好耐無UPDATE啦，因我既技術問題，我影親昕晴既相都係郁既，好難捕捉得到佢定定地既樣，唯有等老公黎既時候，先幫佢影到D正常既相，嘻嘻
連環拍既相真係好可愛架
昕晴成日都打喊露架
這個LOOK最 "四正"
向人單眼，嘻嘻
謝謝3V給昕晴的禮物，也謝謝院長特別由深圳拎過黎
這個星期好多人黎探昕晴，謝謝各位抽空到來，也感謝大家的禮物，真的多謝大家咁有心呀
昕晴現在會玩野，一天裡面，有幾個鐘係不斷飲奶瞓覺再飲奶，即大約每個小時飲一次，每次約十分鐘左右，真係佢唔累我都累呀，不過我都知佢好努力咁啜，因如果佢要飽肚，都要起碼飲成半個小時架，咁就可以乖乖地咁瞓2-3個鐘先再飲，剛剛MSN同姊妹傾開，佢叫我可以比D水佢飲下，等我今晚試下先
同埋唔係咪BB仔都會成日發惡夢，昕晴會成日紮一紮就喊，咁人地話叫我要整個米袋，放係佢心口仔，或整長D，左右兩邊入米，咁我就叫阿媽整左個米袋，等佢瞓覺時放係佢心口，等佢安心D，這個方法真係WORK架，起碼用左之後，昕晴少左紮醒，大家可以試試
同埋昕晴有鼻屎呀，但係好入，我唔知點搞呀？有人教我用紙巾捲到細細再整，但我只整到最出面個D，入面個D就整唔到了，怕唔怕佢呼吸唔到呢？
連環相好正呀﹗宜家睇覺得成個輪廓好似你呀﹗ 鼻屎, 你去賣bb野既地方, 有個野專係幫bb吸鼻屎架, 個個野好正架﹗之前咪同你講過我媽咪咪幫人揍bb既, 早幾年佢帶阿b(宜家大個左)黎我屋企, 個時阿b個鼻好多鼻屎, 我同媽咪係吉吉島買左呢個野, 我睇住佢用, 一吸就會吸好多出黎架, 所以你快d買番屋企幫昕晴吸啦, 唔係會影響佢呼吸架﹗
回覆刪除哈哈...我有兩星期好得閒呀 幾時可以睇下阿B呢
回覆刪除嘩, 真是好得意, 好可愛! 原來連環拍是咁攪笑的, 影多D啦!
回覆刪除昕晴既喊樣好攪鬼, 呵呵~ 最鐘意佢單眼張相, 好可愛~
回覆刪除飲水方面, 如果昕晴係食人奶既話, 就唔駛俾水佢飲架, 因為人奶已經有足夠既水份~ 本身佢個胃仔已經咁細, 每次食奶量唔多, 再飲埋水, 佢食奶既量會更少, 變相食得更密~
相反, 如果食奶粉, 就要飲下水, 因為奶粉"熱氣"喎~
我記得初生b係唔需要俾水佢飲嫁..何況你餵人奶..
回覆刪除人奶又比較稀已經有足夠水份...建議你問左姑娘先..
人奶bb係唔需要飲水架 , 飲左水反而令bb飲小左奶 , 係唔好架~
回覆刪除人奶好易被bb吸收 , 所以先會快肚餓 , 同埋餵奶時佢訓左 , 你要整醒佢 , 可能每次要餵成個鐘。
加油呀~~
連拍好正喎,.影多點~
回覆刪除係呀, 你去吉吉島問下,我上次幫媽咪買個隻係pigeon, 好似得呢隻牌子有
回覆刪除另外講樣野你聽,上次我bf個鼻咪做手術既, 咁佢有好多血塊係入面, 又唔可以伸手指入去撩, 咁媽咪帶阿b入黎用完冇拎走, 我咪走去拎呢個野比我bf用, 真係得架。
fanny
回覆刪除果時我係埋身餵架 , 有時佢食食下訓左 , 我會整下佢塊面 , 整下佢個咀 , 咁佢又會吮幾啖 , 之後又整下 , 又吮幾啖.........所以我每次都會餵好耐架
想知bb夠唔夠食 ,可以睇下佢條片濕唔濕 , 如果佢d尿尿係多既 , 就代表佢夠食 , 你有無去d親子網睇呀, 果時我都係去果到睇下 , 問下其他媽媽餵母乳既野架。
好鍾意連環拍既第2張牙xd` 佢隻手仔放係個枕頭仔下面好得意牙x) 遲d黎探你同晴晴>v<
回覆刪除阿b既相好可愛, 就連發脾四都好可愛呀 ... 要影阿b真係有一定難度 ... 有d人話唔好令到阿b瞓覺既地方太靜 ... 如果唔係習慣左 ... 就嘈d都瞓唔到 ... 佢地話可以播下歌或者開收音機 ... 細細聲 ... 咁佢就覺得有人聲 ... 會有安全感d喎 ...
回覆刪除你係餵人奶嗎??? 我都有你既問題呀！ 得閒都ADD埋我啦！交流下心得吧！ MSN: tulip_yip@homtail.com thanks liplip
回覆刪除昕晴好可愛呀, 咁細個已經睇得出係女仔樣喇 ~ 單眼 look, 四正 look 同扭計 look 都一樣咁可愛 ar! fanny, 你餵人奶辛唔辛苦 ar? 努力 ar
回覆刪除晴晴真係好多表情呀. 真係小可愛. 到佢大個睇返一時好開心呀.
回覆刪除Hi. Fanny,
回覆刪除昕晴越大越可愛, 表情真係好多, 睇黎daddy 一定要影多d 靚相.
另, 我9月22日都生左喇, 昨日出院, 小b未出院. 本來諗住今日可以返屋企, 但醫生話佢仲有少少黃, 又要照燈. 依家最快星期日才可出院.
遲d再上黎...哈哈
回覆刪除你現在於媽咪定返奶奶度住?
回覆刪除