店舖：牛頭角大排檔
地址：九龍牛頭角地下(忘了正確地址)
好有風味既大排檔，將會在12月尾全部拆卸，以後就無D咁有風味既街頭大排檔了，所以今日特登帶埋昕晴去食一餐，因等佢識食既時候，這裡已經拆左啦
唔知就咁影，大家會唔會認得呢？
潮州蠔餅$28，我覺得比較油，但都OK好味
潮州打冷@豬大腸$40，老公至愛，好好味
沙拉骨$42，影得樣衰衰，但味道係唔錯的
大排檔的風味，就係可以將D洗完碗筷既水隨地倒，煲哂煙都無人理，哈哈，唔知係咪這裡特色，但好在我地坐出面，同埋D風吹唔正，否則就食哂人地D煙啦，其實仲有好多檔可以去試，不過我覺得要多D人去先食到野，我地2個叫左3樣都食唔哂呀，又唔可以試多D，所以要人多去先好，等遲D再約埋其他FD黎食過先
恭喜哂Cyan同家輝榮升為人地嗲地同媽咪，仔仔七磅，同媽咪係同一日出世架，yeah
講番起，我相信這個生產過程，應該係Cyan好難忘的經歷，因為仔仔好頑強，點都唔肯出黎，Cyan應該痛左成over 30 hours仔仔先肯出世，家輝話星期一晚見紅入院，到星期四零晨先至出世，中間有打催生針，痛到Cyan死左，其實中間既過程，仔仔有心跳減慢情況出現，所以咁急既環境下，最尾都係開刀生，所以今天去探訪時，仔仔要讓醫護人員觀察，無得比我地見，而Cyan都好累..................所以大家都無影相，現在要等家輝upload個blog先會看到仔仔相
看過仔仔既相，個樣似Cyan(家輝話)，笑起上黎有酒凹，好得意，見到家輝好興奮又好累，盼望大家今晚有覺好瞓啦，劉氏一家，加油呀
家輝UPLOAD的BB相
http://hk.myblog.yahoo.com/jw!t5dxT3KfGRzKRYzYqHFf71q8jMmFwQoSH3w-/article?mid=61&prev=-1&next=53
之後大家就食晚飯，因為在旺角要一個可以坐得耐少少既地方都唔易，咁最尾都係去番我去過既鑽石餐廳
我地每人都叫了個set，有餐飽
餐湯
焗肉醬千層麵大蝦天婦羅 $92
燒豬仔骨BBQ汁 $118
石鍋黑菌什菜拼瑞士雞翼 $88
焗鮮三文煙雞胸粟米忌廉 $88
大家不約而同的都係叫檸檬茶
今天有我、苓苓、P&D及豆豆，豬姐姐趕時間，探完就走左啦
食野整體上OK，我估最正的係讓我地有個可以傾下計而又無人趕走既地方，今天都係環繞生仔問題，呵呵，P&D你地要去哂D旅行先作決定呀，有小朋友就去唔到旅行架啦，但我好羨慕苓苓，早生有早生既好，同個女似兩姐妹多過兩母女，我都好想昕晴大個女時，我這個媽咪都KEEP到後生，哈哈哈，豆豆，快D將你去蜜月旅行既相UPLOAD上BLOG，等我可以羨慕下都好，等Cyan OK D，我地再約過一齊去探阿B，YEAH
今天回到公司，突然收到大信封，我被公司炒了，感到十分突然，被炒原因，是公司近期沒有生意，上司推說是金融風暴下，無奈作出這個決定案
但心裡很感恩，因為昨天剛剛與老公商量緊，我會否轉全職媽媽，老公說如果我想，佢會十分支持，其實要作個咁大的決定，真係要好認真考慮，咁不斷向神PRAY，求神給我一個答案，但答案如何，我也會相信神給我的必定最好，我曾經也有祈禱過，如果公司炒我，補番錢比我走，就最好
感謝主，好快比左個答案我，今天收大信封時，心裡沒有唔開心
黎緊就會照顧番昕晴，其實要點教導，到現在我都未知，不過我會一路繼續祈禱，我也會進修，同埋睇下有無D教人點教小朋友既野，唔知有無得聽講座或上堂既呢？
店舖：泰皇泰國餐廳
地址：荃灣河背街82號地下(係聖芳濟對面)
電話：3145-1151
好開心BOBO返左黎香港，這個係好同學+好姊妹，由細識到大，今次因著她，我破左戒啦(餵奶其間唔食辣野)，查實係自己好想食，咁泰國野就都OK既，嘻嘻
估唔到這間位於荃灣區既泰國野，係咁正架，平時經過都唔多起眼，真係行過左都唔會發覺個隻，呵呵，今次仲要多謝南哥，帶我地食D咁正既野
就是這間，全日免加一，GOOD GOOD之選
燒鱔魚 $24碟/2件，這個超正，必食，我平時麻麻地食鱔架，但這個燒得好香同無骨，點埋佢個個酸酸辣辣既汁，簡直係超超超正呀
串燒沙爹 $18碟/2件，我覺得串燒既精華係D汁，D汁唔夠可以叫佢地再比過架
泰式拼盆(香葉包雞、春卷、蝦餅、魚餅)各2件 $72，這個都好好味架
咸魚炒椰菜苗 $52，菜好清甜
冬蔭公湯 $45，好耐無飲啦，好好味啊，YUMMY
泰式金邊粉 $48，可能食左好多小食，這個粉係不過不失啦
這個係COUPON送的，蒜蓉包，又係必食，因前前後後都焗到香噴噴架
青檸梳打 $16，這杯我覺得一般，下次可叫其他
芒果冰特飲 $23，這杯我試過一啖，好味過我個杯好多呀
香芒黑糯米，忘了價錢，芒果出奇的甜，糯米又煙煙XX(唔記得點寫)，加埋D椰汁，SO GOOD
後補相片，好開心同你地一齊食餐咁豐富架，多謝南哥，YEAH
超豐富的一餐，價錢比起九龍城個區既平，味道出奇的好味，我地4個人，叫得太多啦，都差D食唔哂，個個飽到嘔哂咁制，但係荃灣區有咁既水準既食物，確實是正正正，但一定要多D人去先可以食到咁多野同咁多款，下次再同老公去試下先，YUMMY
粟子忌廉蛋糕，特價班$168
Aroma'So Baking http://aromaso.com/
首先用15CM餅模以烘焙紙包好，焗爐以150度預熱
傳統蛋糕做法：
雞蛋2隻(約120g) + 砂糖35g + 鹽1/16茶匙 + 香油2滴，用打蛋機以快速打至起泡杰身
再將低筋麵粉40g + 淡奶10g + 牛油(熱溶)20g，分次序，邊攪邊慢慢加入，拌勻，蛋糕以180度入爐，放中層，全程約焗25mins至蛋面金黃色轉用150度，出爐後待涼
粟子饀做法：
粟子茸250g + 淡忌廉(打起)60g + Grand Marnier橙酒10g拌勻，放雪櫃備用
裝飾忌廉：
甜忌廉(打起)180g + 淡忌廉(打起)70g + 冧酒5g拌勻後備用
將蛋糕底面輕輕切去，及切成3片，每片厚1.2cm，將忌廉抺於第一片蛋糕上，再唧上約1/3粟子饀，再抺上少許忌廉，再鋪上第2片蛋糕，重覆以上工序一次，舖上第3片蛋糕，於整個蛋糕面抺上所有忌廉及加上裝飾
這個完成品係阿sir既作品，因佢教我地整玫瑰花，但............對我來說比較難，所以無搞到，呵呵
因要分比唔同朋友食，所以今次我叫阿sir幫我cut開，做一件件的粟子蛋糕，好靚呀，yeah
我與製成品，yummy
大合照，其中一個係阿sir的，呵呵
休息時食的蛋糕，唔記得個蛋糕名，好似乜乜紅桑子蛋糕架
我自己比較喜歡多粟子多忌廉既蛋糕，所以今次這個，我覺得超好味架，大家今次做得好成功，個個都好似係出面買咁架
傳統蛋糕：平時有乳化的海綿蛋糕比較鬆軟，但傳統的就較有香味及口感，因無落乳化，成功機會比較難的
話說星期一我第一日返工，昕晴就唔知發生咩事，由早喊&扭到晚，到我放工回家，都見到佢對眼仔腫哂，真係心都痛死，其實個晚心情都幾down，怕公公真係湊唔掂，到時真係頭痕，咁個晚就不停為囡囡代禱，希望佢快d適應
感謝主，確實係聽祈禱既神，昨天既情況，已經開始正常番啦，瞓覺、起身、飲奶、玩、繼續扭人抱...............，希望這個情況能繼續維持，公公話，如果好似昨天咁，佢就一個人都搞得掂
但也很感謝我媽媽，佢這幾天，特登請假黎幫手照顧個孫 (其實都真係有些唔舒服既)，盼望昕晴乖乖地，咁我就安心哂
大鑊，比大舅舅影埋我條肥頸tim，樣衰死人啦，點識男仔呀
我開始識得做一d氹人喜歡既動作，氹到個個鬼咁開心，YEAH
哼，媽咪用雪條引我，又唔比我食，等我啤下媽咪，第時大個就同媽咪爭食先
