謝謝各位的留言，未能一一回覆，但看到大家的鼓勵，確實係好大的支持！
BB個樣真係每天都不同，現在每天零晨時份都要與昕晴角力，晚上的她就好精神，同埋好似餵極都唔飽，食好耐都未完，常常搞好耐先會瞓，希望這些日子會快D完結，好在現在不用上班，否則，真係無精神
我的朋友們說她瘦了好多喎，其實係收水中，希望BB食人奶都會肥番D啦
一併埋，就知道BB有幾咁細，真係好可愛架
昕晴既手仔腳仔，好長，公公話將來要做MODEL喎，呵呵呵，但佢D手甲長得好快，但媽咪又唔比我剪喎，都怕佢會整花自己個樣呀，係咪要等大D先可以剪呢？
謝謝大家的探訪，有你們的支持，我相信好快會捱過這一個月，到BB長大些，就可以容易揍了
昕晴真係越黎越靚女, 好標緻. BB未識分日夜, 你慢慢同佢調返正喇. 日頭同佢玩多少少, 夜晚唔好開太多燈, 等佢易D瞓.
回覆刪除你加油喇. 遲D到我向你學習
bb真是好得意, 不過佢現在仲咁細, 知道你一定湊得好辛苦, 加油呀! fanny, 你一定得的
回覆刪除BB真係好可愛呀！你要加油呀！
回覆刪除點解收水中既昕晴都咁靚女既? 我記得仔仔收水果時好醜樣架 (當然, 係我眼中一樣咁靚仔, 哈哈)~
回覆刪除係囉, 昕晴同仔仔細個時一樣, 日頭就好乖咁訓, 到左夜晚就喊喊喊~ 後尾, 我仲發現佢當我係人肉奶咀, 終於我都決定投降, 俾奶咀佢食~ 不過, 只會係訓覺時先俾佢, 平時既時間就唔會俾奶咀佢, 因為覺得平時食奶咀唔多好~ 同埋呢, 話哂奶咀可以洗可以烚, 衛生d, 反而食手指就更加控制唔到~
初生bb靠個口探索世界, 奶咀有安撫作用, 你可以考慮下~
宜家見到昕晴, 真係比我係醫院見佢個時, 細粒左, 不過都係好靚女, 仲有就係好鐘意佢隻手仔同腳仔, 好幼細,好長
回覆刪除BB ho pretty wor!! not only her arms & legs are long, even her toes are quite long too!! definitely can be a model in the future~
回覆刪除Fanny, 我初初俾仔仔食奶咀時, 佢都會頂返出黎架~ 要試多幾次, 佢先會啜奶咀~
回覆刪除我唔係話鼓勵你一定要俾奶咀昕晴, 不過, 當你想無可想, 又想有覺可訓時, 你可以考慮下囉~ 記得, 當仔仔熟睡時, 佢自己就會吐個奶咀出黎, 所以, 佢啜既時間其實唔會太長~
你好叻呀, 你可以全部餵人奶, 唔駛補奶粉~ 餵人奶, 真係幾辛苦架, 依頭餵完無耐, 果頭又要餵過~ 你要加油啊~
昕晴個名好好聽喎，我個時未生前都好鍾意"晴"呢個名，不過我老公姓 "譚"，無理由一出世就(談情)譚晴
回覆刪除初生奶粉加價好犀利，惠康個阿姐話遲d仲會加，你要入定貨la，記住要找相熟的葯房買(比起超市通常會平5-10元/罐)
要10-12餐真係要好堅持先得呀. 你要努力呀. 為左晴晴既健康, 真係要發揮小宇宙. 相信你一定會得呀.
回覆刪除佢手指仔真係好長呀!
回覆刪除腳趾仔都好長噃
回覆刪除BB好得意啊! 恭喜晒啊!
回覆刪除