經過一天的努力，昕晴終於叫做屈服左少少(因為肚餓)，到晚上都肯飲到4安奶咁大把，其實以佢這個年齡既BB每餐係要飲7-8安架，但佢全日加加埋埋，只係飲左11安人奶+一餐粥仔(幾啖)
我以為佢肯飲，到第2天應該都無問題，今早零晨5點幾唔想起身，就鬆懈左埋身餵，點知個衰妹以為有得飲番，又係唔肯再飲奶樽
無諗過佢咁古惑，竟然咋瞓，我早上只係餵佢(其實係迫佢)飲2安，飲左半個鐘都飲唔到半安，仲要飲飲下瞓著左，但轉個頭，婆婆叫佢食粥，即醒，你話係咪好抵死呀
今晚我唔會再咁鬆懈，會死守一定要用奶樽到底...........................因我既懶惰，又令佢再喊到死去活來，唉，真係要好狠心同唔可以懶呀
真係餓死你呀，衰妹
唔知係咪心理作用，感到佢好似瘦左少少^^
定係我個鏡頭問題呢？
要迫飲奶，真係無乜表情
引下佢，都肯笑下既
古靈精怪，扮可憐
唔知小朋友要佢習慣一樣野，要幾耐時間既呢？？
回覆刪除歡迎來小店看看,返左好多韓國新款式啊~
快D黎睇下有冇岩心水喇~謝謝~
我見到呢個ＢＬＯＧ有個設計好好既奶樽呀 http://hk.myblog.yahoo.com/momentimebid/article?mid=941 你可以試下用呢個餵奶，佢會飲得舒服Ｄ架
回覆刪除我諗昕晴一時未習慣 ... 要俾多d時間佢 ... 不過有時教小朋友真係要忍心都無辦法 ... 你既出發點都係為佢好 ...
回覆刪除努力呀fanny. 雖然一定會心痛, 但都要堅持到底. 相信好快佢就會習慣呀.
回覆刪除衰妹真係好古惑wo~哈哈
回覆刪除加油丫, 每2小時餵奶真係好唔得閒傢
回覆刪除Fanny,你要加油,唔好心軟,昕晴已經6個半月,開始識好多野,你唔可以比佢恰你ga....
回覆刪除努力--加油!!!
見到佢喊又真係好心痛既.. 不過你要堅持呀! 加油!
回覆刪除哈哈~~我打佢你地會肉痛架wo
回覆刪除Agree. 我都係之前既退營入面, 好聽到神話教小朋友先會明白多D聖經既教導, 同神既心腸, 所以我都會生BB呀. 不過教養孩子既一生既功課. 你一定要努力呀.
回覆刪除"教養孩童，使他走當行的道，就是到老他也不偏離。"
我囡用樽都係食緊160ml咋, 唔知你囡會唔會一樣
回覆刪除哈哈~~~may be架
回覆刪除Fanny,我地黎緊搞b聚,你睇下得唔得呀??
回覆刪除其實又好難怪昕晴既, 佢一出世就係埋身食, 好warm好有安全感~ 突然要佢改變, 可能佢一時之間會缺乏安全感, 又可能覺得被你排斥, 唔再錫佢~
回覆刪除俾d時間佢啦, 同埋同佢解釋多d, 要當佢明白咁講俾佢聽~
仔仔以前轉奶粉時, 係要逐餐轉架~ 即係再本食開初生奶粉, 要轉大仔奶時, 就選其中一餐 (建議中午果餐) 換大仔奶, 食幾日, 就再加多一餐大仔奶, 慢慢轉哂全大仔奶~ 我唔知以你個case, 又可唔可以咁呢?
Shirley以前都係全人奶媽咪, 可以請教下佢喎~
我weekend咪埋身餵囉, 不過我0既情況唔同, 我要返工嘛, 咁佢冇得唔食0架, 同埋我餵得冇你咁密呢, 3個半至4個鐘先餵一次, 一日食4/5次0架咋
回覆刪除