昕晴現在開始識得認人啦，所以比較痴身，令我好無奈既問題開始出現
1.埋身餵問題
健康院：建議係埋身餵，話奶量會keep到長餵長有
親友們：叫我唔好再埋身餵母乳，話佢再係咁，之後唔會飲奶樽，因現在昕晴係唔願意飲奶樽的
2.除母乳外，要比其他野昕晴試飲
健康院：世衛建議bb要到6個月先好開怡食奶以外既野，同埋我餵母乳係可以不需要飲水的
親友們：親戚你一言我一語勁話我做乜唔比其他野個囡試，話現在已經可以比糊仔佢食同埋比bb橙汁&水佢飲下，又話如果我再聽姑娘話，第時個囡就乜都唔肯食，叫我唔好聽姑娘講野喎
我超無奈，照顧bb，太多人太多意見，聽姑娘話又比親戚勁話我，唔聽姑娘話，又比姑娘話我無睇書.......................有時都唔知我應該點做
但我會繼續努力做個好的母親，而阿囡既發音，發到"媽呀"這個音，好似叫我咁，我聽到份外心甜架 ^^
睇下，終於可以抬頭啦，但條頸都係爭少少，要再努力D先得
對爹地開始熱情啦
要佢望鏡頭又唔郁，都好難架，嘻嘻
依然食手指食到好enjoy
多謝咁多位b/s幫我地慶祝生日
昕晴已經榮升為姐姐級啦，好高興見到阿鄭家寶個囡，囡囡勁似爸爸呀
阿妹要開始攬口水巾，因佢勁多口水呀，屋企人話好似係出牙仔既先兆啊
因之前病左(囡囡與我)，所以有好多約會都推掉，現在要一一約番，而近新年，都比較難就到時間，真係感到唔好意思^^
明白你有幾無奈, 好多時上一代同新一代既揍仔方法好唔同, 我地依d新手媽咪真係唔知跟邊一套好.
回覆刪除當時, 我會睇返仔仔既情況, 再自己衡量. 決定左, 就會同家人講我既諗法, 希望她們配合. 我99都好開通, 盡量會跟我果套. 不過呢, 有時她也有自己的一套, 我就隻眼開隻眼閉, 我不在時, 也管不了. 係我自己屋企, 我就用自己果套囉.
飲水方面, 如果全程餵母乳, 真係唔需要再餵水. 但如果有補奶粉, 就間唔中飲下水囉~
fanny~我完全明白你既感受 , 因為果時我比你既遭遇更慘..........
回覆刪除有時d野可以唔駛跟得咁足既(姑娘講既野:如飲水) , 未比昕晴飲小小law , 當塞住班親友把口
我有個朋友個囡囡差不多兩歲啦 ... 佢仲係餵緊人奶 ... 其實各人各有不同既方法 ... 但最終都係你自己決定 ... 有邊個媽咪唔想俾最好既俾自己仔女呀 ... 不過我都明白上一代既方法同而家唔同 ... 係好難去做 ... 不過唔好影響自己囉 ...
回覆刪除係啦, 最怕聽到d親戚0既說話, 個囡係我0架嘛, 我會唔想佢好咩? 好在我d親戚都冇咩說話比我聽, 反而係我自己想早d比其他0野個囡試0下, 佢呀, 有時扭計唔肯用樽食奶, 就會好擔心呢~ 我要返工, 佢一定要用樽食嘛, 早晚先可以埋身食~
回覆刪除我囡又係成日流口水呀, 唔知幾時會出牙仔呢?
啊,... 我想問... 你有冇keep定d 奶放奶樽俾囡囡飲下... 其實有時, 開始用下奶樽餵, 等囡囡習慣d.... 咁之後會方便d呢? 即係去街都好d....
回覆刪除as 靚媽said, 有時真係要自己衡量啊.... 囡囡係你的... 好似你咁講, 你都想囡囡好姐.....
fanny..你真係好叻..可以keep到人奶..
回覆刪除其實餵人奶真係唔洗俾bb女飲水都得..
只要便便正常就ok..你要加油啊
湊b意見真係人人唔同,不過湊既人係你,你有最終決定權...同你意見不一既咪敷衍下佢地算lor~
回覆刪除