每個攝影師都有自己風格，我自己比較喜愛劉政，而老公就比較喜愛杰杰，各有長處，現在回想番個陣時，影個2日真係超開心架，所以話女人就係最喜歡影相，比人扮靚靚，不知幾enjoy
由於我地無分開一本仙湖，一本葵園，所以大家看上去就好似有少少亂，莫見怪
No.1，葵園，攝影師 - 劉政
No.2，仙湖，攝影師 - 杰杰
No.3，葵園，攝影師 - 劉政
No.4，葵園，攝影師 - 劉政
No.5，仙湖，攝影師 - 杰杰
No.6，仙湖，攝影師 - 杰杰
No.7，室內，攝影師 - 杰杰
No.8，葵園，攝影師 - 劉政
No.9，室內，攝影師 - 劉政
No.10，葵園，攝影師 - 劉政
No.11，仙湖，攝影師 - 杰杰
No.12，葵園，攝影師 - 劉政
No.13，室內，攝影師 - 杰杰
No.14，海灘，攝影師 - 劉政
No.15，海灘+葵園，攝影師 - 劉政
No.16，海灘+葵園，攝影師 - 劉政
No.17，仙湖，攝影師 - 杰杰
No.18，室內，攝影師 - 杰杰
No.19，海灘，攝影師 - 劉政
No.20，海灘，攝影師 - 劉政
之前應承了朋友仔會post我地既相簿出黎，今天終於有時間啦，其實只係去飲既朋友仔會睇過，今天公開比大家欣賞，請多多指教
回望番，眨下眼時間好快就過左啦，黎緊我地會plan影全家幅，不過都係等昕晴大個dd先再打算
No.1，葵園，攝影師 - 劉政
No.2，仙湖+室內，攝影師 - 杰杰
No.3，室內，攝影師 - 劉政
No.4，葵園，攝影師 - 劉政
No.5，仙湖，攝影師 - 杰杰
No.6，室內，攝影師 - 杰杰
No.7，葵園，攝影師 - 劉政
No.8，仙湖，攝影師 - 杰杰
No.9，仙湖，攝影師 - 杰杰
No.10，仙湖，攝影師 - 杰杰
No.11，室內，攝影師 - 杰杰
No.12，海灘，攝影師 - 劉政
No.13，仙湖，攝影師 - 杰杰
No.14，葵園，攝影師 - 劉政
No.15，室內，攝影師 - 劉政
No.16，海灘，攝影師 - 劉政
No.17，海灘，攝影師 - 劉政
No.18，葵園，攝影師 - 劉政
No.19，海灘，攝影師 - 劉政
No.20，海灘，攝影師 - 劉政
酒樓: 中環皇廷匯 (100分)
開頭鎖定皇上皇酒樓原因，係因平靚正，走遍好多間，中環這間係最好，因為張經理好，他一直以黎都跟得好好，雖然佢中途比人轉左去渣打個個場，但感謝主的，係佢返黎跟番我個單婚宴，令我在我的婚宴上放心不少，臨BD前無耐，多了位公關小姐，她也是照顧周到，她也好細心，幫我打包食物，當天一切都很順利，食物方面賓客都極度讚賞，對於我們來說，他們已經做足100分，張經理令我們有個咁難忘既婚宴，真係令我們十分感激的。
婚紗相：3v (超過100分)
我係跟劉政走的，由他在深圳現代個度離開自組公司，由join到取相，都很滿意，佢地係一個價錢，$0後期費用，同佢地既關係，已經係好好既朋友，除了劉政，還有杰杰，兩個都係超專業既攝影師，能夠識到佢地及比佢地影相，真係好開心，咁既價錢咁既質數，實在太超值！
婚紗相：新天地 (80分)
這個係酒樓送的coupon，我地事前在esd內找哂d人影過既經驗，買哂佢地要既野，咁只係比左男仔化妝錢$80，由於我地無指定攝影及化妝又無upgrand，所以佢地比左個新仔我，其實除了攝影，由頭到尾佢地d服務都係好的，我地無up都無黑面，同埋因3v係超多相，所以我地無比過1蚊去加，因真係影得一般，但，唔使錢而有12張相，對於香港來說係好抵，good！
攝錄: 朋友細KEN及阿井(100分)
事原都係錢錢既關係，又諗D相同VCD都唔會成日睇，一開頭已經諗住找朋友影，他們兩個係無令我們失望，可能都係影慣，他們雖然唔係話專業，但，他們的盡責及盡力，已經令我們很感動了，同埋佢地起碼唔會黑面先，比起出面個D收左錢但又黑面既攝錄已經好好多
化妝: EMILY (100分)
EMILY係我在ESD內找的，很意外地在她的網頁內找到自己識既姊妹，咁問番D意見時，係大獲好評，重點價錢好合理，咁就諗住試下妝先，點知一拍即合，BD當天，她仲做了很多MUA唔應該做既野，佢簡直係一個好幫手，幫手整這整那，又提點左我地好多野，由頭跟到尾，唔會話JOIN全日佢中間D時間走左去，因我見過其他係咁，幫我轉左好多個妝，令我靚足全場，令我媽及伴娘都係令令的，我係高度評價的
租衫: 溫馨 (95分)
我個Sales Peggy跟得好好，幫我搵合我身型既靚衫，雖然佢地有好多客，但佢地既服務態度都係超好的，而我既男禮、99衫及媽咪衫都在個度租既，不過佢公司有個規矩，就係唔比影相，final fiiting時就可，一次過選衫(除好早join)，同埋試完衫時都有些hard-sell的，但都係中等價，同埋由頭到尾，取衫還衫都好簡單，very good呀
我係好少著高踭鞋既人，當日我著左對2吋，全日都唔覺腳痛，又無話爛，雖然佢既鞋無乜太多款選，但，60蚊，又係一超值之選！
花球: jm (70分)
對jm既評語係一半半，佢地既主花花球就好靚，但手花就.............，因之前佢地話我bd個日，天氣唔係熱，d花會keep到晚上，但我地既手花襟花個d，去到酒樓已經好殘，好在事前問左人借假絲花，否則就肉酸啦，同埋襯個d頭花，都係殘殘地，唔係話好靚，好在emily醒目，將主花個度cut少少，我個註冊look先咁靚咋，同埋褂look都係加emily個d假花先咁sharp！
絲花球: IRENE (100分)
IRENE整既花球好得，而且收得唔貴，百幾蚊就有個，真係一流，因新天地要用花球，咁諗住粗粗地整住個，但，出到黎效果唔似百幾蚊咁平，個花球我仲借左比好幾個姊妹去新天地影相，真係乜都低番呀
紅酒：stc夏生 (100分)
呢個係esd都好出名架，我都係跟人上去，因人地約左時間，咁就上去試酒，佢咩紅酒都有，而且唔hard sell，仲好有交帶，因為d紅酒會早一日送去酒店，佢一送左去就即係打比我地，而且我飲過d酒都好得，唔似幾十蚊貨仔，一個字<正>！
一路打一路回想番，係好開心好回味架，我同建中真係好滿意全日既表現，只係大家都比較緊張咁解，整個婚禮既所有幫過手既人都係冇得頂架，屋企人都好開心好滿意，呢個真係我地心目中既Prefect Wedding，完全係無野令我覺得遺憾，當日既每一個片段，每一個部份，我都會永遠記住係心中，雖然在大家商量既過程中，會有意見不合既時候，但在這個過程中我地都係好享受及經歷到神既大大出手，這個功課真係要經歷過先知，當BD之後就會知道，之前所有既辛酸史，全部都係今日完美婚禮既見證！
這個係我match in時既look，前面係鬚辮架(唔識寫)，我超鐘意，這裡便是4樓娛樂區
其實最令我感動既係match in，張經理之前已經提意我地由電梯內做match in，個情形係如下，當開席前，emily幫我set好match in時個頭，咁婚紗一早佢地已經放左上去4樓其中一間房，咁我地差唔多8:15就搭lift上4樓，D賓客其實唔知我上去做乜事，以為我地趕d人埋席，因個時仲未換婚紗架，當我整好時，下面開始播成長片段，我地在lift度hold住，唔比佢落，咁完結時MC話叫賓客用熱烈掌聲歡迎我地時，我地就由4樓搭電梯到3樓，一出去時，佢地已經放哂煙及泡泡，個效果係我這一生也唔會忘記架，賓客又揮動螢光棒，我地就繞場一週+揮手，真係有D似Miss HK
，場面真係令我好開心及感動，因d人以為我地由樓梯落，所以一出黎個下，真係.....................！
當上台時，就係切假蛋糕及講講自己感受，方大哥就講到全場哈哈大笑，而我講既野，d人無乜反應，因我個腦已經一遍空白，只識多謝乜乜，多謝乜乜，呵呵，因太過緊張，所以兩個都無cry，咁就開始晚宴，我食到第2度菜，就已經要換衫敬酒了，不過食頭個兩度都好好味
這時MC也開始玩第一個遊戲，就係幫我地將來個小朋友改名，d人改得好有文有路，有d就好搞笑，方中sir都夠擔改，我地有5個中獎，其中兩個係兄弟，哈哈，估唔到d兄弟咁有文彩！
這個便是敬酒既look，身邊就是我的媽媽，我媽個日簡直係超興奮，好似佢結婚咁，同埋當天有成一半都係佢d fans，我地16圍，有8圍係我媽的，佢D FD仲勁過我地個D，咁我地去到敬完酒時，我媽d fans可能飲到high high地，竟然叫我媽上台唱歌，雖然好似好"魚"，但，對於我來說，阿媽難得咁高興，算吧，由她唱吧，哈哈，佢既活動，牽起另一個高潮，個個都high high地，呵呵
這個便是我送客既look，身邊的是我個mua，Emily，又後生又靚女又熱心，同埋emily都有玩相機的，佢都幫我地影左好多snap shot，唔使話額外加錢架，佢仲會燒番隻cd比我tim，佢又提點左我地好多野，Emily，真的十分感謝你啊
是日便在一切的歡呼聲中，完滿結束，2007年12月1日，是我與建中畢生難忘的一天，我地既每一位家人、親友、兄弟姊妹及一切的工作人員，我地都深深感到你們的幫助，沒有你們，我們的婚禮也沒有這麼的完美，在成個過程中，滿心感恩，感謝主！
YEAH！終於UPLOAD完我BD啦，遲D就係北海道+東京之旅，YEAH
