必X站

為了要以最fit既狀態黎迎接我既bd，我就因為A朋友去試過，佢減到8磅，咁我就同左B及C朋友一齊去JOIN，以下係我地既感受，我有份野簽左，係話唔可以中傷佢地，所以我用X來表達，其實我唔係諗住中傷，我只講番我地既感受，等大家思考下，係咪join得過！

JOIN時招數：(這part係我陪A朋友時聽到的，當時我唔係join，所以無搞任何野)

要預約的，去到磅重，佢會有張紙，話你的脂肪比例及磅數，之後就SELL你佢地話超抵既plan，因我個fd唔肥，佢就話佢既脂肪比例、水腫、毒素個d，又會問目標想減幾多，$688個個未必減到咁多架喎，但上去已經講明話join $688個個，佢地話$688個個只係減水份，話我個A朋友要join溶脂個d喎，話如果當天不join，就唔可以再以優惠價join喎，仲串我朋友，話，幾百蚊都要諗，之後我同我朋友相討完，因佢唔使食藥，只係做機器，就信佢啦！A朋友join了，過程中減到8磅！

我的感受：

因初頭我同另外2個朋友仔3個一齊join，已經講明唔使sell，話我地只join$688個個，個sales話，哦，唔緊要啦，中途都可以轉既，我心諗，唔好sell咁多次就好了！

個plan係包14天6次療程，隔日去做，除了頭一次會做耐d，其他既都係20mins左右，做既野來來去去都係個d，焗毯、用d儀器震某些位置，因個陣A朋友去做時有得送一次唔知咩野療程，係free既，咁個陣屈左佢送！

其實6次過程中，每次一入到去，已經問我會否轉plan，有3-4次仲有高級人仕跟進，第一次入房，已經勁話我d脂肪呀、毒素呀好勁，又話你黎，係咪真係想減，佢想捉我心態，又話有心黎既，都係想減姐，但我話我想試下這個先，同埋佢個d人，一sell唔到，就黑面，好黑人憎

結綸：

我D磅數係上上落落，我已經在做前或後既個半至兩個鐘無食野(這個做第一次先提，無人提過任何野，個女仔仲話，下，你唔係食左野先黎呀)，我做療程中間係減了食野份量，中間有次係磅到輕左2.6磅，其他的，到我昨天最尾一次，已經肥番，總數減左0.4磅，但吋數個度，佢地係度得好快，每個位置都度3個地方，所以一個身體，已經有成十幾處地方要度，同埋快到係看唔到的，我地係懷疑佢都唔知有無度錯，最尾我成身減了13.25吋，佢地係用1/4,3/4,1/2個D黎度！

同埋到最尾個次，係要由我自己同佢話要計數，佢地先醒水，仲搞左我好耐，同埋佢地如果減唔到，係會每磅每吋退番，但當中既要扣番40%行政費喎，同埋磅數個度，係計最肥減最瘦，我最尾個次肥番，佢都話係我自己問題，佢地係計最瘦個個喎

而B及C朋友，佢地都唔係好肥既人，但女人都係天生愛靚，咁就陪左我JOIN，佢地分別都比人話水腫，毒素好高，個d係肌肉，唔係水喎，咁，B朋友比佢地氹到，join了個二千幾蚊包減20吋既plan

而C朋友仲慘，無比人屈，但度吋數時，度得勁鬆手，咁C朋友知自己無理由咁粗，回家度，只係手臂位都差成2寸，其他位已經唔記得，咁由第2次開始，佢地度完C朋友時，朋友就質疑佢地，話佢地度得唔啱，叫佢在她面前再度過，佢地就話，個頭要向前望，拎轉頭吋數就唔啱，咁朋友話，個度有塊鏡，叫佢在鏡前度，佢地已經唔肯，不停話你自己在家度一定唔啱，最離譜係有一次C朋友問個女仔，係咪度到呢個吋數先咁寫，個女仔竟然話無辦法啦，之前咁寫我都要跟返，嘩，大佬呀，咁仲度乜嘢呀！

之後C朋友嘈佢地，佢地話會跟進喎，叫朋友簽左名先，點知，跟到最尾個次，先有個人黎幫朋友度準d，個吋數即時差好遠，但結算時，仲用返第一次減最後個次，咁一定夠12吋啦，C朋友就嘈佢地點會咁計，根本一開始吋數都有問題，點知佢地反話番C朋友，話你都有簽名架喎，即你自己都承認左個吋數啦，仲話要比張合約律師看，又話C朋友做乜唔一早同佢地講，C朋友叫佢問返d同事，佢地話會跟進，點知佢地個答覆係話唔記得左喎，又話C朋友為何唔出去同d高級既講，大佬呀，你話跟進，就信架啦，佢地成日話，你對我地都無信心，咁都無辦法！

又話咁大間公司唔會呃你，個療程效果唔理想係因為唔啱你，叫你join貴plan就實得，總之整個過程，都唔肯認自己有問題，仲不停將個責任推落個客度，講到佢地度錯係天經地義，個個人手鬆手緊個位差少少都會唔同，總之就唔係佢地既問題，減唔到係你既問題，因為你唔肯join貴plan！！

現在，唔係信心既問題，我個A朋友係減到，而係佢地手法有問題，諗住你地會跟進，點知比人反話番，真係唔係我自己，我都激氣，何況係我介紹佢地，所以我更激氣，現在個度只話會唔計手臂位喎，我地最尾都係退錢，但我們也覺得，為何一間咁大既公司會用咁既手法，仲要簽哂話唔可以中傷佢地，但，我地現在只係講我地感受，唔想身邊既朋友再中蕉！

以上內容也發自內心，完全沒有毀謗成份，只是說番我們遇到的問題

更正版 at 22.11.2007