今個新年超忙，完全無時間UPDATE個BLOG，因為老公幫我搵到份part-time，係在屋企入data的，雖然唔係成日有，但有得做都好好，等我搵番少少私己錢呀ma，嘻嘻，多謝老公 ^^
阿囡係今個新年又一新搞作，學識擺post之餘，仲學左樣好肉酸既動作，就係食腳指啦..................唉，真肉酸呀，仲要食到好開心tim，頂佢唔順呀
各位，我係咪好嬌肖呢，嘻嘻
開始做下熱身先
嘻嘻，媽咪，我係咪好勁呢
睇下，話咁易就食到啦
um..............好美味啊
死，比媽咪影左咁多張tim，醜死人啦 =p
雖然遲左，但都同大家講番聲，祝各位新年快樂，身體健康，常常喜樂，yeah
鮮芒果綠茶脆脆蛋糕，特價班$178
Aroma'So Baking http://aromaso.com/
首先預備6寸餅模以烘焙紙包好，焗爐以150度預熱
綠茶海綿蛋糕做法：
雞蛋1隻約65g + 水15g + 砂糖22g + 綠茶香油2滴，用打蛋機以慢速拌勻，再加入綠茶粉2g + 低筋粉25g + s.p蛋糕油5g + 泡打粉1/16茶匙 + 鹽1/24茶匙拌勻，用膠刮將盆邊之麵粉清理，用快速打至杰身(淺綠色)，最尾加淡奶5g + 牛油(熱溶)10g，用膠刮拌勻
蛋糕以180度入爐，放中層，全程約焗20mins至蛋糕面上色轉用150度
薄脆夾心做法：
薄脆片50g + 牛奶朱古力35%(溶)40g拌勻，備用
意大利馬令做法(令慕思更好味)：
蛋白15g打起至濃稠，砂糖10g + 水3g煮滾成糖漿，將蛋白加入滾糖漿，成意大利馬令，備用
綠茶慕思做法：
淡忌廉200g打起，魚膠粉6g + 砂糖20g + 綠茶粉8g + 綠茶香油2滴 + 鮮奶65g拌勻，隔熱水座溶再拌入淡忌廉中，最尾加埋意大利馬令，成綠茶慕思
出爐後待涼，將蛋糕底面切去及切成兩片，將第1片放底，加入薄脆夾心，再將1/2慕思倒進餅模，加上第2片蛋糕後再把餘下的慕思倒上，抺平，放雪櫃至凝固
取出後舖上鮮芒果粒及其他裝飾，完成
我的制成品，近期因為昕晴認人，所以要趕時間回家照顧，沒有留下拍大合照了
休息時的小食，好好味的清蛋糕，比莎莉蛋糕更好味啊
每次整蛋糕都好enjoy，因為這是我唯一的私人時間，雖然每次沖沖來沖沖走，但都感到很開心 ^^
今天已經試了，味道不太甜，好有綠茶味，very good，啱我的父母食啊
昕晴現在開始識得認人啦，所以比較痴身，令我好無奈既問題開始出現
1.埋身餵問題
健康院：建議係埋身餵，話奶量會keep到長餵長有
親友們：叫我唔好再埋身餵母乳，話佢再係咁，之後唔會飲奶樽，因現在昕晴係唔願意飲奶樽的
2.除母乳外，要比其他野昕晴試飲
健康院：世衛建議bb要到6個月先好開怡食奶以外既野，同埋我餵母乳係可以不需要飲水的
親友們：親戚你一言我一語勁話我做乜唔比其他野個囡試，話現在已經可以比糊仔佢食同埋比bb橙汁&水佢飲下，又話如果我再聽姑娘話，第時個囡就乜都唔肯食，叫我唔好聽姑娘講野喎
我超無奈，照顧bb，太多人太多意見，聽姑娘話又比親戚勁話我，唔聽姑娘話，又比姑娘話我無睇書.......................有時都唔知我應該點做
但我會繼續努力做個好的母親，而阿囡既發音，發到"媽呀"這個音，好似叫我咁，我聽到份外心甜架 ^^
睇下，終於可以抬頭啦，但條頸都係爭少少，要再努力D先得
對爹地開始熱情啦
要佢望鏡頭又唔郁，都好難架，嘻嘻
依然食手指食到好enjoy
多謝咁多位b/s幫我地慶祝生日
昕晴已經榮升為姐姐級啦，好高興見到阿鄭家寶個囡，囡囡勁似爸爸呀
阿妹要開始攬口水巾，因佢勁多口水呀，屋企人話好似係出牙仔既先兆啊
因之前病左(囡囡與我)，所以有好多約會都推掉，現在要一一約番，而近新年，都比較難就到時間，真係感到唔好意思^^
店舖：真壽司
地址：荃灣眾安街20號地下
電話：2419-8833
這餐係生日飯，因為阿囡未食哂D藥，咁我地都唔打算去得遠同耐，唯有快快手食完再行一陣便回家了
好搞笑的溫馨提示，話佢地店舖既特色係壽司巨大，唔會提供代客切割服務
睇下，係咪好有陣勢呢
明太子沙律壽司$16/2件
北寄貝壽司$16/2件
帆立貝壽司$32/2件
三文魚壽司$17/2件
章紅魚壽司$16/2件
吉列海蝦$48，熱辣辣，但太厚粉，味道就一般
鹽燒秋刀魚$35，燒得未夠乾身，肚裡還未清理完，感覺麻麻地
ONLY影三文魚壽司，係咪好巨型呢，其實食一件=平時既2件份量^^
我自己好喜歡食日本野，咁當日就選擇了成日路過但都未試過既真壽司，各款壽司都大大件，幾好味但無特別，係特別在夠大件，只叫了5碟已經可以有飽既感覺，而其他熟食，我地就覺得麻麻地，今餐加埋一，合共$198
但個人意見，味道真係一般，坐位比較窄，如果比我地再選擇，未必會再黎 ^^
今年好開心，因為多左個人同我一齊過生日
每個人的生活方式都唔同，有些人喜歡自由自在、有些人喜歡將工作或愛情放第一位，而我選擇了家庭 - 生BB，放棄左好多野，但...............心裡從來沒有埋怨為何咁快生，感謝神給我這個小生命，令到我的人生有重大的改變
雖然湊小朋友係好大責任&壓力，但聖經說：凡勞苦擔重擔的人，可以到我這裡來，我就使你們得安息(馬太11:28)，在這些期間，我更加懂得怎樣依靠主過每一天的生活，更體會到做人父母的難處，從而更懂得去孝順父母，雖然自己的脾氣很大，還有很多很多的缺點，但我也會努力靠主去勝過一切，求主改變自己，在人不能，在神凡事都能
對身邊的人、無論係老公、囡囡、父母、B/S...............我相信我會更加珍惜，因長時間對住昕晴，有好多野也要別人的幫助，在這段期間，很感恩的我有媽咪在身邊，真的幫了我不少，所以每個人，我相信也要支持身邊有需要的人，而為著昕晴，好多聚會也不能出席，所以很掛念b/s一齊的生活 ^^
近期看了無線的我的2008，心裡有很多感受，有缺憾的人，都咁努力去過每一日既生活，點解我地咁正常，身體無缺憾既人，常常要怨天怨地，這個節目都令我反醒不少啊，盼望能夠常常喜樂、不住禱告，凡事謝恩，知足常樂
媽咪，祝你生日快樂，我就聽哂你話，yeah
p.s.今天係阿依老公keni生日，我在這裡也祝福他們，身體健康，每天都快快樂樂
