發惡夢

不知是否將近結婚，有晚發惡夢也是關於結婚的事情，夢境是bd當日，我很多事情都做不到，d野趕來趕去，唔係漏這就漏那，之後好驚地醒左，那時感到很累，加埋身體的咳+少少感冒，很不想起床，但無奈又要上班去

上班時感到很疲乏，一來公司野未做好，台灣那邊的數字還要修改，搞到auditor個邊又要有些數字要等，但感恩是今天audit個邊應該是最尾final出letter，很想快些處理好auditor，公司很多野忙碌中！很多事情也想做得好好，上司問甚麼，我便可以好清楚地回答，這是我最想做的事情！

很感謝神，祂賜給我的是個很好的另一半，他的說話，很安慰到我，我們的生命，你不會知道下一刻會怎樣，只要好好的活著，今天是神給我們的禮物，過去的由他過去，將來的還未到，我們要好好享受我們的現在，我們要每天也過著拆禮物的人生，有時為自己想很多的事情，很多事情要點點點，很多計劃，每每會令我這個人生，為著金錢、生活而忙忙忙，但有一句聖經很放在心裡

馬太福音16:26

人若賺得全世界、賠上自己的生命、有甚麼益處呢．人還能拿甚麼換生命呢！

我要為我所擁有的感恩，苦難係要我地更依靠主，加油呀！pray pray pray

結婚帖 - 皇上皇集團

一野出咁多個POST既原因，係我既放假日子唔會點上網，昨天男友帶左部相機，終於可以同我地既結婚東西影張靚靚相先再POST！

好開心皇上皇係包埋帖的，之前搞左好耐，就係佢地改左舊個D帖款，係放唔到美心，唯有等等等，等張金色既帖，佢地好快手，around 2星期內已經印起，仲要送埋貼紙，現在我地既工作係print信封頭，真係這一part要努力

 

我們的帖 (唔使錢我地又接受到，內裡有埋我地既相，算是唔錯，因d人睇完都唔要架啦，嘻嘻)

 

利是封(在深圳買，$0.8一part)及貼紙(酒樓送)

結婚戒指 - Ferti

原先去的地方，因錢錢的問題，最後放棄左，但很感恩的，是讓我們發現另一個更平既地方，之前找那間，係想要一個獨一無二的戒指，但，諗下諗下，因我係不喜歡帶飾物既人，將來都唔會成日帶，所以最尾都係以錢為先，只要個款唔老土，但價錢又平既，就ok

我買的時候，做緊買男戒送女戒，原價$4,400(男$2,750、女$1,650)，實價$2,750，抵，有石，個款又唔out(個人意見)，所以都好開心，因為比心目中的價平左，仲有得刻名，佢FREE每隻 8個英文字，我地加埋無OUT到，GOOD GOOD！

公司名稱：Ferti jewelry

網址：www.fertijewelry.com

地址：旺角荷李活商業中心地下6號

實惠 - 梳化

睇左好耐，以為吉豬島有乜20週年會有乜勁大優惠，點知，都係無乜減過價，真係欺騙左我地白白去行一次，但，誤打誤撞下，去了樂富中心的實惠，那邊做緊88折再9折，我地終於買了SOFA

原價$2,999，88折後再9折，實價$2,375，YEAH！同男友都好LIKE，我地改左深啡色的

之後再買埋一個地櫃，超平的，$629，用恒生再有9折，實價$597，仲差幾蚊先可以免費送貨，唯有幫襯佢地既飲品，但，好甜，唔好味，但最搞笑，係個sales勁叫我方太，真係唔識回應，真係滴汗呀

喜居樂床褥

現在不斷在行傢俬舖，一見到啱既話，就會度度尺寸，平靚正的話就買，我地的雙人床，在實惠買的，成日見親d野，床褥還床褥，床架還床架，分開黎看就平，但一夾埋就好死貴，哈哈哈，見到實惠個sales都sell得好好，我地又試過，個床架又有折上加折，抵

喜居樂(陳法拉買廣告個隻) 舒壓型 Vivid 感壓記憶獨立袋裝彈簧床褥

床褥原價$5200，75折後再88折，折實$3,432

床架原價$18xx，折左後再用恒生咭比錢又有折，折實$1,5xx (唔記得左幾多，嘻嘻)

今晚找到再update

 

 

 

 

懷疑腸癌

早兩天，男友突然說，去大大的時候有血，其實早於唔知幾耐之前，聽佢話試過一次，但醫生檢查完，又說無事，而以我所知的第2-3次，係近期的，相隔為1星期左右，第3次明顯地比之前多，真的擔心

昨天即入急証，因我媽識人的關係，入了仁濟，開頭真的很擔心是那些東西，因他的証狀與腸癌的相似，痾的大大是滑滑的像鼻涕，血像蕃茄般顏色

雖然現在還未知結果，但這兩天經歷了很多，知道一切都在祂手中，知道祂必將最好的給我們，很感謝主，在這段過程入面，我們不斷祈禱，又叫B/S一起為他祈禱，因著主，我們心裡也平安了不少，我們深知道，神必然有祂的帶領，神的道路高過人的道路，雖然看似苦，但感恩的是，我們可以隨時隨地向主祈禱！

學到的功課係信心的功課，同埋真的不要懷疑神，若然真的有事，起碼我地也是早發現，及早預防係最好的，改變不了事實，唯有樂觀的去面對，因情緒係好影響身體的！

而又因照腸鏡要排隊，醫生初步檢查話有痔瘡，但，都要排期，作詳細的檢驗，所以，今天他出院了，在這事中，真的感到主從來沒有離開過我們，一路的帶領，一路的安慰，往後日子不知如何，但寶貴我們有主，祂必陪我們走過死陰幽谷，願榮耀歸給愛我們的主

結婚鞋 - 60蚊旺角蔡生

這個又係一心水推介，60蚊結婚鞋，都係由esd找番黎的，同埋d款唔會話好多，但我覺得，60蚊既平靚正，真係好難搵，我在金都，都起碼百幾二百蚊一對，個款都係差唔多，以下圖片，來至esd的

 

我的珍珠色結婚鞋，我諗住一鞋走天下，現在還差褂鞋，因蔡生個度既鞋，最少都2吋架

 

地圖 (舖頭位置係旺角Nokia附近，其實平時都有經過，但真係唔起眼，係一個樓梯底的舖頭仔)

 

人生

早幾天，收到個消息，是男友的其中一個兄弟臨時話幫唔到手，事原係那兄弟的外母，突然發現患了腦cancer，仲係要末期個隻，得番1-2個月命，聽到這消息，感到很突然及震驚，而最擔心的，是他老婆，他老婆還有1-2個月便要生bb，一生一死，很怕她接受不了

有時感到人生真的很無奈，但寶貴有主，使我人生活得精彩，真的要把握時間，現在所擁有的，只不過是暫時的，最緊要是身體的家人及親友，真的也要提自己，不要向最親的人，發最多的脾氣，多一點關心、多一點問候，不要去到最尾的時候才醒覺，願主使我們做個儆醒的人！

紅酒 - 新翹行有限公司

這個又是esd找回來的，勁多人推介，我地個次去到，夏生好專業，會介紹哂我地應該用咩既紅酒黎招呼客人，佢仲有教我地點計數，重點係平啊，我地買個隻款，在金都看過都要成$58，但夏生個度只係$48咋，我地買左2打，飲唔哂仲有20%退回，全數比番我地，這個真係出面都做唔到啊！

就係這款啦，個樣好high架，雖然我唔飲，但，招呼客人，個樣都好靚仔

夏生聯絡方法：

新翹行有限公司 (九龍區) 試酒室
彌敦道749號 歐亞銀行大廈 6樓B室 (雅捷商務中心 內)

Tel : 31766121
即「金都」 ->「太子冰室」(幾步就到)->「歐亞銀行大廈」喇

MUA - EMILY

得到各方好友幫助下，之前試左3個都不用試妝費，之後就要啦，感謝主，在誤打誤撞下，比我找到Emily，喜歡她的自然、細心及用心，願意聽我既意見，同埋個價錢都好重要，emily3千幾蚊包成日，good呀，因我join全日，仲有一次final試妝，真係要諗諗有乜造型係我最愛，bd個日就set個d！

 

好，比d絕密相你地睇睇先，唔係咁多人睇過，kekekeke

 

     

     

 

emily網址：http://www.fotop.net/emilypromakeup

樂富吉豬島

哈哈哈，酒樓打黎話可以攞帖架，原先諗住去攞架，點知出到九龍，先發現我地無帶成長片段，諗下諗下，唔想side車錢，最尾都係去左食晚飯再去樂富吉豬行傢俬部！

沒有想過咁多傢俬架，有少少花多眼亂，我地仲要買sofa、地櫃及一個衣櫃，行下行下，感到有少少餓，去左地下買壽司位，買左pack剛剛減價既壽司，yummy，原價$42.9，特價$28，簡直正到爆呀，如果將來我地家附近有吉豬島，或者我可以做無飯老婆，呵呵呵，個度超多餸買架，YEAH

好好味的特價壽司，正呀

 

勁開心既自己

鮮花球 - jm

這個真的感謝dee dee，基於懶既關係，jm係好耐之前已經看中，但成日就係唔想去搞，點知有次與dee dee MSN，傾既時候先知大家都係想訂這間，而佢又約左時間，咁我地就痴住咁去，呵呵呵

YEAH！我訂個個餐係PLAN D，但頭先看番，佢地已經改左野了，即現在看的PLAN B，咁基於伴娘話唔使花球，咁我訂個個餐又有，所以我地將個個花球轉左做出門花球

如無記錯，我係訂這個的，只係將D玫瑰花既色，變為紅色，這個是我的出門花球

 

這個就是我的主花球

同埋佢地好nice，八百幾蚊都好合理，只係我太多兄弟姊妹，要加野，而我地有熟人用過，咁介紹時送左一個襟花(唔知有無記錯)，都已經好好了

JM聯絡方法：jjmm228@yahoo.com.hk

JM其他相簿：http://picasaweb.google.com/jjmm228

絲花球 - IRENE

我的絲花球及男友襟花

事原去新天地影相，要花球的，那當然係絲花球，鮮花都係留番BD時用的，因唔想太花錢，在尋尋覓覓中，找到一些百幾蚊既花球資料，但，也唔啱心水，直至碰到irene，我地都係用mail溝通的，原先我諗住睇相先咁靚，點知，取的時候，比想象中靚，百幾蚊有咁既質數，我非常之開心，而irene又nice，我同佢講番我幾時去新天地，佢就趕比我，當然我唔係早一兩日先訂啦，我好有人性架，一定會事前搵好資料的，雖然攞左去新天地，點知，影既相當中，都無乜係影花球，有的話，都唔靚，所以，這個絲花既靚相，要等bd時有時間再影了！

 

irene聯絡方法：chanirene920@yahoo.com.hk

irene其他相簿：http://www.flickr.com/photos/15570259@N04/

婚紗相 - 新天地part 2

上part講到要帶的物品，這part就是睇靚靚相啦，唔好講咁多，去片

影新天地既原因，係酒樓送的coupon，有12張相免費的，所以咪諗住唔好side，咁就走左去影，呵呵呵，好c9

這個是最好的幾張，事原我很相信新天地，唔使book都可以影到好靚及好pro，點知，去到時，個攝影師真係好唔掂，唔勁扮勁個下死，所以，如果要影，記得book攝影師阿lam、化妝師t.soo，這兩個係最好的，不過各人有各人喜好，但我看過佢地的製成品，係我好喜歡的

5月21日去影，由上午約11:30至晚上約7:00，影左4個房=8個內景，因當天係下雨的，所以無影外境，無諗過影得唔多都要搞咁耐姐

6月xx日，去看相，我地好勁，因在3v已經有好多相，所以這12張只係當唔使錢唔好side，我地用左15mins kill相，因出黎既..............唔係手震、就係影到黃黃地，有好多都好一般，原先諗住每個景都選一張，點知都係撞左，不過個sales已經知我地唔會買，所以無乜點sell，thx god

9月26日，打黎叫我地取相，開頭個sales姐姐話，我地係包12張，3張大、9張細，點知出人意外既禮物，係原來有12張細相，另外有3張大相，當然大相係同細相同的，但，唔使錢，同埋比相我地check既男人，超超有禮貌，服務態度超好

整體上，除了攝影師的技術，我地都好滿意新天地的各方面，因我地企硬，都無乜黑面，GOOD，唔使錢，有12張相，GOOD GOOD，只係男仔一定要比80蚊化妝錢，同埋我地要請一日假去影，圍番，都好OK！