原來看番，我早於2006年8月30日，已經join左結婚既野呀，事原個日係陪個姊妹去試衫，咁見住佢著個度既衫超靚，之後就同男友一齊坐低傾，等我講講佢地點sell既方法，等大家可以知！
1. 佢地會比你試約3件婚紗，係超靚的，完全無著過婚紗的我，當然超心動！
2. 之後開始傾plan，因通常係跟番邊個帶我上去既人個d價的，個陣姊妹join係佢地做十週年優惠，5千幾蚊有成9件(1褂、1婚紗、3晚裝、1男裝、1伴娘、1媽媽、1奶奶)
3. 其實個價錢係超吸引，佢就看中我們心態，都會push我地既，但我看過其他的，其實貴有貴租，平有平租，溫馨係中等價錢，都叫做OK架
4. 溫馨既規矩，係要1次過試衫，選定就無得轉款，唔比影相，之前諗到這樣，其實唔係太喜歡的，但再諗深一層，佢地唔比亂試，唔使等佢地D衫咁殘，都係好好架
雖然我12月先結婚，但5月時已經FIRM哂我既衫，約唔到媽咪個D，就約遲D，我個日都試左成個下午，所以要試衫，事前要食定野
到這個MOMENT，感到我揀這間，係無錯的，因無論由婚紗至奶奶衫，我地都揀到心水，當然，媽咪同奶奶個D，唔會話有太多款揀，但，已經算好好，起碼大家選到，媽咪仲加多左一件TIM，但相，我就要過左BD先有啦，請耐心地等候吧
p.s 成日上網見到人地話佢地服務態度差，但sofar到現在為止，每個員工都好好，由其跟我地既peggy，好有眼光，所以係一心水推介！
我joint了觀塘藝心，5000for9，都好抵
回覆刪除我4 月27日，藝心都ok的，但又係影唔到相呀~
回覆刪除唔係噃，我個fd都係join呢間，佢有得轉一次衫喎
回覆刪除恭喜你~搵到心水!我重煩緊去邊度租衫,我都上過去溫馨睇過,啲婚紗的確好靚,不過我未睇過啲晚裝!得閒上我個blog度睇下,大家交流下吖! http://ourwedding2008.mysinablog.com/
回覆刪除你好呀~我係路過呀~我見到你地係3v影婚莎相好靚呀~所以我都book咗12月聖誕節去影囉~我一路都同叫呀 may 既e-mil 交接,請問你地同呀 may 熟唔熟呢???係咪要比50%訂金先呢??佢好唔好人呢??我第一次影咩都唔曉...請你回覆我啦~心急人上 ....Thank you
回覆刪除