08 X'mas

今個聖誕節好開心，因為第一年三人行，雖然唔係日日出街，亦未同囡囡影燈色，但都帶左昕晴去好多地方，不過最傻既係帶左相機，都無影相，否則今個聖誕唔止影咁少相呀

12月24號

晚上約了舊同事去牛頭角福音聚會，是晚係以音樂榮耀神，感謝主為我們降生釘十架，每次聽番主為我地釘十架既事，心裡都很感動的，是晚昕晴超合作，整晚也是SLEEP，我有這個寶貝，也是主賜給我的，感謝主，願主祝福大家

12月25號

晚上去了B/S屋企打邊爐，雖然人少少，但打得好開心，最重要係在屋企內活動，我餵奶換尿片就方便好多了，是晚收到的也是昕晴既禮物，謝謝志娟

12月26號

是日婆婆放假，我同老公就請婆婆照顧昕晴幾個鐘，等我地可以出去拍下拖，回家時見到東海堂既蛋糕好想食，咁買左個番屋企當聖誕蛋糕，點知撞到正是我細細佬舊曆生日，咁就順便慶祝埋啦，呵呵

這天也是阿妹ERIC既BD，雖然人不到，但我也衷心祝福這對新人，白頭到老，永結同心

都係夜晚既燈色靚好多啊

這個係朱古力慕絲蛋糕，好好味，同埋個樣好得意，我超LIKE

個車牌就送了比細細佬，祝佢再考車成功

12月27號

在家同阿囡玩及休息，老公就同弟兄們看了套"吸血新世代"，佢話D彊C好靚仔靚女喎

12月28號

早上出了擘餅聚會，中午生日會，晚上到天水圍CARMEN家大食會，好在教會同老死家係可以好方便餵奶，所以帶昕晴出成日都無問題，呵呵

睇下佢未瞓醒個樣，係咪好搞笑呢？

坐車去天水圍途中，輕鐵裡有個阿婆好大聲咁話昕晴好得意，佢話，這個一定係BB仔............個一刻我同方大哥對望左一下，好在我地好快就落車，真係唔知點答啊，這個粉紅LOOK又係比人話係男仔，唉.....................

是晚係老死大顯身手既時候，蒜溶蒸扇貝，SO YUMMY

照燒雞中翼，用了方便醬，味道超正啊

茄汁大蝦，又係好好味呀，我食左好多隻，嘻嘻

蒸魚就爭少少，因為仲有麟未清理好，扣左少少分啦

腐魚炒生菜，簡單又好味

豆苗包雲吞，飯前食的，加埋自制XO醬，又係好好味啊

查實仲有蒸水蛋，味道也好好味的，老死，今餐超水準，你嫁得人架啦，呵呵呵

一家4口，呵呵呵 =P

昕晴與大口仔，好喜歡老死家的床單，雖然我唔係算太LIKE大口，但...........這系列真係好靚呀

回家時，由於太累，昕晴已經瞓到死去活來，番到屋企仲要比婆婆話，做乜帶昕晴去到咁夜，其實係婆婆成日見唔到個孫，掛住姐

昕晴既聖誕禮物，多謝契姐咁細心啊，媽咪好鐘意，嘻嘻

這份係我同方大哥既禮物，多謝靜靜，我無諗過我地會有禮物收架

係我既禮物，都係個句，無諗過，謝謝你啊，老死

亦係昕晴既禮物，但要到2歲先著了，這件仲係要修身架，真係..........估佢唔到