曾經想過放棄煲粥比昕晴食，因為次次佢都係食個少少，又要勞師動眾咁煲比佢，有諗過買個d有機米粥開比佢食，但問過好多人，個個都話煲比佢會最好，所以唯有再努力，平時煲的有瘦肉粥、魚粥，瘦肉粥居多
但今天，我只係加了少少的南瓜，估唔到昕晴食到大半碗，真係超開心
材料：
瘦肉$5 (通常買$10分2次)
南瓜$7 (分3次，街巿個阿姐話要用這隻南瓜煲粥，另一隻係for煲湯的)
米少許 (用水浸一陣先)
做法：
首先用水浸下d米，瘦肉cut開一節節，唔好斷開，南瓜去皮切細粒，將所有材料凍水落，開始滾就用慢火煲，約半小時，出黎會有2碗仔份量
凍水落, 有冇"痴"底呀﹖因通常都會煲滾水先落料, 首先係落米, 等佢開左花, 之後再落其他配料。下次你可以少d水, "傑"d 就會飽肚d, 因你都知d粥稀既話, 去兩次toilet, 就會好快肚餓。少少意見, 希望你唔好介意。
回覆刪除姑娘話初初要食稀d, 不過我又諗, 佢食米糊都食得杰杰地喇喎, 食粥仔都可以一樣咁杰? 我呢個假期都會試0下煲粥喇, 又冇諗過要呢隻南瓜, 以為求其都得添, 唔知紅蘿蔔好唔好呢? 我怕買唔到呢隻南瓜
回覆刪除咁就好啦! 最緊要昕晴肯食呀! 我個囡又係好like南瓜粥, 會追住食架~
回覆刪除咁如果第一次食粥仔, 應該食咩粥先丫?
回覆刪除