BB要坐得穩，先會比佢坐學行車
而學行車，契姐一早就送左比昕晴
就咁睇，係咪坐得好穩呢....................因後面有梳化頂住
BUT，當我放佢在床時，情況大大不同
見到嗎？我隻手要捉實佢架
昕晴個身開始微微倒下
一唔捉實佢，佢就係咁
成條腰彎哂
再將佢整好，都係會向左或右或前或後咁傾斜
衰妹，仲伸埋脷tim
某日，我再試驗一下
佢條腰係咪真係咁軟
好似好了一點點，再睇下先..........................
又開始想........................扮軟腳蟹
最尾仲成個PK左係度喊，唉
以上情況，我係咪唔應該比佢坐學行車住呢？
有時想做野都做唔到，只有等佢瞓左覺，先可以做其他野
因坐到學行車，我就唔使咁無時間
成日要陪住佢
現在大個左，唔係咁肯坐bb車啦
有乜方法可以訓練到佢
坐得穩穩當當呢？？
我諗如果你現在比佢坐學行車, 佢會依賴咗部車仔喎~ 我覺得等佢腰仔有力D先坐學行車會好D呀, 因為都有過來人提我唔好比囡坐太耐, 因佢地腰骨未定, 會有機會"luen"架~ 之前我囡都係咁樣未有力坐, 同佢練多D就得架啦... 我會先比佢瞓底, 然後拿著她一對小手, 向她數3聲, 慢慢拉佢起身, 好似玩遊戲咁, 試幾晚就得架啦~
回覆刪除咦~~~阿妹好似多左d頭髮喇wo~~加油加油~~
回覆刪除我果時無俾仔仔坐學行車呀, 因為聽人講, 坐學行車就會遲d先識行~
回覆刪除但我哥哥對孖b就有坐, 我又唔覺佢地遲識行喎~
不過呢, 我都建議等昕晴坐得隱d, 同埋對腳仔有力d先俾佢坐學行車, 同埋, 每次唔好坐太長時間~
其實都係要訓練bb多d, 我個女o個時都係成日俾佢坐, 要放d佢like既玩具, 等佢坐o個度玩, 我阿女就好鍾意睇電視廣告, 咪俾佢睇
回覆刪除有時d bb 唔係唔坐得穩, 係佢地懶, 當你找d野分散佢地既注意力, 佢地唔覺唔覺就可以坐得久d傢啦
另外, 都係遲小小先俾昕晴坐bb車啦
我個囡都好似昕晴咁,慢慢來啦,陪佢坐多d, 佢就識ga啦....
回覆刪除我個囡都開始識少少坐....不過,唔可以成日比佢坐,簡唔中一次半次,太長時間,對佢腰仔唔好
bb車都算架, 所以坐到咁上下, 我地就會較平d個seat 位, 等佢條腰仔休息下架 ~
回覆刪除你屋企有無網床呀 .... 我見我d朋友會到咁上下就將網床較到最低 ... 咁佢地又趴唔到出黎 ... 放d玩具係度等佢自己玩 ... 而且聽佢地講話 ... 用網床仲快d識行添 ... 咁你就會自由d ....
回覆刪除我冇買學行車呀, 怕對對腳唔好, 另外劉小b都係未識坐, 坐一陣又係會"烏"前囉, 佢又唔肯坐, 成日要企晌度, 比佢激死
回覆刪除我都唔會俾心怡坐學行車,
回覆刪除驚佢有O字腳呀!!
好得意...到宜家我仲未睇得出佢似你多0的定係爸爸多0的呀:p
回覆刪除