不知不覺，原來已經放左成差唔多9個星期產假，再放多1 week左右，就要重投工作，實在好唔捨得離開囡囡，但...............經濟上的不許可，不容許我做全職媽媽，但另邊廂，返工就可以鬆一鬆，唔使整天都係環繞住個囡，有自己既私人生活，都係好事黎既
其實當生完開始，已經再沒有自己既私人生活了，整個世界都係昕晴昕晴再昕晴，有時可能連老公也未必能全心全意地關心到，現在囡囡都係第一位，好多時候都會諗到佢，就算家陣同老公拍拖出街，都會快快手回家架，嘻嘻
但再辛苦也是值得的，因為見住昕晴一天一天的長大時，心裡確是很感恩，希望佢乖乖的聽我地話，唔好叫佢行東佢就行左西啦，哈哈
其實仲有好多相，post唔哂咁多，但會upload在老公的facebook度，如要看就要add佢了，表情多多的昕晴，家陣成日"料"人傾計，同佢講d bb話，真係好有趣架
哼，邊個蝦我嗲地媽咪，我實唔放過佢架
見到媽咪就乜都開心哂
噢，人地飲完奶奶想瞓覺豬，咁enjoy都影
嘩，大舅舅，做乜影到我頭大身細呀
醉酒櫻桃朱古力軟心蛋糕，特價班，$185
Aroma'So Baking http://aromaso.com/
首先將15cm餅模(無影相)以烘焙紙包好，焗爐以150度預熱約10分鐘
15cm朱古力海棉蛋糕材料：
雞蛋2隻約115g + 水25g + 砂糖45g + 朱古力醬少許，用打蛋機以慢速拌勻
再將低根麵粉50g + 蛋糕乳化10g + 鹽1/16茶匙 + 泡打粉1/8茶匙 + 梳打粉1/16茶匙，慢速加入拌勻，用膠刮將盆邊之麵粉清理，再用快速打至杰身乳白色，約5分鐘
先將淡奶10g + 熱溶牛油25g 加入，用膠刮拌勻，再倒入可可粉12g，蛋糕以175度入爐，約焗30分鐘，至金黃色轉用150度，出爐後待涼，切4片(約1寸)蛋糕備用
休息時，我地今次食的係這個芝士蛋糕，so yummy，好開心每次阿sir都會為我地預備咁正既野
醉酒櫻桃饀材料：
紅車厘子饀100g + 冧酒15g拌勻備用
冧酒糖水材料：
砂糖5g + 熱水35g先拌勻，再加入冧酒35g，拌勻，待涼備用
朱古力軟心材料：
先將黑朱古力(溶)175g + 牛油(軟)50g拌勻，再加入鮮奶60g + 淡忌廉90g(分兩次加入)，再加入君度橙酒15g拌勻，成朱古力軟心，將份量約分為2份，一半用作抺在蛋糕內，一半用作舖上整個蛋糕上
先放第一片的蛋糕，將少許朱古力軟心抺於餅模內，再放第二片蛋糕，掃上1/3冧酒糖水，再抺少許朱古力軟心於第二片蛋糕上，舖上醉酒櫻桃饀料，再加少許朱古力軟心，放上第三片蛋糕，又掃上1/3冧酒糖水，抺少許朱古力軟心於第三片蛋糕上，最尾放上第四片蛋糕，將餘下1/3冧酒糖水掃上，放雪櫃至凝固
將另一半的朱古力軟心抺在蛋糕上，最後放上裝飾，這個蛋糕最難的地方，是控制朱古力方面，要一邊坐熱水一邊整，而我抺在蛋糕內的朱古力饀放得太多，所以最尾要阿sir比番d我，嘻嘻
是次的大合照，個個入哂盒的原因，就係大家都在最尾抺朱古力饀時，好多個既朱古力都凝固左，做唔到阿sir個個效果，所以大家都唔願意將個蛋糕放入鏡頭內，呵呵呵
台劇- 命中注定我愛你
由土豆網copy
http://www.tudou.com/playlist/playindex.do?lid=3096913&mode=0#16448892
自己唔係D追上潮流既人，就算有乜戲好睇，家下興D乜，我都唔係好知，尤其做左媽咪之後，好似好唔UPDATE，嘻嘻，但放產假期間，就煲左這套劇，確實好好睇，劇中的男主角，開頭以為係明道(比人笑爆左我咁白痴)，一問之下(已經睇到第3集)原來係阮經天，我仲以為明道整容tim，wakakakaka
其實睇完之後，我自己比較喜歡Dylan(低能)神父，雖然不能同陳欣怡在一起，但佢個種對欣怡的不離不棄，真係令人感動
整套劇集，無論男女主角，其他配角也演出得十分精彩，尤其陳林西施女士，二姐鳳嬌、奶奶紀汪珍珠、Anson..................好多個都演得好正，我覺得，要看國語版先可以看出佢地既神韻，成套大部份都係笑既，點知看到中間，真係會令人流淚，好在自己生左bb，否則，會喊死左架
大家看看，係咪dylan比存希靚仔，嘻嘻
不知不覺，已經當了媽媽個幾月，在這個幾月裡面，有開心也有不開心，開心的當然是見到昕晴一天一天的長大，很多古怪表情最氹得我們歡喜，真的很感恩神給了我們這份大禮物
而在這些期間，神的恩典是帶領我走這段艱苦路的動力，而老公的鼓勵是最令自己感動，雖然不是每天也見到面，但................只要為著囡囡好，我相信捱過這段日子，便是更美好的一程
人奶問題：
作為一個餵人奶的媽媽，最怕聽到的，就是"你無奶呀"，"你係咪唔夠奶jack"，"你係咪無奶令到個囡成日喊呀"，"咁辛苦，咪餵啦"
............................這些字眼，要知道，餵人奶，自己已經感到辛苦，但點解咁辛苦都要堅持呢，就係想將最好最好的給自己的小寶寶，but.....................身邊會有好多人，無論親人或朋友，都有意無意的打擊自己，但我也知有時她們是為我好，唔想我咁辛苦，但..................有無諗過，我只需要的只是一句支持的說話，就算再辛苦，我相信我也能捱得過
減肥問題：
坐月期間(其實話補身的話要補成3個月)，已經講明，乜野都要食，唔可以唔食，一日要食好多餐，唔可以餓親，ok，咁我唔會餓親，但也不會勁食，但................成日比d肥c9勁話，"嘩，個肚未修喎"，"我覺得你個肚仲係好大喎，有無做運動架".................一些無心字眼，令我感到..................無奈
，而就算我真係要運動，都要3個月後先可以做一些帶氧運動，so....................可能就係今日比個肥c9話，搞到好有mood寫這篇野啦，呵呵
不過無論如何，我也會堅持己見，繼續努力餵人奶，繼續keep住食(不過份也不減少)，我也很感恩的，就是在這段日子裡，有很多的人既支持，無論是神、家人、b/s、好友們、院友們.....................你地既一字一句，也會令我感到很窩心的，謝謝你們啊
昕晴表情多多，佢可以玩玩下，唔ALL LIKE就會喊，有時都唔知佢做乜架
這些表情好難捕捉，都係多謝大舅父，捕左好耐先影到咋
昨天去了護協買儲奶樽，因為想慳錢所以買樽唔買袋，因袋都係即棄既，平昀每個都要2-3蚊，咁我就買左PIGEON既樽，$17個
現在最難搞既一樣野，平時我係埋身餵的，但黎緊要返工，返工時候就唔可以咁做，所以現在開始試驗緊，要將人奶泵出黎，看看昕晴每次食幾多，再隔3小時再比佢食，BUT點知佢唔食奶樽，每次都頂番出黎，唔知係咪食唔慣
但如果我平時補奶粉個餐，我都係用奶樽架喎，佢又OK，又無頂番出黎架喎，所以我都唔知發生咩事
不過我會再試驗下先，因我想昕晴食人奶起碼食到半歲或一歲，咁對佢健康都係好好多，同埋唔埋身餵而一段時間泵的話，泵出黎既就好似無咁多，記得第一次最多有5安，之後的，都只有3.5-4安左右，有時2安咋，諗起泵得咁少，都唔知自己係咪真係堅持到呀
我上網見到其他媽咪，一天裡面會有埋身餵同餵奶樽，咁我都唔知，如果要昕晴習慣食奶樽的話，係咪每餐都係餵奶樽，佢先會習慣？但另一個問題，就係唔埋身餵的話，我既奶量係咪會無咁多呢？？
，原來，BB係唔可以飲凍左既奶，當天，唔小心，比左2啖佢飲..................之後就已經開始喊，係勁喊個隻，嘩，真係.................心都痛埋呀