親子廚房 - 石頭餅(曲奇餅)

好開心
第一次同阿囡一齊做曲奇餅
其實我覺得同小朋友整野食
最煩既係整麵粉類
因為會搞到周圍都係

但之前應承左阿囡
唯有揀個叫做較容易既
連打蛋器都唔使用的曲奇餅


這個食譜係中學時期做的
同埋份量我自己改左
為免大家睇得混亂
我都係打番自己做個個


改良食譜 (隨大家喜歡，份量可加可減)
可做到16粒

200g    自發粉
1/8 茶匙   鹽
50g  植物牛油
50g  車厘子乾 / 朱古力粒 / 提子乾
50g  砂糖
1隻  蛋
3-4茶匙   鮮奶

預熱焗爐190度

把自發粉及鹽一起篩勻

植物牛油切粒

然後搓入自發粉中

用手既熱力，搓到無哂粒粒

分別加入車厘子乾及砂糖
搞幾下

在自發粉中央開一小穴
再加入蛋及鮮奶

拌成粉糰

如果粉糰太乾
就加多少少奶
太濕就加少少粉

包好放入雪櫃
雪到硬身

把粉糰分成16分
搓成波形
(其實可以隨意，大細粒既粒數都唔同)
放焗盤
焗約15-20分鐘至金黃色

用牙簽拮下佢
無野"痴"住就為之成功

熱或冷食
都係yummy yummy



雖然昕晴對所有野都好好奇
不斷係咁搞搞搞
即不斷比我話話話
但成個過程
都係好開心的

後記：
其實放入雪櫃個part唔放都得
咁就唔使搓到波形
無形狀就似石頭
所以叫做石頭餅

而個人口味
較喜歡朱古力粒
下次有機會
會再試朱古力的

親子廚房 - 吞拿魚芝士三文治

簡單的三文治
讓我又可以與昕晴
發揮合作精神
又一親子活動


先將吞拿魚罐頭隔水
(這part當然由我負責)

隔完放碗上
"督"碎吞拿魚

落沙律醬

再搞搞搞

舖在麵包上

再放芝士
(我用車打芝士，好好味)

加上另一片麵包

完成



通常我會cut 2下
變左4件小既三文治
咁就算昕晴食唔哂
我都可以執手尾

但唔知係佢自己整
定係太肚餓
當天既三文治
阿囡竟然可以ko哂
利害利害


同埋小朋友真係好簡單
只要父母在身體陪伴
唔使買好名貴既玩具

簡簡單單
做份下午茶
己令我們樂透了

親子廚房 - 芒果布甸 (好味版)

之前應承左阿囡
上次衰左既布甸
會同佢再整過

今次
搵左個超簡單既食譜

芒果 1個（大）或更多
芒果啫喱粉 1盒
花奶
160g（即一罐細花奶）
滾水 150毫升
冰水 120毫升 (我用左平時飲開既食水)


我用左呂宋芒
所以要成4個
先將芒果切粒
這part由我搞掂

將啫喱粉放在大碗內，倒入滾水攪拌至完全溶解再加入凍水

將花奶倒入啫喱水中徹底拌勻
(係街巿同超巿都買唔到細罐)

芒果粒放入啫喱水中

放入雪櫃冷凍2-3小時即成

其實真係超容易
將D材料搞搞搞
除左切芒果粒外
所有野都由阿囡自己動手
過程唔使10 MINS

加埋花奶食
應該仲正

今期街巿只有這些呂宋芒
細細粒
超甜
用唔哂既
就由2父女KO左





後記
見到好多食譜都要用魚膠粉
今次這個
只係好似整啫喱咁
好方便
味道又好味喎
同小朋友親子
推介呀

親子廚房 - 芒果布丁 (難食版)

這包粉
之前貪得意買回來的
無記錯
好似係 $10
百佳、日本城個D有售

見好耐都無整野食
就試下同阿囡玩下
查實係怕過左期都唔記得
嘻嘻

做法好簡單
盒後說明書寫哂
只要加水就得

但無諗過
一落粉
D粉就飛哂出黎
所以搞到好似煙霧迷漫
這張相唔係特別效果

之後就落水
搞搞搞

再"畢畢畢"

唔使5分鐘就整好
超快

事後放入雪櫃



食後記

阿囡食左第1杯先
但無幾啖
佢己經同我講話唔好味

之後我就試左啖
佢有陣........
膠膠地定係藥水味
真係麻麻地

另外個3杯
比我放左入垃圾桶
因唔知佢加左D乜
唔夠膽再食


事後我同阿囡講
遲D同佢整正式的芒果布甸
可能難食
之後
阿囡竟然連提都無提過
要食布丁
嘻嘻

親子廚房 - 蟹柳沙津

昕晴好喜歡做小廚師
現在我同佢有個協議
就係話
如果佢在學校乖
無比老師罰
(佢經常因為傾計比人罰企)
到星期五
我就同佢整一樣野
例如啫喱、沙律等小食

而昕晴為著有得整
係有進步的
相信
慢慢佢會越黎越好


今次
整蟹柳沙律
因粟米我係用一大包倒出黎
不是用罐頭
所以
蟹柳同粟米就蒸左佢先




而菠蘿
就留番比昕晴自己搞掂
蘋果就我一早切左

等阿囡切完
就將粟米同菠蘿放落去大碗度
再落沙律醬
搞掂

最尾
放蟹柳
用手撕的
都係由昕晴搞掂
完成

我同老公非常喜愛蟹柳沙律
但阿囡就麻麻地
咁下次再整既話
睇下可以落乜先

親子廚房 - 自制PIZZA

今次

整番之前都POST過既自制PIZZA

但是次

大部份都係由阿囡

親自搶刀

 

首先

切腸仔

我係比阿囡用膠刀

又在旁邊看住

應該無乜問題

我指切親手指

粟米解凍

就

由我搞掂

之後再搽上蕃茄醬

真係好認真架

引佢都唔笑

嘻嘻

再舖上

腸仔及粟米

全程用手

事前已經清潔左

所以

食得好放心

見到阿囡

都覺得佢排得好有心機

YEAH

搞掂

最尾我就加埋

芝士一片

拎去焗

用190度焗約12分鐘

LA！LA！LA！LA！

完成

超開心呀

影番張相先

證明自己親手做

阿囡好喜歡

三文治切成三角形

急不及待

EAT！EAT！EAT！

由於都比較熱

之後改為用义食

YO！

話咁快就食完啦

親子廚房

大成功

YEAH！

 

這個好易整

可以比小朋友

發揮創意

喜歡點切

喜歡點放

一切由自己話事

相信

阿囡會好有滿足感的