昕晴表情多多，佢可以玩玩下，唔ALL LIKE就會喊，有時都唔知佢做乜架
這些表情好難捕捉，都係多謝大舅父，捕左好耐先影到咋
昨天去了護協買儲奶樽，因為想慳錢所以買樽唔買袋，因袋都係即棄既，平昀每個都要2-3蚊，咁我就買左PIGEON既樽，$17個
現在最難搞既一樣野，平時我係埋身餵的，但黎緊要返工，返工時候就唔可以咁做，所以現在開始試驗緊，要將人奶泵出黎，看看昕晴每次食幾多，再隔3小時再比佢食，BUT點知佢唔食奶樽，每次都頂番出黎，唔知係咪食唔慣
但如果我平時補奶粉個餐，我都係用奶樽架喎，佢又OK，又無頂番出黎架喎，所以我都唔知發生咩事
不過我會再試驗下先，因我想昕晴食人奶起碼食到半歲或一歲，咁對佢健康都係好好多，同埋唔埋身餵而一段時間泵的話，泵出黎既就好似無咁多，記得第一次最多有5安，之後的，都只有3.5-4安左右，有時2安咋，諗起泵得咁少，都唔知自己係咪真係堅持到呀
我上網見到其他媽咪，一天裡面會有埋身餵同餵奶樽，咁我都唔知，如果要昕晴習慣食奶樽的話，係咪每餐都係餵奶樽，佢先會習慣？但另一個問題，就係唔埋身餵的話，我既奶量係咪會無咁多呢？？
我覺得囡囡個咀仔好似你啊....
回覆刪除我好中意囡囡家下做background果張相, 笑笑口好靚呀!
回覆刪除昕晴表情多多真是好得意, 對眼同個咀仔都好靚呀, 原來泵奶咁辛苦, 加油呀, 希望你快d解決晒d問題!
回覆刪除我諗住返工後早晚埋身餵, 放假都埋身餵, 其餘時間用樽食, 所以揀樽都要諗埋, 唔好比d咁易食0既樽佢, 佢慣樽就唔肯埋身食
回覆刪除我用chuchu ppsu樽
可能放得太好，連我都仲未找到個泵，會努力找 ，你都要加油呀!
回覆刪除笑me me 好得意
好多媽咪都係返工前...同埋返到屋企都會埋身餵... 我都覺得咁可以keep住良好親子關係！
回覆刪除真的有點想生多個女呢 …! 不過實在太困身，我喜歡自由，現在想約吓朋友食飯都要左諗右諗。老公又忙，我又唔係好識 ” 教 ” ，所以同老公講都係諗吓好啦 !
回覆刪除我試0左幾日喇, 日頭比阿b用奶樽食我d奶, 我用Tommee Tippee 0個隻母乳樽, 佢頭一兩次就麻麻地, 跟住就接受0左, 我夜晚會埋身餵佢一兩次, 半夜就餵奶粉佢食
回覆刪除試0左3日喇, 都ok, 我都係大約3個鐘比佢食一次, 而家佢每餐食90ml, 好似唔係好多咁~ 如果weekend我就會埋身餵, 第時返工都係想咁, 而家叫做早d適應, 又等工人姐姐知道我0既schedule囉~