好開心能夠見證到Grace & Ivan既婚禮，多謝老公陪伴一起去，否則得我一個，好難照顧埋阿囡架
由於係律師證婚，所以我地6:30前到達便可以了，一上樓梯口，已經見到靚靚3V油畫，仲有2隻好大好大既bear bear熊tim，好正呀
睇下隻bear bear係咪好大呢
我地個陣都係訂這隻牌子架，又靚又抵，very good
簽名枱既設計，唔知係酒店諗定係Grace諗既呢？對公仔係tracy作品，佢地套婚紗好靚架，但我影得唔靚呀
大門口就放左張更大既油畫，櫻花好靚呀，我地個陣影都無咁靚架^^
其實入到去等左一陣，就開始註冊儀式，由於好多攝影師係我地面前影相，有時都唔係咁影得到，影到的都手震，呵呵，所以就唔係咁多相咋
律師向2位講解後，就由Grace & Ivan宣讀，見到佢地都好緊張架，回想番自己個陣都係，腦裡一片空白，只想快快手讀完佢，諗番個陣都覺得好搞笑
well....................全場最熱烈的一刻，真係想唱番首劉華既情深的一吻
完成後，一身鬆哂，睇到佢地都輕鬆左好多呀
因為要排隊影相，咁我地就周圍影下，d野咁靚，唔知係咪酒店提供既呢？
由於我地趕時間走，所以叫MC哥哥攝位比我地影先，真係有D唔好意思啦，Grace你真係好靚女呀
Grace，無論將來要面對任何問題，我相信有Ivan這位好好先生，陪你渡過每一個難題係最重要的，在此，衷心祝福你地白頭到老，永結同心
是呀, fanny媽媽真是好快手喎, 再次恭喜呀grace & ivan先, 祝佢地永遠幸福快樂, 開開心心!
回覆刪除(p.s: 無估到可以見到你, 方大哥同方b女, 昕晴真是大個左好多, 超可愛, 係人見到佢都會好喜歡 )
Grace好靚女, 仲笑得好幸福呀. 真係好靚. 祝Grace & Ivan開開心心, 白頭到老, 恩恩愛愛.
回覆刪除多謝你呀fanny, 幫我影左咁多相 ... 你地有無係大bear bear 到同昕晴影下相呀 .... 個簽名台係設計公司整既 .... 至於枱上既花同菜單係酒店整既 .... 我地只係俾張相佢 .... 真係唔好意思 ... 唔夠時間同你地影多d相 ....
回覆刪除