終於可以放下心頭大石了
30號的揀樓過程
簡直係驚險萬分
我地前一晚仲睇到有成約40個大單位可選
但當我們揀樓的時候，只餘下約10個大單位
而我地排的編號
是第13號
我地心想，如果頭10個都係揀大單位的話
到我地既時候
真係乜都無
在等待的過程中
真係心情超複習
心中不斷祈禱
但我知道
我地所擁有的，也是神給我們
有無大單位，也不是我們可以控制到
怎料，到我地揀的時候
竟然還有幾個
真係好喜出望外架
真的感恩、感恩、再感恩
黎緊，就要開始搵資料裝修
有想過會在大陸訂
不過要問問朋友們那些是信得過的
再睇下係咪真係上去買
所以現在也是思考階段
大家有無咩資料可以分享下呢？
例如
新入伙，有乜要特別留意既呢？
用咩油係比較好呢？
係咪用磚好過用木呢？
現在有些叫無縫地板，有無人用過係好既呢？
過有好多好多問題
請大家多多指教
我也正煩惱裝修問題呢...
回覆刪除我知有隻油叫"立光"聽聞佢無一般油D味禁勁..
呵呵... yannnie才剛幫娘家裝修完畢... 你可以問下佢啊...
回覆刪除我會建議你先起底油, "扇"灰 才油3層油.... 當然係用ici乳膠漆啦.... 因為呢間屋係你地架嘛... 唔似我係租, 用d 駱駝牌油。
大陸的燈係平啊.. 我最近才陪yannie去買.... 但你懂得裝嗎? if 你要搵人裝, 幾$$呢? 你要先check 下... 除非 你係搵人裝修.. 叫佢裝埋啦~
地下, if 想容易打理, 一定係磚地最方便, but我個人like木地板... so都幾睇你個人喜好。yannie最近幫自己睡房舖左無縫... 你問下她啦~ =)
恭喜哂~ 最後係咪揀左秀茂坪呀?
回覆刪除我以前一直都用開木地板, 感覺warm d~ 不過, 裝修前因為d地板太舊而有裂縫, 有d甚至爛左出現隙, 所以裝修時轉用磚.
因為我揀白磚, 所以感覺間屋光猛左. 又容易打理 (唔駛打臘), 不過, d頭髮跌左落地就比較明顯囉. 你有昕晴, 照計每日都會清潔, 問題應該不大.
地磚感覺好涼快, 夏天時就好舒服, 以前覺得屋企好焗, 無咩風, 但至從轉左地磚後, 入到屋都覺得涼涼地. 當然, 冬天時腳板就好凍囉, 一定要著拖鞋先得. 今年冬天, 昕晴學行/初學階段, 唔建議著拖鞋, 因為赤腳行會行得好d, 所以你要諗諗啦.
秀茂坪應該好大風下, 所以又未必需要地磚既涼快感覺.
HAHA, 恭喜晒, 終於放下心頭大石。
回覆刪除我就覺得磚地好d, 可以一勞永逸, 因為木地耐左會爆, d 木甩下甩下, 有昕晴係度會比較危險, 加上日子耐左, 可能會有白蟻出現, 到時就麻煩喇﹗
油方面, 我個時係用地ici 既雪影系列, 我覺得呢個系列既colour比較soft, 舒服d
你想要大陸既資料, 我個時淨係係大陸買過磚, 咁我去個個地方多數都係潔具用品, 如果你需要既, 就話我知啦﹗
我個人係鐘意磚0架, 仲要"令"面0個隻, 我唔鐘意地板, 萬一佢"gung"起0左, 又放晒傢俬, 就好煩
回覆刪除恭喜哂呀~
回覆刪除恭喜哂啊!
回覆刪除揀左邊到呀...嘻
回覆刪除好似叫拋光磚, 不過你去d賣磚0既店睇0下就知0架喇, 好多款
回覆刪除因為地板係上手業主留低既, 我都唔知用左幾耐~ 不過, 我搬入去第二年就爆啦, 好激氣~
回覆刪除唔記得講, 冬天時d磚好"跣", 好似溜冰咁架, 哈哈~
係呀, 有架, 上網睇番, 佢個全名係雪中色影
回覆刪除你需要資料就搵我啦, 一d都唔煩我, hehe
拋光磚係"令"面既, 呢隻磚舖左係地, 就靚d, 間屋會光猛d, 但會比較"跣"
另外有d磚係啞面磚, 個d 就冇咁"跣" 但舖左呢個, 間屋就會沈d, 可能你會揀d淺色磚, 但因為佢係啞面, 係冇拋光磚個隻咁光猛。
磚有好多隻, 你可以去旺角睇下先, 認識下佢地先, 再去大陸搵都未遲
我屋企係用啞面磚架~ 不過呢, 我果隻係好平滑既啞面磚, 方便打理~ 市面上既啞面磚一般都係有紋既, 即係表面會有"粒突"紋~
回覆刪除唔知點解, 個人唔鐘意屋企用拋光磚, 覺得好似去左商場, 因為商場既地磚通常都係拋光面, 哈哈~
恭喜你呀 ... 你可以放心晒啦 ... 幾時可以入去住呀 ... 我而家住個度係木地 ... 我個人覺得麻麻 ... 因為好易花 ... 要好小心 ... 而且而家d油木得好薄身 ... 你跌野落地下好易有凹 ...而且我見個地板冬天有些會弓起 ... 夏天就自然會平番 ...
回覆刪除我咪就係用無縫地板囉..OK嫁wor...
回覆刪除我以前用磚嫁..好易出裂痕..no good!
恭喜.............
回覆刪除用地板都有白蟻問題嫁~
回覆刪除磚唔會..地板會..(白蟻)
回覆刪除