My Little Girl

BB 女順利出世. YEAH. Very lovely.

WE ARE READY

今天8月31日，零晨4:00去廁所時，抺到紅色，咁即係見紅，但我個陣聽人話，見紅同陣痛都無咁急，所以就瞓多陣先

現在10:00，子宮已經開始收縮中，即宮縮，真係好似M痛咁，我估我會這幾天內就見到BB啦，YEAH！

其實見紅時，心裡已經很感恩，因我同老公每次的祈禱中，就是想BB在適合的時間出世，在這段時間，心裡確實很平安呢，現在，心裡也沒有緊張，只希望BB快D出黎，唔好要媽咪痛咁耐，呵呵呵

如有最新消息，便會叫老公POST上來，謝謝大家一路陪著我與BB，YEAH！

BB成長- 第38週

本週身體及胎兒變化情形

目前懷孕 38 週 0 天，預產期是 2008/09/08 ， 13 天後您的小寶貝就出生了。

今天係產檢的日子，上次的B型鏈球菌TEST一切無問題，YEAH，雖然今天醫生問咩都答D好 "行" 既說話，但都好開心，因BB一切正常，我已經好安樂了，仲有13日BB就係預產期，現在每天都在留意BB係咪時候出世，因每次也FEEL到一陣一陣的谷住谷住既感覺，而BB在上星期四開始，郁動既次數都明顯地降低，所以我會密切留意啊

而99做左件令我很感動既野，就係佢比左成幾千蚊我補身，因我坐月既時候會在媽咪度，佢知佢唔識煮野比我食，所以比左錢我去買補身既野，感動既原因係平時佢視錢比佢個仔還重要，所以今次佢這個行為，確實令我好感動啊！

其實今個月，超多人問了我一個問題，就係問我地同BB改左名未，其實我一早已經諗過，問過老公，但佢遲遲都未話邊個名OK，但今個月佢無拉拉話，要好好考慮下同個女改乜名，哈哈哈，佢再問我，我話我喜歡的已經比哂佢選，只係佢未選到，不如我比大家諗諗，看看女女叫乜名呀！

其實我自己喜歡個晴、曉、詩、婷既字

曉琳、曉嵐、曉晴、子晴、子婷、詩婷...................其實之前仲諗到，但現在再打，突然間諗唔番，呵呵呵，大家仲有無乜意見呀，提供下比我思考下呀

榛子百利雙層芝士凍餅

首先多謝苓苓今次的安排，好耐無整過餅啦，就算之前整左既，都係因無帶相機無得POST，今次有帶，但又係失敗左，帶左相機無入RAM，唉，莫非大肚婆既記性真係咁差？？因D相係機入面，唔懂搞，所以遲左咁耐先POST上黎，其餘相用手機影(原來手機都係無乜RAM)，其他的便在DEE DEE部機入面了

Aroma'So Baking   http://aromaso.com/ 

今次學的是榛子百利雙層芝士凍餅，因係特價班(會員價)，所以都只係$168咋，非常抵呀

今次的材料

首先要用錫紙將餅圈包好，再放入一張咭紙，備用

芝士餅底做法：

40g 芝士餅底碎 + 30g朱古力芝士餅底碎 + 35g牛油(軟)，將它們拌勻，壓於餅模內

蛋黃啫喱做法：

6g魚膠粉 + 10g砂糖 + 2隻蛋黃 + 40g水，先將蛋黃+砂糖拌勻，再加入魚膠粉及水，拌勻，隔熱水座溶，備用

250g忌廉芝士 + 40g砂糖，用打蛋器拌勻，備用 (份量需分一半於兩隻不同味的芝士內)

140g淡忌廉，用打蛋器拌勻再放雪櫃，備用 (份量需分一半於兩隻不同味的芝士內)

百利甜酒芝士做法：

125g忌廉芝士 + 20g砂糖 + 5g可可粉 + 70g淡忌廉 + 15g百利甜酒，先將所有材料拌勻，之後將一半蛋黃啫喱加入

將百利甜酒芝士倒於餅圈內

將一片15cm的海綿蛋糕放在中間，這個係阿sir預備的

榛子芝士做法：

125g忌廉芝士 + 20g砂糖 + 70g淡忌廉 + 20g榛子醬 + 15g榛子粉，先將所有材料拌勻，之後將餘下的一半蛋黃啫喱加入

將榛子芝士倒於餅圈內，放進雪櫃雪凍

因為這個蛋糕我係送比人生日用的，所以我就自己整左個生日牌，而其他朱古力裝飾，都係自由發揮，這個係加一教我做的懶人方法，呵呵呵

這個蛋糕班，唔止阿sir吸引(用心教)，而佢中途都會為我地預備小食架，今次阿sir為我地預備左既係曲奇餅，每人都有一包飲品及2件曲奇餅

我的完成品，因為到最尾先發現唔夠位寫，不過算啦，心意搭夠，呵呵呵

中間的便是阿sir，我地的大合照，copy於苓苓 blog內

是次活動，應該係生BB之前最後一個，好開心，因阿sir教得勁有心機，係有問必答，有求必應個隻，好用心教我地每一個，唔會因我地係上特價班而求其，唔會趕住走，同埋最正的係好近我家，放左學around 15mins左右便可以到家，真係very good呀

但最要多謝的係苓苓，幫我地爭到咁多位回來，因特價班一出，就好快full，同埋苓苓係唔食芝士蛋糕架，但為著我這個大肚婆，都照報，令我很感動呢，等我生完，有時間的話，必定再報，因今次個蛋糕，係for生日既b/s，所以老公一啖都無得享受，呵呵呵，但真係好好味啊

BB成長 - 第37週

本週身體及胎兒變化情形

目前懷孕 37 週 0 天，預產期是 2008/09/08 ， 20 天後您的小寶貝就出生了。
妊娠 10 個月（37～40週）
胎兒成長
胎兒身長：約50公分
胎兒體重： 約3100公克( 約2個哈蜜瓜的重量)
母體正常變化
子宮底高度：約32～35公分
羊水量：600～800CC
第37週：能獨立生存
1. 外觀機能發育完全，體內器官的機能亦已成熟，已有能力在母親體外獨立生存。
2. 頭上長滿頭髮。
3. 胎脂佈滿全身，特別是腋下及股溝。
4. 皮下脂肪豐，胎兒較圓滾。
5. 羊水量開始遞減，愈近足月量愈少。
第 37～38 週：
1. 常會尿急，或覺得尿不乾淨。
2. 有更多乳汁從乳頭溢出，表示身體已為哺乳作好準備。
3. 子宮下降，對胃的壓迫減輕，胸口、上腹較舒服，呼吸也變得輕鬆些。
下週重點：胎頭進入骨盆腔。

今天很失敗，原來在不知不覺間生病了，早上起來，發現喉嚨似被火燒，超痛，有點點鼻水，身體不斷出汗，但吹風扇時又感到冷，其實唔想食藥的，但.....................唔想拖，唯有快快看醫生，都係一般感冒呢，同埋有少少鼻敏感，整天在家中休息，唉，希望D藥真係如醫生說的，不會影響BB啦，因我係好怕架

上星期五，腳腫情況終於出現了，很感恩的是，這個時間先開始腫，原來腫，確實係比較...............不知怎形容，賬賬的，不太舒服的感覺，整個人也感到腫腫的，可能就生，BB給我的感覺，就像成日跌出黎咁，成日感到不適，胃常常頂住，常常尿頻，現在晚上起來上洗手間也感到辛苦，每天似抱住個小西瓜走路，可能生病，所以感到特別辛苦

BB成長- 第36週

本週身體及胎兒變化情形

目前懷孕 36 週 0 天，預產期是 2008/09/08 ， 27 天後您的小寶貝就出生了。

倒數仲有一個月咋，我地都好期待BB的出世呀，YEAH！

今天是產檢的日子，雖然又係好無奈地等等等，但今天好開心，因碰到個超好超好又靚女既醫生，佢仲係有問必答架，最最令我感恩的係，佢幫我做左個B型鏈球菌既檢查，因我只係想問佢政府有無得做，咁佢就話如果我有咁既要求，佢就幫我做，又問左我有無痕同多分泌，佢就話政府係唔會主動同孕婦講話做這個檢查架，咁我就唔使花錢出去做啦，YEAH，2個星期後再產檢，到時便知結果了

而醫生話BB個頭仔，已經落左5分之1，咁應該仲未生得住.......................啦，而醫生有講過，如果生得的話，應該會有宮縮現像，宮縮即係子宮收縮，醫生叫我留意，似M痛咁喎，好有頻率的，但佢都好保守講左句，話個個人都唔同，最主要係特別注意BB既郁動

而走佬袋既野，已經差唔多買哂，只係未PACK入去個袋度，多謝月明姐借個旅行袋比我，呵呵呵，個次食飯佢仲講左好多生既野比我知，因佢都在聯合生架，佢話生完時，醫院係要孕婦沖涼，因唔沖有機會下面細菌感染架，所以在醫院應該點都要沖一沖

同埋係在住院期間，用無貼的M巾，因醫生要隨時檢查，所以我又可以清楚D知道入院後大約咩情況，而姊妹都有講過，佢問過好多人，媽咪係咩情況下生我，我就會咩情況下生阿B，咁當然這個非一定，但起碼比我有個心理準備先，我問左我媽，佢係穿羊水先生我架，咁我估我應該都係穿羊水再生阿B，等我黎緊看看係咪先

而屎片，謝謝CYAN幫我在BB展訂左兩箱M碼，因M碼應該係用得最多，現在仲爭未搬BB床姐，其他野印象中已經搞掂哂，現在晚晚也祈禱，盼望BB在合適的時間出世，唔好等我返返下工，或未準備好的時候出黎，請各B/S繼續為我同BB代禱啦，感謝你們

而今天我就走左去剪頭髮，因我既頭髮係長得好快，同埋有厚又曲架，但有左BB時又無得整"負離茄"，頭髮超唔貼架，咁我又怕隨時生得，咁今日拿拿淋走去CUT左先，叫個髮型師有咁簿CUT咁簿，但最重要係紥到馬尾，YEAH，家陣隻頭係超爽架，好開心同好舒服呀，YEAH

BB成長 - 第35週

本週身體及胎兒變化情形

目前懷孕 35 週 1 天，預產期是 2008/09/08 ， 33 天後您的小寶貝就出生了。

BB在這段日子都踢得很利害，有時唔知係咪踢到我D腸，令我感到十分痛楚，試過痛到流眼淚，但...................重有差唔多一個月時間(如無早產)，BB便要出世了，又真係好唔捨得佢在我肚裡面既感覺，所以就算痛，我也會好好享受埋這段日子與BB咁親密既關係

而最感恩的是，最大最煩個間公司既AUDIT已經接近完成，接下來雖然還有一間未搞掂，但心情已經沒有之前那種壓迫，也感謝神陪我走過這段路，現在真的可以安心去迎接我們的小生命了

越來越感受到，作為媽媽，很多時候都為子女去擔心&憂慮，但真的很感恩，因我們信了主耶穌的人，每天也可以籍著祈禱，向神交托很多大大小小既事情，也看到神為我們出手，真的.....................每件事情也是值得令我們去感謝神啊

 

B型鏈球菌

一個對我來說很陌生的名稱，thx Cyan提了我，在35週時要check一check，否則我連這個係乜都唔知呢

我在網上找過一些資料，懷孕35-37週內可以檢查，佢地講的case都係好差，我唔想自己嚇自己，也有問過其他人，在醫院內好似係一樣很普通既野，只要媽咪驗到有，就要同番醫生講，到生時醫生就會知點做，我下星期一便會去聯合產檢，我諗緊到時問埋醫生先，好似話政府有得幫手check架，唔知係咪呢？如無，咁下星期我都係36週，到時再找私家check也可以的

有無其他網友知這個是甚麼來的呢？係咪如網上講的咁嚴重呢？

見到Cyan影了這類大肚相，自己又貪得意又影左張，原先諗住影張正面，但............家陣我個肚實在太肉酸了，所以無謂嚇親街坊

我的肚圍已經有成41寸了，看到我的肚臍是凸的嗎？肚臍位好深色，而我既血管已經現哂，似就黎爆咁，肚中間個條線已經好深色了，而肚臍下面都有紋了，所以真係......................算啦，生完除了肚紋外，其他的都會漸漸無架啦

盜墓迷城3 + 日式生日會

盜墓迷城3

故事簡介

《盜墓迷城3》講述殘暴不仁的漢皇帝(李連杰飾)，遠古前被女術士(楊紫瓊飾)向他及其部下施咒語，從此長期以「兵馬俑」的形態封印在嚴寒的喜馬拉雅山之地下墓陵。2000年後的一天，衝勁十足的冒險家Alex(Luke Ford飾演)不小心中了漢皇之圈套，讓漢皇終於等到從千年沉睡中復甦之機會，並準備喚起旗下一萬名兵馬俑重回人間，向世界及人類進攻，統治地球取代人類。鑄成大錯的Alex唯有向木乃伊專家──他的父親探險家瑞克(班頓費沙飾)求助，父子同心卻屢遇阻撓：為保守皇陵位置秘密、不惜殺死任何人的女刺客(梁洛施飾)橫刀相向；一直企圖喚醒皇帝、極具野心的軍官(黃秋生飾)從後殺出。一場驚心動魄的大戰一觸即發...............

星期六早上去左看盜墓迷城3，其實已經看過影評，真係...................劣評如潮，但因為已經看了第1&2集，所以點都想看埋第3集，總括來說，似笑片多d，除了班頓費沙同舅父角色無變外，女主角同仔仔角色也變了個老餅，同埋佢地時國語時英語，令我很難入戲，而第1&2集既衰人角色其實我好喜愛架，但家陣變了李連杰，杰杰不是不好，但............當看過第1&2集既時候，大家就會知我講乜，如果當笑片黎睇，都係好看的，因佢地既特技都係好正的，但按番之前2集比較，確實遜色左

而看過戲後，就去了法國醫院探個姊妹既媽咪，因她生腎石，我聽番上司講的解釋係，原來腎石形成，係食得太咸同少飲水，同埋係後生時可能已經有，只係到老的時候才發現，所以都有提醒左我自己既，因我平時可以食得好咸架，家陣因著有bb，已經減左份量，我相信可以keep住食番清d的，而最感恩的是看到神一路的保守著，所以b/s們我地要繼續努力pray pray pray

而晚上就同左7,8月份的弟兄慶祝生日，今期叫日式到會，每個都食得好開心，雖然我同另一個姊妹食唔到生野，但....................一切都好正啊，真係就咁睇都流哂口水呀

帶子刺身1盒 $245

其實每人食2舊，已經feel到飽了，因真係好"流"，而方大哥，我見佢不停食食食，好似唔止食左5舊了，都唔明佢點可以食得落，個陣我地在北海道買番去同屋企人share時，食左刺身已經食唔到飯了，帶子係好鮮甜架，呵呵呵

看看d帶子有幾咁....................大隻，佢地個個一看到既時候，已經勁話，今餐好豪呀，查實我地訂的時候，都係估估下架咋，點知咁死大粒，開心死我地呀，yeah

牡丹蝦刺身 $205 我地訂的已經係最細size個隻，這個係解凍中

這個係已經解凍完，而解凍也是需時的，開頭諗住由佢自動解，但解左成2個鐘都未溶到少少，最尾就放入食水個度解了

看看，個size......................係咪....................呵呵呵

這個係雞肉串 $50 

我地將d雞串半炸，等佢熟左後再加方便醬，咁就食得啦

日本吉列生蠔 $39 加埋丘比沙律醬，well.................yummy，我炸既時候，偷左一舊熱辣辣既黎食，好好味呀

味付鮑片 $24 其實這個平時在凍肉舖都看過，可以當作前菜(不用煮)，我平時就喜歡將佢炒西蘭花，味道一流架

味付豬軟骨 $35包，這裡係2包份量，我地將佢翻熱，另外再煮左少少烏冬，撈埋一齊食真係好好味架，但就係比較油左少少咁囉

而食到一半時，有個弟兄非常之好，知我同另一個姊妹唔食得生野，咁因為d刺身實在食唔哂，就幫我將這些煮熟，呵呵呵，咁我地就可以食到熟左既刺身啦，yummy，不過我都係唔敢食太多，最尾只係食左半粒帶子同一隻牡丹蝦，等我生完之後，我地就可以再搞過這些日式生日party啦，yeah

其實最令我開心的唔係食野這part，而係弟兄們會講番自己既近況，等我地可以為他們代禱，這種真情對話，確實係令我最感動的，每個人都有自己的難處，但能夠互相分擔及支持，是我們最想得到的

是晚的野食實在太多了，根本食唔哂，我相信再加多4-5個弟兄都得呀，而請左2個弟兄，我地平均每人都係$123 (已經包埋廚房分享，因book了聚會地方)，真係好抵呀，yummy

David仔，下次記得唔好忘記我們的約會呀，等我生完之後，就可以再搞過，呵呵呵，post住這些相比你流下口水頂住先啦