粗言穢語的香港人

真係好不明白，點解家陣既人，咁鍾意講粗口，好似粗口成為左佢地生活既一部份，佢地真係講得好流暢，不論係咩地方，都會聽到D人講

搭小巴

某日，有位青年人，大大聲講電話，仲要加埋粗口，真係好憎這些人，講咪講囉，每句都有粗口，同埋架車唔係你包左架，D人焗住都一定要聽你講粗口，又唔係講得細聲喎，細路仔聽左真係有樣學樣架MA，教壞細路就係這些人呀

APM內的育嬰室

其實近幾次去親個度，都有人壩佔左個度既地方用，這些人當然唔係有需要人仕(餵奶或換片既家庭)，只係一D貪靚到死，又唔肯去洗手間扮靚既時下年青人，某天打算幫囡囡換片片時，入到去，成班學生係度照鏡，唔讓番D位不特止，仲要係度講粗口同追黎追去，都唔明咩世界，真係見到佢地都眼火爆，真係唔知佢地既溝通方法係咪就係咁，真係好擔心下一代既成長

香港電影

成日話人DL戲，無人入戲院睇，搞到香港電影巿道差，但我真係想講一句，如果真係好片，我地係唔介意入戲院睇的，不過現在好多港產片，講真真係超垃圾，我試過係屋企開一隻VCD睇，睇到唔夠5分鐘，已經聽左好多句粗口，當日仲要有個小朋友一齊睇，我地就即刻OFF左套戲，因為唔知佢成套片仲有幾多係會咁講，真唔明白，好似講粗口就好好笑好好睇咁

查實係我OUT定係跟唔上現在既新一代呢？我真係唔覺講粗口係好型同好威，真係要好小心教育下昕晴先得呀