看電視？？

哈哈，大家想唔想知，昕晴平時會做D乜既呢，除左飲奶、扭抱&同人玩之外，原來佢仲鍾意睇電視架

阿妹咁專心，你地估佢睇緊乜？睇到脷仔都呻埋出黎

呵呵，原來阿妹睇緊黃淙澤呀，哈哈哈

媽咪，我睇完啦，YEAH

這本基督徒出既書，教我地如何從神既角度，作個好父母，係一本好書

這本係方大哥剛剛買比我既，裡面有哂BB既成長過程，在咩時間佢要學D咩，同埋好多Q & A，等我可以在佢成長過程中，幫佢一把

其實有時我都唔知昕晴係咪真係睇到電視，但............當我一開個電視時，好明顯佢好專心咁，眼都唔眨咁睇，個樣好搞笑架，我試過錫佢左佢既視線，佢會將個視線轉移番係電視方向，真係..............好似識睇咁

身為全職媽咪既我，除了照顧好囡囡之外，也要UPDATE下我既智識，自問真係不知從何入手，不知如何教導，老公，真係多謝你送左本書比我啊

人地話3歲定80，真係要由細細個開始去教導，否則，當佢大個左，想教都教唔到，尤其這一代既小朋友，真係好叻好醒，已經唔同我地個代了

很感謝主我能有禱告的權利，隨時隨地都可以向神祈禱，我也會多點為昕晴代禱，盼望她將來作個對神對社會有貢獻既人，其實在每個父母心中，只要自己的孩子健健康康，無學壞，已經好安心了