在這星期，昕晴終於發出B、D字既音頻，開始勁叫阿爸，daddy或阿dad既字眼，令到老公超感動啊
星期五終於同阿囡去左睇醫生，醫生話現在小朋友咁細，同埋無乜鼻樑，會比較難講得咁實，叫我再留意下啊
可能我自己對昕晴比較緊張，佢既斜視，唔係時時見到，但我會繼續留意，一發現有乜唔妥，都可以盡快知道
媽咪，做乜影人喎，人地食左藥咁眼訓，咁都post出黎既
爹吔，快d跳多幾次啦，你跳黎跳去，我好開心架
坐得咁舒服，又有人跳黎跳去同我反，yeah
哈哈哈，爹吔跳到索哂氣呀，哈哈哈
契姐走左啦，有機會再見啦
唔水掛住我架，等我地儲到錢錢，就過黎搵你，你要比我食比我住架
是次爹吔同昕晴玩到氣都咳，佢好鐘意人地無拉拉嚇下佢(當然要比佢有心理準備，知道我地同佢玩啦)
我地都發現原來佢同媽咪一樣，好喜歡刺激，好喜歡將佢抱上抱落，今期真係可以比爹吔練下隻老鼠仔啦，可能小學就會愛上玩跳樓機架啦，呵呵
哈, 我囡鐘意人同佢飛0架 ( 抱高落番0黎 ). 老公話日日咁舉法, gym 都唔駛做
回覆刪除係丫係丫, 呢個時期d bb 唔知係唔係都鍾意拋上拋落, 熙怡都係,
回覆刪除另外, 斜視o個度, 真係唔使咁擔心, 好多bb時都有斜視or 逗雞呢d錯覺, 大個左就會無事傢啦........放心放心
昕晴笑得好開心呀, 對眼暫時無事就好了, 再留意下啦, 應該無問題的, 放心啦!
回覆刪除真開心....
回覆刪除我個囡都係呀....只過一次好似係mama之後都冇再叫lo..
但係papa就成日都叫...攪到我老公不知幾咁開心.
BB真係大得快, 0甘快會發音啦! 我好似看著她長大!
回覆刪除既然醫生咁講就再睇定D先啦~ 昕晴一笑就見到兩隻牙仔好cute呀!
回覆刪除聽到昕晴叫"爸爸" 方大哥一定好感動~
回覆刪除我記得同bb玩"飛"係可以幫助腦部發育架, 所以打千秋其實係好好既遊戲, 當然唔好太過份啦~
嘩 ... 咁快就識叫爹爹啦 ... 一定好冧啦 ... 通常女仔都會好識氹爹爹既 ... 我諗我係一個比較另類既BB ... 我由細到大都好擔小 ... 所以我驚俾人拋來抛去 ... 同埋我係好驚玩打千揪呀 .... 哈 ... 哈 ....
回覆刪除好叻喎咁快識叫爹爹~~
回覆刪除你可以可以send上次文哲同你&昕晴係德華公園影d相俾我 ...THANKS