星期天，收到老公電話話佢打波咬柴，咁去了急証搞完一輪後，第二日就陪左佢去借手义，之後就走左去看跌打，嘩..................個個跌打師傅整老公隻腳時，真係痛到佢標眼水，我見到心都痛埋呀
但最搞笑既，係中醫同西醫既處理方法都唔同，完全係相反呀，各有各的說法，都唔知聽邊個講好
不過希望老公早日康復，一來唔想佢咁辛苦，二來黎緊聖誕節，好多地方要去，如果老公陪唔到我，我自己都未必會出呀
這張係事發前一天影的，好喜歡的全家福，昕晴係望鏡頭架，YEAH
睇唔睇到昕晴個樣幾古惑
每次見到佢，無論乜野表情，都係好想啜啖佢
就係受傷的腳，包到腫哂，真係睇到心都痛埋
黎緊老公要用手义行路啦
昕晴著住粉紅色，個樣先叫似番少少女仔咋
要用手叉咁嚴重?!?! 希望方大哥快d好返啦, 昕晴第一年過聖誕, 帶佢去感受下聖誕氣氛嘛~
回覆刪除呵呵, 我都係呀, 見到昕晴既相就好想抱下佢, 攬下佢, 錫下佢~
祝方大哥早日康復, 可以同你地二母女去玩啦...
回覆刪除不過, 一家人在家都可以好開心的... ^^
OH, 乜咁唔小心呀﹗希望方大哥快d康復, 聖誕可以同你, 昕晴去行街街, 睇下燈飾啦﹗
回覆刪除不過記住叫方大哥耍戒口呀﹗冬茹, 牛肉, 鵝, 蛋........呢d都唔好食呀﹗
我老公踢波都成日受傷架! D男人係0甘架! 踢起勁, 都唔顧自己身體!
回覆刪除昕晴好識望鏡頭丫, 好得意呀~~
回覆刪除btw, 希望爸爸快d好番,christmas 可以出去玩啦
熱氣野呀..um......我都唔知得唔得, 不過都係少食為妙
回覆刪除