神就賜這份禮物給我們
真的感恩

因為
努力左咁耐
好明白
有好多野
唔係必然
就算身體幾咁健康
大家都無病無痛
並不代表
就能順利生產


預產期將於2012年5月2x日
而停blog日子
就係身體不適既日子
我到家陣都仲嘔緊
(己過3個月)

盼望
遲d身體會好些
咁我就唔使經常休息
我就可以同阿囡
多d出街
因為我覺得好對阿囡唔住架
家陣常要休息
困住佢在家
希望這些日子快d過去

也願主祝福小生命
平平安安
健健康康地成長

WE ARE READY

今天8月31日，零晨4:00去廁所時，抺到紅色，咁即係見紅，但我個陣聽人話，見紅同陣痛都無咁急，所以就瞓多陣先

現在10:00，子宮已經開始收縮中，即宮縮，真係好似M痛咁，我估我會這幾天內就見到BB啦，YEAH！

其實見紅時，心裡已經很感恩，因我同老公每次的祈禱中，就是想BB在適合的時間出世，在這段時間，心裡確實很平安呢，現在，心裡也沒有緊張，只希望BB快D出黎，唔好要媽咪痛咁耐，呵呵呵

如有最新消息，便會叫老公POST上來，謝謝大家一路陪著我與BB，YEAH！

BB成長- 第38週

本週身體及胎兒變化情形

目前懷孕 38 週 0 天，預產期是 2008/09/08 ， 13 天後您的小寶貝就出生了。

今天係產檢的日子，上次的B型鏈球菌TEST一切無問題，YEAH，雖然今天醫生問咩都答D好 "行" 既說話，但都好開心，因BB一切正常，我已經好安樂了，仲有13日BB就係預產期，現在每天都在留意BB係咪時候出世，因每次也FEEL到一陣一陣的谷住谷住既感覺，而BB在上星期四開始，郁動既次數都明顯地降低，所以我會密切留意啊

而99做左件令我很感動既野，就係佢比左成幾千蚊我補身，因我坐月既時候會在媽咪度，佢知佢唔識煮野比我食，所以比左錢我去買補身既野，感動既原因係平時佢視錢比佢個仔還重要，所以今次佢這個行為，確實令我好感動啊！

其實今個月，超多人問了我一個問題，就係問我地同BB改左名未，其實我一早已經諗過，問過老公，但佢遲遲都未話邊個名OK，但今個月佢無拉拉話，要好好考慮下同個女改乜名，哈哈哈，佢再問我，我話我喜歡的已經比哂佢選，只係佢未選到，不如我比大家諗諗，看看女女叫乜名呀！

其實我自己喜歡個晴、曉、詩、婷既字

曉琳、曉嵐、曉晴、子晴、子婷、詩婷...................其實之前仲諗到，但現在再打，突然間諗唔番，呵呵呵，大家仲有無乜意見呀，提供下比我思考下呀

BB成長 - 第37週

本週身體及胎兒變化情形

目前懷孕 37 週 0 天，預產期是 2008/09/08 ， 20 天後您的小寶貝就出生了。
妊娠 10 個月（37～40週）
胎兒成長
胎兒身長：約50公分
胎兒體重： 約3100公克( 約2個哈蜜瓜的重量)
母體正常變化
子宮底高度：約32～35公分
羊水量：600～800CC
第37週：能獨立生存
1. 外觀機能發育完全，體內器官的機能亦已成熟，已有能力在母親體外獨立生存。
2. 頭上長滿頭髮。
3. 胎脂佈滿全身，特別是腋下及股溝。
4. 皮下脂肪豐，胎兒較圓滾。
5. 羊水量開始遞減，愈近足月量愈少。
第 37～38 週：
1. 常會尿急，或覺得尿不乾淨。
2. 有更多乳汁從乳頭溢出，表示身體已為哺乳作好準備。
3. 子宮下降，對胃的壓迫減輕，胸口、上腹較舒服，呼吸也變得輕鬆些。
下週重點：胎頭進入骨盆腔。

今天很失敗，原來在不知不覺間生病了，早上起來，發現喉嚨似被火燒，超痛，有點點鼻水，身體不斷出汗，但吹風扇時又感到冷，其實唔想食藥的，但.....................唔想拖，唯有快快看醫生，都係一般感冒呢，同埋有少少鼻敏感，整天在家中休息，唉，希望D藥真係如醫生說的，不會影響BB啦，因我係好怕架

上星期五，腳腫情況終於出現了，很感恩的是，這個時間先開始腫，原來腫，確實係比較...............不知怎形容，賬賬的，不太舒服的感覺，整個人也感到腫腫的，可能就生，BB給我的感覺，就像成日跌出黎咁，成日感到不適，胃常常頂住，常常尿頻，現在晚上起來上洗手間也感到辛苦，每天似抱住個小西瓜走路，可能生病，所以感到特別辛苦

BB成長- 第36週

本週身體及胎兒變化情形

目前懷孕 36 週 0 天，預產期是 2008/09/08 ， 27 天後您的小寶貝就出生了。

倒數仲有一個月咋，我地都好期待BB的出世呀，YEAH！

今天是產檢的日子，雖然又係好無奈地等等等，但今天好開心，因碰到個超好超好又靚女既醫生，佢仲係有問必答架，最最令我感恩的係，佢幫我做左個B型鏈球菌既檢查，因我只係想問佢政府有無得做，咁佢就話如果我有咁既要求，佢就幫我做，又問左我有無痕同多分泌，佢就話政府係唔會主動同孕婦講話做這個檢查架，咁我就唔使花錢出去做啦，YEAH，2個星期後再產檢，到時便知結果了

而醫生話BB個頭仔，已經落左5分之1，咁應該仲未生得住.......................啦，而醫生有講過，如果生得的話，應該會有宮縮現像，宮縮即係子宮收縮，醫生叫我留意，似M痛咁喎，好有頻率的，但佢都好保守講左句，話個個人都唔同，最主要係特別注意BB既郁動

而走佬袋既野，已經差唔多買哂，只係未PACK入去個袋度，多謝月明姐借個旅行袋比我，呵呵呵，個次食飯佢仲講左好多生既野比我知，因佢都在聯合生架，佢話生完時，醫院係要孕婦沖涼，因唔沖有機會下面細菌感染架，所以在醫院應該點都要沖一沖

同埋係在住院期間，用無貼的M巾，因醫生要隨時檢查，所以我又可以清楚D知道入院後大約咩情況，而姊妹都有講過，佢問過好多人，媽咪係咩情況下生我，我就會咩情況下生阿B，咁當然這個非一定，但起碼比我有個心理準備先，我問左我媽，佢係穿羊水先生我架，咁我估我應該都係穿羊水再生阿B，等我黎緊看看係咪先

而屎片，謝謝CYAN幫我在BB展訂左兩箱M碼，因M碼應該係用得最多，現在仲爭未搬BB床姐，其他野印象中已經搞掂哂，現在晚晚也祈禱，盼望BB在合適的時間出世，唔好等我返返下工，或未準備好的時候出黎，請各B/S繼續為我同BB代禱啦，感謝你們

而今天我就走左去剪頭髮，因我既頭髮係長得好快，同埋有厚又曲架，但有左BB時又無得整"負離茄"，頭髮超唔貼架，咁我又怕隨時生得，咁今日拿拿淋走去CUT左先，叫個髮型師有咁簿CUT咁簿，但最重要係紥到馬尾，YEAH，家陣隻頭係超爽架，好開心同好舒服呀，YEAH