以往
昕晴未識食粽
(我怕唔消化)
今年
可以與我們一齊分享
現在
阿囡都學左我
會拎起部相機
係咁影影影
試下先
其實今次試既
係最普通的一種
糯米包綠豆
裡面有d咸蛋同肥肉
其實我就唔太"好"的
但阿媽比到
就拎左2隻回家
我見到出面D粽
好貴一隻架
細細隻
已經要幾十蚊
真係好過去搶
好在我唔"好"的
求其食
已經好滿足
而我比較LIKE的
係咸味的粽
甜既
就不太喜歡
阿囡初嘗端午粽
yummy yummy
好在只係食少少
我都怕唔消化
最尾飲番包綠茶
幫助消化呀ma 查實應該飲熱茶就最好既
但我用綠茶取代
都ok呀
28 May 2011
終於等到
買校服&書包既時候啦
有喜亦有不捨
喜既係
阿囡將會進入
人生另一個階段
不捨既係
以後無得咁FREE
鐘意去邊就去邊
SO
我會更珍惜
現在同昕晴既學前日子
由於前面d陰
開始"吉"眼
所以
我這個媽咪
又自動操刀
幫佢剪左
諗住
返學前
已經會長番少少
就會更好睇
嘻嘻
今次終於試驗到
由我家到學校
唔使等車
係用左15 mins既時間
比我想像中快
所以
開頭諗住搭校車既念頭
就改變左
改由我親自
每天送阿囡返學放學
初初只諗住
慳番d車費
因車費每月比成$450
但我自己親自接送的話
來回一次
每次只需$7
每月就係$140(按20天上學計)
來回兩次
都係$280
爭好遠啊
之後
有媽咪朋友話我聽
親自接送
好處就係
親子時間會多D
(返學放學都可以傾下計)
又可以同學校既老師熟D
知道阿囡在校既情況
咁計落
自己送會好好多
當然
家長要上班另計啦
現在
買了校服同運動服各一套
諗住
如果真係唔夠
到時再買都方便的
仲有白皮鞋同白波鞋未買
好多人叫我差唔多8月份先好買
怕小朋友隻腳仔大得快
白波鞋暫定會買nike
因有好多媽咪朋友話
這個牌子又襟又好著
而白皮鞋就好多唔同選擇
所以現在都未諗到
應該買平d定貴d好
8月份應該有新生家長會
希望到時可以知多D
佢地到時上課既情況
我相信
昕晴應該會好快熟習學校環境
因為
都只係返半日
同埋阿囡屬於
主動熱情型
應該ok的
我唔怕佢比人蝦
只怕佢蝦人
希望到時唔使成日見家長啦
其實阿囡返學
最緊張同擔心個個
應該係媽咪
因為佢地返去
只係會掛住玩
盼望佢喜歡這學校
喜歡學校既老師同同學仔
近期愛上這個
簡單又易整既pizza
由預熱至焗起
過程都唔使半小時
材料：
有皮方包、火腿、蕃茄、粟米、芝士、蕃茄醬
做法：
焗爐以190度預熱5mins
先將蕃茄醬放底(CLASSICO牌)
分別將火腿、蕃茄、粟米放中間
最尾加一片芝士(卡夫芝士)
入焗爐以190度焗約10mins (想脆脆地最好焗12-13mins)
完成
其實自制pizza
就係自己愛乜
就落乜
而我選的蕃茄醬
係for我煮意粉時用的
所以
雪櫃有乜
都可以用到
做下午茶
係最佳之選
食一片
已經好飽了
遲D等阿囡大少少
我地就可以做這個
當親子活動
WELL
諗起都開心呀
pizza靈感來自
我同cyan既材料
完全係唔相同的
佢既買相
靚過 & pro過我好多
我都係屋企有乜就落乜
下次可以試下
Mozzarella Cheese
應該
比卡夫更好味
翠華餐廳
應該無人唔識
講真
食過好多間茶餐廳
我自己就較LIKE這間
無論去邊區
食物質數
都會保持番咁上下
雖則佢既價錢
一D都唔茶餐廳
下午茶都過$3x
但間唔時去一去
都係值既
趕得切6:00前坐底
係最尾一分鐘
都比我地叫到茶餐
真係開心呀
魚旦片頭河
以前我係唔會叫的
但食過一次
愛上
加埋醋&辣醬
prefect
(但要戒口，所以乜都無落)
老公的
芝麻&蛋無得吃
想試都無得試
最愛的lemon tea & 奶茶
好好味呀
原來
學習筷子
唔使教
都會識用
手位fit哂
之前在花園街搵過
好貴好貴的
我個陣想買米奇
由街頭行到街尾
價錢由$59-$109
嘩
使唔使相差咁遠呀
同一款
都差成$50一對
嚇親我呀
好在有次同媽咪朋友講開
佢地話上網bid
都係$2x一對
咁我都有睇過
點知
在我家附近既商場發現
有得買
仲平過花園街
米奇都係$39一對
但最終都係選了企鵝公仔
因佢有一set 2對
另一對係for大個d用的
都係$59
抵呀
影左這輯相
發現阿囡d表情
真係多到爆
頂佢唔順呀
哈哈哈
整個5月份
有一半時間在娘家休養 而且又無乜點帶佢出街
所以影阿囡既相
確實少左好多
影黎影去
都係在娘家
係婆婆度
除了我開心外
昕晴都超開心架
佢同阿婆
fd過打band
有時
真的不能輕視婆婆既魅力
唔係成日見
又會罵佢
佢都可以咁愛婆婆
令我真係好難明白呀
經過一段時間的休息後
發現
全身麻醉的後遺症
真係會有失憶情況出現架
我自己都係一個無乜記性既人
但
近期
發覺有d事情
真係話忘就忘
例如
我明明要買某樣野
去到街巿
竟然可以唔記得
仲係要一d印象都無個隻
先可怕
當返到屋企
先會記番起
原來自己漏買左d乜
這個情況
唔止出現一次
有時明明記住
要向老公交待d野
但當見到面時
又係忘記得一乾二淨
係事後諗番
先講番比老公聽
我只係做了一次全身麻醉
就已經搞成咁
如果
一個人一生
做了幾次全身麻醉
咁咪好大獲囉？
乜都可以唔記得哂
經歷過今次
好深明白到
原來我地擁有健康
並不是理所當然
所以
我會好好珍惜
現在所擁有的東西
要多為已有既感恩
人既慾望
係無限的
所以我既眼光
要知足
咁就能常樂
互勉之
