2008年12月1日，係我同老公結婚1週年紀念，時間過得真係好快，眨下眼又一年，在這年裡，經歷左好多角色上的轉變，由人地個女變為人地老婆，再由人地老婆變為人地媽咪，但無論點變，我依然是我，一樣係咁愛主、愛老公、愛囡囡及愛家人
生左女女之後，有好多野想做，但都係有心無力個隻，家陣連想看一本書，都要分好多天看，每次只有在昕晴睡了時，才可打blog或做自己野，想寫書簽比B/S或出聚會，都係無時間，所以我會更珍惜每次見到B/S既時候同每個擘餅聚會
好驚喜老公會送花，唔知邊個教佢既呢
？？但真係好開心，雖然我成日叫佢唔好浪費金錢，BUT佢做了這個動作，確實令到我很感動的！今年因為湊女關係，乜都無預備過，真係..............有點點SORRY，等阿女大個D，我既私人時間就會番黎架啦
只要同老公或家人在一起，食乜都無所謂，就算係一碗雲吞麵，我也感到開心
今年既燈色，唔知係咪經濟不景，好似係比以前少左，但都係一樣咁靚
好美麗的夜景，人地話香港夜景係最靚既，這個我也應同，很感恩我生活在香港
海港城既燈色，記得有一年既聖誕燈色係紫色既聖誕樹，印象中好似仲同阿慧一齊去影過相，個年係我覺得(海港城)最靚最靚既一年，不過每度地方年年都有佢既特色，我地應該用感恩既心去欣賞
其實我唔需要好有錢、好多物質上既野，只要我心裡面有主，有我愛的家人，我已經感到很滿足，因神說，我們要知足常樂，我擁有的是神賜給我們白白的恩典，真的真的很足夠了，神無應許過天色常藍，但祂應許過會陪伴我們直到世界的末了，THX GOD
您要日日都過得咁快樂、知足~ 願主帶領您走每一步~
回覆刪除Sweet Sweet^^
回覆刪除好sweet啊~~~~~
回覆刪除原來你都結左一年婚呢~
真係過得好快啊~
你老公真係識做啦 ... 你一定甜在心頭呢 .... 我同你一樣成日叫佢唔好浪費金錢 ... 但收到又好開心喎 ... 女人真係矛盾啦 ... 不過我諗到我結婚個日先至收到男友送既第一束花 ... 哈哈 ... 佢又話會同我求婚 ... 不過到而家都無呀 ... 我諗佢忘記左lu ... 算啦 ... 呢d都係形式上既野 ... 最緊要大家相處開心 ... 我都覺得我地生活係香港好幸福 ... 所以我都感滿足 ... 海港城個燈飾係咪火車黎呀 ... 咁似一個火車站既 ....
回覆刪除" 神無應許過天色常藍，但祂應許過會陪伴我們直到世界的末了"~~從你MSN中見過這句說話, 已深刻地留在我心~~
回覆刪除共勉之!!
過去的一年, 你由"小姐"--->"太太"--->"媽媽" ~~~ 該是你人生中一個很重要的年份吧
祝福方氏一家^^
是呀, 時間過得好快, 由我們一起相識, 大家一起努力預備婚禮, 到你結左婚, 有左昕晴, 話咁快就一年了, 過多兩日就到我的婚禮啦! 真是有點緊張, hehe! 能夠識到你們真是令我好感恩, 好滿足, 願主祝福你和你的一家
回覆刪除呢一年真係變得太快....好多野都唔同左!!!! 好掛住阿b呀
回覆刪除真係唔覺唔覺咁就一年喇..方生今次好識做呢.
回覆刪除雖然我都覺得買花係幾浪費金錢..不過偶然咁
side下錢又幾開心既..
話咁快又一年, 我地由相識一齊攪結婚, 到宜家你已經做左媽媽, 呢個轉變都幾大, 唔知幾時我又會由太太呢個身份轉變為另一個身份呢
回覆刪除時間過得很快!
回覆刪除你說得好對, 知足常樂,你係我識既人之中真的好知足既一個, 其實睇你既生活點滴,覺得你時常都唔駛0的咩特別既物質就已經好滿足!替你既喜樂感到高興!
補足結婚週年快樂~
回覆刪除估唔到方大哥咁浪漫, 送紥花俾你, 真係甜入心呀~
2008年對你同方大哥黎講, 真係好重要既一年~ 雖然身份有咁大既轉變, 但我覺得你地調適得好好, 最難得係我感受到你們一家既愛, 昕晴真係好幸福, 可以係一個充滿愛的家庭中成長.
祝你地一家永遠都咁幸福和諧~