自從唔使返工開始，我就用埋身餵去餵奶，因為真係超方便，唔使洗奶樽，又唔使做咁多事前事後既工夫
BUT，就形成左昕晴好黐身，唔肯用奶樽去飲奶既情況出現
由於黎緊老死要搞結婚野，我會多d時間出去陪佢，咁昕晴就唔可以再咁黐身，所以籍這件事，由今天起，我就要開始訓練佢要用番奶樽飲奶，到現在已經過左成4個鐘了(因佢平時每2個鐘就食一餐)，佢就不停喊喊喊，唔肯食，用手推開個奶樽，喊到眼淚鼻涕都流哂出黎
喊累左就睡覺，但睡既時候，仲不斷咁索氣，因為喊得太勁
不過我唔可以心軟，因為再唔訓練，佢就更加唔肯食，我就更困身，但就真係好心痛，唉，未試過咁心痛架
都唔知佢做乜咁有性格，話唔食就唔食，所以我更加之唔可以心軟，希望佢快d成功地用番奶樽啦
睇到佢咁喊, 又真係幾心痛。但真係唔可以心軟, 慢慢佢就會慣喇﹗
回覆刪除你比其他人幫你餵, 唔好自己餵, 佢知道媽媽晌度就要埋身食0架喇~ 最好佢食奶時你唔在場~ 加油~
回覆刪除我家姐嗰女之前都係飲媽媽奶,所以又係好黐身,但因為工作關係要停,而家頁係無禁黐身.長輩都話BB飲媽媽奶係會特別黐身.所以要BB改變,係要有更大耐性 支持你
回覆刪除哈哈~~呢次真係唔可以心軟喇
回覆刪除比多啲心機...支持你...
回覆刪除對唔住呀,晴晴,係我錯啦,你快d乖乖食唔好咁硬頸啦,真係搞到契姐心都痛埋,我買超靚花女裙比你著呀?!你快d快d快d快d食啦,唔係你婆婆下次見到我會打我pat pat幫你報仇ga!
回覆刪除驚驚~~~
多謝你呀Fanny,都唔知講咩好,我唔止搞到你而家仲連累可愛晴晴,我諗到佢個樣有幾陰公豬,總之一切在心中啦!
晴晴... 加油呀~~~
回覆刪除Fanny, 睇完真係戥你心痛, 比著係我, 可能一齊喊添呀~
回覆刪除係呢, 你有冇同昕晴傾下偈呀? 預先話俾佢知, 等佢有心理準備, 至緊要話俾佢知, 就算要佢用奶樽食, 媽咪都一樣咁錫佢架~
加油呀昕晴, 支持你呀fanny~
宜家仲要2個鐘食一次奶咁密?咁你真係要堅持呀~
回覆刪除其實我都係全人奶媽媽,除左係嬰園用樽食我泵既奶,平時我都係埋身餵架...但係都可以4個鐘先食一次喎,不過我個囡囡就一d都唔肥~
回覆刪除不過晴晴都6個月可以食糊仔啦喎,或者會好d,唔使食咁密~
可能係我想餵都冇得餵.....同埋我好enjoy bb
回覆刪除埋身既感覺...所以見你迫昕晴用奶樽..我覺得佢
好可憐啊