香檳雜莓乳酪慕思蛋糕

香檳雜莓乳酪慕思蛋糕，特價班$185

Aroma'So Baking   http://aromaso.com/ 

6寸餅模以烘焙紙包好，焗爐以150度預熱約10 mins

朱古力海棉蛋糕做法：

雞蛋1隻約60g + 水15g + 砂糖22g + 朱古力膏少許，用打蛋機以慢速拌勻

再加入低根麵粉22g + 蛋糕乳化5g + 鹽1/24茶匙 + 泡打粉1/12茶匙 + 梳打粉1/24茶匙拌勻，用快速打至杰身淺啡色

最後將淡奶5g + 熱溶牛油10g + 可可粉6g，用膠刮拌勻，蛋糕以180度入爐，放中層，約焗20mins，至金黃色轉用150度，出爐後待涼

香檳啫喱做法：

魚膠粉5g + 砂糖15g + 水45g，隔熱水坐溶，再加入香檳酒120g拌勻，待涼備用

雜莓乳酪慕思做法：

首先將淡忌廉160g打起，再將魚膠粉6g + 砂糖10g + 雜苺果茸110g + 水35g，隔熱水座溶，一齊拌入淡忌廉中，加埋乳酪100g + 香檳酒10g拌入，成雜莓乳酪慕思

蛋糕饀料：

雜莓果饀90g，備用

將蛋糕底面輕輕切去及切出二片，備用

將一片蛋糕放底，加入慕思，再加雜莓果饀，再加少許慕思後再放第二片蛋糕，最尾加入慕思，放雪櫃至凝固

待凝固後，將香檳啫喱倒入，放回雪櫃至凝固，後裝飾，完成

今次既蛋糕係整比我阿媽同細佬女友的，但白色既朱古力牌仔一取出就衰左，我無理佢，所以唔係咁夠位寫字

這個係阿sir設計的，我整唔到個d朱古力呀，唔知係咪我整得太幼呢？

yeah，完成了

蛋糕我無食到，但反應話太酸，可能雜莓關係，酸到我細佬死，哈哈哈

黐媽B

都唔知咩原因，昕晴越黎越黐身

尤其係夜晚，只係要我

查實已經24小時都對住佢，除左佢訓時可以做下其他野外，根本無乜時間

一行開，佢就唔係喊就叫，叫到你頭都暈埋，叫到有人應佢為止

咁有時我都要有私人時間或休息時間

又訓練左佢用奶樽

一樣照黐，真係一個掛住黐住媽咪既BB

係咪我地太過照顧佢呢？搞到佢一見唔到人，就好唔安樂呢？

我已經好忍心，佢喊左好耐先理佢

但婆婆個d成日話，唔好比佢咁喊，因為會入好多風係肚

唔知係咪個個b都係咁既呢？乜唔係會越大越乖既咩？

睇我個樣，係咪寸寸貢呢，連契姐都咁講架

好似出左2隻牙仔後，就停滯不前，不過最可愛就係這個時候啊

yo.............公主衫，i like

家陣翻來覆去都無問題呀

so easy，只係令到媽咪成日都要好小心咁睇住我姐

又一期既青蛙腳

印傭

天耀邨昨發生印傭涉向少主「落毒」案，一名印傭被捕扣查。飲下毒奶的女嬰留醫，有專科醫生指出，腸胃經過漂白水侵蝕，可導致胃炎，亦會引致胃出血，嚴重可危及小生命。事件引起網民激烈反應，指責太殘忍，要求政府檢討法例，嚴懲重判向嬰兒「落毒」者。

每次見到這些新聞，都會感到好心寒，雖然唔係發生係自己身上，但................我覺得好心痛，bb無罪的，點解要向一個手無寸鐵既bb身上報復

希望佢地d外傭，安安份份咁工作，否則真係好影響

見到真係心都痛埋>.<

黑心印傭涉毒奶餵少主

成功了@訓練用奶樽記

經過一星期既訓練，好開心呀，昕晴終於屈服左，佢肯飲奶樽啦，yeah

咁當然係開頭(每日既第一餐)個陣都要有少少迫佢，之後就可以好順暢咁飲，同埋最開心既，係我試過埋身餵又得，飲奶樽都得，我同佢話，飲完奶樽媽咪先比佢再飲，咁佢好似識聽，就乖乖地咁飲奶樽啦

現在我會早上同晚上埋身餵，中午個幾餐就用奶樽，同埋可以將佢既飲奶時間拖到3.5-4小時先餵一次，真係好開心架，雖然我都係不喜歡用奶樽，但為著我有事時要其他人照顧佢既時候，一定要狠心迫佢用

但唔知點解，用奶樽見到昕晴既奶量，真係好少，佢最多都係飲到5安，人地既b通常係每餐7-8安，佢係咪算食得少呢？？

笑到對眼似月亮，冧死人先得

yo.................我係咪好嗲呢

oh..................come on

d動作係咪殺死人呢，嘻嘻

好少可咁樣影大頭，個樣有無唔同呢？

嘩，媽咪，幫我影沙龍，pro唔pro先

媽咪，熱屎辣辣，仲要影，無哂表情啦，不過影全家幅，算啦

COMEBUY@荃灣

店舖：COMEBUY

地址：荃灣城巿廣場1期，美心西餅隔離

在荃灣區新開的店舖，未夠3個月已經開分店，分店在荃灣路德圍個邊

其實都係細細佬同佢女友勁推介，話好好味，但..................就係因為超人氣，所以要排好耐隊先買到，好似話閒閒地都半個鐘，我地當然唔會去排啦，咁我既好乖既細細佬就專登走去買回來比我地試味

一杯珍珠奶茶，價錢係$8(小)、$10(中)、$12(大)，而朱古力珍珠既，我只知$17(大)

講真，真係好好味架，佢可以大細珍珠mix，好有口感，同埋咁大杯，真係飲得好爽架，相比起平時既許留山個d，這裡就抵好多，又大杯又好味

左：珍珠奶茶(大size)，同平時的差唔多味道

右：朱古力珍珠(大size)，我自己就最like，好好味

昕晴個衰妹，見到我地飲得咁開心，佢就扭計要飲，唔比佢就咁既衰樣

一比佢，飲都飲唔切，但查實佢係唔識啜架，哈哈哈

一見到這間野，我第一時間就諗，可唔可以入股既呢？係既話，一定有得做架，因真係超正^^

古古惑惑@訓練用奶樽記

經過一天的努力，昕晴終於叫做屈服左少少(因為肚餓)，到晚上都肯飲到4安奶咁大把，其實以佢這個年齡既BB每餐係要飲7-8安架，但佢全日加加埋埋，只係飲左11安人奶+一餐粥仔(幾啖)

我以為佢肯飲，到第2天應該都無問題，今早零晨5點幾唔想起身，就鬆懈左埋身餵，點知個衰妹以為有得飲番，又係唔肯再飲奶樽

無諗過佢咁古惑，竟然咋瞓，我早上只係餵佢(其實係迫佢)飲2安，飲左半個鐘都飲唔到半安，仲要飲飲下瞓著左，但轉個頭，婆婆叫佢食粥，即醒，你話係咪好抵死呀

今晚我唔會再咁鬆懈，會死守一定要用奶樽到底...........................因我既懶惰，又令佢再喊到死去活來，唉，真係要好狠心同唔可以懶呀

真係餓死你呀，衰妹

唔知係咪心理作用，感到佢好似瘦左少少^^

定係我個鏡頭問題呢？

要迫飲奶，真係無乜表情

引下佢，都肯笑下既

古靈精怪，扮可憐

唔知小朋友要佢習慣一樣野，要幾耐時間既呢？？