在放產假的最後日子，真係要作最後衝刺，要多d幫阿囡影相，因佢係每天(早上)瞓醒後最得意既，咁今天幫左昕晴錄影，upload埋d相，再幫佢執埋d衫仔，因我地會主力係在婆婆家住，一星期有一半時間在荃灣，另一半就會回觀塘
有笑既時候 (勁ee呀呀)
也有喊的時候 (這個就係咋喊既樣啦)
昕晴既衫，真係多到............有90%都係人地比架，在此要多謝大家咁錫個衰妹，佢一個人既衫，放成四個櫃通都未放得哂，仲有幾袋係觀塘個邊未執，真係要快d著先得，因為發現有d衫仔開始唔啱啦，bb大得真係快呀
佢瞓覺時係最乖既，同埋唔知咪每個小朋友都係會有這個指定動作，"舉手投降"同埋"青蛙腳"既呢？
昕晴唔扭計既時候，確實最得意可愛既，嘻嘻
成日身條脷仔出黎玩，仲玩埋口水tim呀
佢個樣似男仔，但有些動作，都好女仔下架，佢捉人地隻手，都捉得好大力架喎
d衫真係幾多喎~
回覆刪除個樣女仔左好多!
回覆刪除昕晴真係越黎越可愛呀~
回覆刪除昕晴個様似男仔?! 咁咪好囉, 人地話女仔似男仔, 下個就會生仔呀, hehe~ 同埋呢, 細個似男仔, 大個就好靚女架啦~
你話一半時間係荃灣, 一半係官塘, 你意思係你倆公婆丫, 定還是昕晴一半時間俾婆婆湊, 一半時間俾嫲嫲湊?
"投降手"同埋"青蛙腳" ~ 哈哈, 我個囡都係咁! 昕晴好多表情呀! 好sweet 呢!
回覆刪除哈哈 .... 我有時都仲係咁瞓喎 .... 舉高雙手 ... 瞓醒對手好倦 ... 我細過個樣好男仔呀 ... 咁你話而家靚唔靚女啦 ...
回覆刪除放心啦. 一定越大越靚女呀. 仲越黎越聽話tim呀.
回覆刪除