2012情人節

14 FEB 2012

今日係情人節
每逢這些大時大節
我地都會選擇
唔在出面過
大家己講明
千其唔好係個日買花
真係...............
我寧願將D錢
留番第2日食D更好既野
嘻嘻
超現實呀


我地覺得
如果相愛
日日都係情人節
唔使係當天
比人搵笨


而在這個時候
確實無乜心情去慶祝


感激我媽
當我入院個晚
佢就義不容辭話幫手照顧阿囡
(我阿媽要返工的，返工時就由公公頂住)
叫我地幫阿囡請假
要我好好休息


星期一晚
老公己將阿囡帶到娘家
就算我回家
也可安心休養

老媽子
真係萬分感謝

當我出院時
順便去了吉吉島
買左D牛扒、露荀、凱撒沙律

老公回來時
就親自下廚
真的煮得有板有眼
抵錫 ^3^



老公
感謝你在這個時刻
這樣的照顧我
知道你返工辛苦
回來仲要幫手做家務
又要搞掂阿囡
除了感謝你
也沒有甚麼可以說

大家一齊努力
撐多一排
等小B出世
各方面都適應哂
你就無咁辛苦架啦
願主祝福我們一家
一齊努力
加油