朱古力暖心蛋糕(心太軟)

朱古力暖心蛋糕(心太軟)，特價班$138

Aroma'So Baking   http://aromaso.com/ 

焗爐以150度預熱

朱古力軟心做法：

首先將黑朱古力64%(溶) 50g + 牛油(軟)15g拌勻，再將淡忌廉25g + 鮮奶25g分兩次加入，第二次連同橙酒5g一同倒入拌勻，備用

另將少許牛油於室溫至軟身，塗抹於4個蛋糕杯內，備用

外層朱古力蛋糕做法：

將黑朱古力64%(溶) 75g + 牛油(軟) 70g以打蛋機慢速拌勻，加入砂糖20g拌勻，再加入雞蛋1隻(約55g)拌勻後轉快速打至杰身，最後將低筋麵粉60g + 泡打粉1/3茶匙加入，以快速打至杰身即可

將外層朱古力蛋糕放唧袋內，唧於蛋糕杯底及邊，將朱古力軟心放在中央，再唧上朱古力蛋糕封口，記得唔好比朱古力蛋糕有窿窿出現，否則焗出黎既軟心就會流哂出黎

蛋糕以180度入爐，放底層，全程約焗15mins，至蛋糕面上色，再轉為只用底火，出爐後將蛋糕倒轉於碟上，配以生果及雪糕伴碟裝飾

今次休息時，阿sir將佢教我地整既心太軟每人比一份我地試食，你睇阿sir好有心機，將d心太軟襯番生果同雪糕，仲教我地，先一啖雪糕再一啖心太軟，well............so yummy，個個睇到d裝飾已經嘩嘩聲，阿sir仲話這個最好配既係雲尼拿雪糕

阿sir真係好有心機同肯花錢，這個係休息時既小食，都整到咁靚，等我地可以參考，將來整比人食，阿sir仲話，如果我地請朋友黎屋企，想整心太軟比人食既話，我地可以前一晚，將所有野整好哂，用保鮮盒封好入雪櫃，到朋友黎既時候，就取出，即焗即食，我估大家都可以用佢這個方法去招呼朋友，yeah

大合照，今次嘈小姐臨時有事，所以我叫了朋友仔一齊整，朋友仔都對阿sir讚不絕口，可惜佢想報既班，全部full哂，唯有等1月份有時間表，就即報啦

反身成功

今日係昕晴2個月零27日大，佢..........佢..............佢今日....................終於識得反身啦，比我地預期中快，但我好開心，自己可以見證到佢這一刻，仲立即影埋相TIM

記得聽產前講座既姑娘講過，如果BB識反身，小魔怪就開始出現啦，wakaka

我識攞野啦媽咪，係咪好勁呢，呵呵呵

做乜又偷影我，快D攞部相機黎

我家陣最愛食手指，你睇我幾ENJOY

媽咪，我努力反緊身，未成功你咁都偷影到，你想嚇死我咩

YEAH！終於反到身啦，大家話我係咪好快呢，無人幫我架，騎騎騎騎騎

母乳儲存方法

雖然現在我唔使返工，但為了有時方便我出街，雪櫃都會KEEP住1-2支既母乳，之前因要上班，所以對於SAVE母乳有少少心得，想與大家分享一下，但我覺得係要生左bb後，看看自己是否真的餵母乳，先再買這些工具都未遲，否則就會side左

泵奶器：我建議用這隻牌子(Medela)，雖然比其他係貴少少，但絕對物有所值

儲奶瓶：我會用pigeon，護協價$17，也可以買儲奶袋(即棄)，但價錢就比較貴

護墊：用過其他，PIGEON係比較好，忘了價錢，但護協買係最平的

消毒方法：

將泵奶器及儲奶瓶一同放入煲內烚約3mins，像烚奶樽一樣，也可買藥水回來浸，但我在護協找唔到，所以未用過

保存方法：

冰格：我未試過，但將奶放上冰格後，要早一日放回雪格，待容哂先可以加熱給bb食，但聽過好幾個case，就係bb唔食放過上冰格的奶奶，可能有雪味

雪格：放到最入面，不要放近門口，通常最多可放2-3日

加熱方法：

唔使side錢買電動加熱器，我會用煲煲少少水，煲滾後關火，就將儲奶瓶放在中間，大約1-2mins，d奶就會暖，試過過熱時話，就用水喉水沖一沖，咁就ok，而當在雪櫃取出的奶，會上下分開2層，只要左右輕輕搖一搖，咁就會變番正常，同埋千其唔好開住火去熱d奶，因為會破壞奶裡面既成份架

謝謝網友提點，如剛煲滾既熱水，OVER 60度，都會破壞奶既營養，咁大家可以不學我個個方法，都係用熱水坐暖，咁這個情況我都有試過，大約坐暖約5mins支奶就會暖架啦

儲多少瓶：

視乎每個bb既食量都唔同，按我囡囡情況，佢每次飲大約3-3.5安，咁我每支唔會儲多過3.5安既奶，因飲唔哂既奶，加熱過既就唔可以再要架啦，而餐與餐之間可以隔大約3個小時，所以自己就可以計番，同埋通常3個小時就會谷奶，咁個陣就要泵一泵架啦

雖然餵人奶係比較麻煩，但為著bb既健康，母乳永遠係世界上最好的奶品，同埋合乎經濟原則，而埋身餵又可以加強親子關係，現在我最主要既都係埋身餵，每日會有一餐係飲番雪左既奶，所以每日我都只係泵一次，咁當我去街街時，就唔使餵奶粉都可以有得食，今天問過姑娘，埋身餵係咪比較痴身，姑娘話如果可以埋身，當然埋身既好啦，bb係會比較乖同痴媽咪多d，嘻嘻，我就係想昕晴痴我多d，呵呵呵

p.s.以上係我個人經驗，最好當然係問番醫護人員啦

通記海鮮野味酒家@西貢

店舖：通記海鮮野味酒家

地址：西貢萬年街98-102號

電話：2792-3176

好開心及好榮幸，BOBO回港期間能夠約到佢2次出黎聚舊，今次南哥又帶我地食好野，我未試過係西貢咁樣食海鮮架，因我覺得佢地好屈水，好在今次係南哥識人，所以先食到餐又平又抵又好味既海鮮，唔講幾錢住，睇睇我地今次食左D乜先

酒家位於西貢萬年街，要行過哂個D當眼既海鮮檔後，過對面條馬路就會見到，我地行途中，勁比人拉住叫我地入佢地個度食野，只要你彩一彩佢地，佢地就咬住你唔放，都幾得人驚

沙薑雞腳，黎到係暖暖的，好淋好入味，GOOD

海鮮湯，好清甜啊

應該係燒鴨

蒜溶蒸扇貝，熱辣辣大大粒，好好味啊

芝士焗龍蝦伊麵，其實食到龍蝦時，已經感到開始飽飽地

蒜溶賴尿蝦，大大隻，好多肉啊

豉椒炒蜆，唔夠辣，再辣D就好味D

薑蔥炒蟹，這個又係整到好入味架

腐魚炒菜，我的最愛

炒飯，已經超飽，所以打包回家

生果併盤，好甜好好味啊

超抵的一餐，我地覺得好榮幸識到南哥，成日帶我地食好野，YEAH

大家估唔估到我地今餐每人夾幾錢呢？

 

$300？

 

 

$250？

 

 

$200？

 

 

 

 

 

每人盛惠$150個大洋呀，唔該

口水妹

昕晴現在開始變左做口水妹，雖然唔係流得好勁，但唔知幾時開始，好似係識得食手指開始，佢D口水就無拉拉流出，唔知係咪我無STOP佢食手指既關係，定係小朋友都會流口水既呢？

現在開始做緊全職媽媽，不過如果有PART-TIME，我都會做下，幫補下都好呀MA，但又可以多D時間照顧個囡，我真係感到好開心架，依家摸熟左個囡既脾性，我現在已經好少抱佢都可以氹到佢笑騎騎，真係好有滿足感架，希望佢一路都咁聽聽話話，咁我就超放心了

 

我又著裙仔啦(大獲，走左光都唔知TIM)，今次係同小敏姐姐一齊影畢業相，第時大個我都要咁帶四方帽先

我似唔似跳緊舞呢

我咁著，係咪好大個女呢？

YEAH！我同多啦A夢一齊合照，呵呵，媽咪要改口唔好再叫叮噹啦

全身照，係咪好有肉地呢？

頂帽係婆婆特登織比我架，係咪好靚呢？錫哂婆婆先得

這件衫係CARMEN契姐送既，原先係哈路喂著，但個陣都未凍，家陣著就啱啱好

契姐咁錫我，我當然笑到甜一甜黎影張相比你睇啦，呵呵