倒數15天

心情 - 不知如何是好

公司：煩，超煩，極度煩，煩躁到我已經唔想作任何反應

台灣人跟香港人，做事方式真係好唔同，台灣人甚麼也可以追一餐

e.g. 事原由9月audit，因追簽confirm letter搞左好耐，終於以為搞掂，auditor個邊係大公司，做甚麼也有規矩，但，公司只知寄了支票，無理由佢地唔放d正本文件過來，而我們要趕著比銀行，昨天的情況很可怕

公司立場：我們13號早上將文件send速遞比auditor，下午應收到，14號會入票，15號點都搞掂

audit立場：要收到支票過了數才可以放文件，13號佢地公司收到，要等分信，瓜分每個唔同部門，auditor14號先正式收到文件，會計部係要等一大批既支票一齊入bank，auditor與會計部溝通，也是用mail，人地一日未sent話ok，auditor一日唔敢放文件比我地

昨天，一路由上午開始追，那下午去了銀行入野，一回來已經勁比人追，但............別人有別人立場，我每5 mins打比人也是追唔到，那上司就話，要嘈到人地上司頭上，大佬呀，唔係唔想追，人地會計部一天話未得，人地都做唔到野，auditor已經係好幫到我們，佢都已經比佢個邊d人勁話，我同佢都夾在中間，感到好無奈，而上司仲話，我係咪可以confirm當天一定會有，因要比正本文件銀行條友，我都想firm呀，但..............之後又話，我firm唔到，佢要叫第二個同人地上司嘈，我個刻真係好無奈，你想我點呢，嘈嘈嘈，咪不斷同auditor聯絡囉

但最可笑的，當我4:20左右auditor叫我現在可以過去取時，同事幫我打比銀行條友，叫佢要等我，我會飛的過去，咁條友問，你d資料係咪上次比個d呀，係(之前比的是audit未簽名及copy本)，咁條友話，d數字一樣既話，唔使咁急啦，明天先比都未遲............................

嘩，個一刻，我真係想講粗口，之前話因我地要有誠信，所以死都要追，點知，原來人地都唔急，我好想...........................但追到auditor個邊咁急，我點都要去，真係白行一次

現在上司要我，今天速遞，要知幾點比人地(速遞)，人地(銀行友)幾點會收到，再要report番比佢聽，銀行友收到未，這個是我要養成的習慣喎，真係..................台灣人做事作風，乜都追追追，過份緊張！我唔係話緊張唔好，但，大家唔同方式囉！

因公司既煩野，搞到我已經無心機搞結婚野，很想開開心心搞結婚，但，公司那邊，做緊這樣，那樣趕又要趕那樣，每樣做到半天吊，我也很想快d完成我手上工作啦，都要人地配合到架，我有追，但，我已經無哂心機了！

rundown：已經出過一次，現在好多野都在改良中，比多少少時間我地，好嗎？

我知姊妹們及兄弟們都想我地快d比個正式rundown，大家都為我們的婚禮好出力，但男友太忙，每天都ot，真係累到無時間，又要執屋，唔係唔想搞，真係太累，身心都感到疲乏，幫到既，係為我地祈禱啦！

我相信，再過一些時間，過埋bd，就會好好多，想用平常心去面對每件事，唔想咁煩，但，一環扣一環，公司煩時，真係好多野影響！

我們已經盡力，為我們祈禱吧