產前運動

3 and 10 Feb 2012

yeah
好開心
今胎終於可以有時間
上產前運動啦

其實早於第一胎
醫生都有轉介過我去做產前運動
但佢地既時間
全部都在上班時間 (當時還在上班中的)
個陣唔想
係又請唔係又請
因產前檢查已經拎左好多假
所以未能參與

今胎
由4個月開始
我既腰部己經開始酸痛
懷孕16-20週開始
孕婦己經可以開始做產前運動
今次助產士都有轉介我去
感謝感謝

無記錯
坊間都有類似既工作坊
但佢地好似係按次收費
每次都成$2xx
我都係睇電視
所以詳情唔太清楚

整體上
我覺得係有幫助
當然要自動自覺在家做

有專業既物理治療師話比我地聽
點解孕婦會有腰背痛
會教導我地做乜動作
去改善痛楚

佢地會教我地正確既姿勢
由手到腳
每個孕婦都要比治療師睇
有無做錯
同埋好多我擔心既問題
物理治療師都會詳細解答

這個係政府搞的
做2次
(分別講產前及產後)
好似睇門診咁
首次 $100
第二次 $60
每次約莫上個半小時

如果有媽媽想做
就要同產檢既醫生講
大家有腰痛既問題
醫生就會轉介
因無轉介信
佢地係唔會收架

畫畫@HOME

之前想幫阿囡報出面既畫班
合心水既
一來唔啱時間
二來自己今胎唔多爭氣
總係周身唔舒服
所以
暫時都無報到任何興趣班

某日係圖書館
發現原來有教小朋友畫畫既書籍
所以借左最簡單既
回家自學

當然自己既畫功都係油麻地
只係希望阿囡畫下畫下
會有興趣

整體上
昕晴都唔多喜歡跟住我叫佢既黎畫
開頭都想佢step by step
跟住人地既畫





但諗深一層
我都係想引起佢對畫畫既興趣
唔想好似乜都迫
咁就放手
佢LIKE點畫就點畫
唔規限住佢要"咁咁咁"

可能係新野
算叫做有少少興趣咁啦
當然畫左都唔多似

算啦
慢慢教
慢慢學
又可以親子
一舉幾得
啱哂我呀
嘻嘻

自家邊爐

8 FEB 2012

唔知做乜
無啦啦又凍番
一凍
就諗起打邊爐

有乜好過在家打
平時既湯底
會爆左D白蘿蔔、豆腐、魚肉
加水落少少雞粉、SALT、糖就算

今日
第一次試這些火鍋底
我只係落左一包
湯底己經紅到好似好辣
但這個只係蕃茄湯
聞既味道
就超濃既蕃茄味

整體黎講
除了湯底顏色同聞既味道好之外
我地食咁耐
都唔覺得有蕃茄味
嘻嘻
唔知係我落少左一包定點
下次應該唔會再買了
好在特價
在百佳買 $2x 一 pack
呵呵

打邊爐
點少得可口可樂
雖然我唔飲得
但都買左一PACK



唔知係咪好耐無買
覺得佢地好似細左咁
以前好似大罐D
家陣飲幾啖
己經無哂
唔知係錯覺定係佢地真係細左呢？
因為以前無留意佢地既ml數
所以無得比較

盆菜宴@民安隊60週年紀念

早上拎完野
晚上約左婆婆去盆菜宴

之前都唔知原來係民安隊搞
只知係我媽咪既同事
有飛多
叫埋我地去
當然應該要比錢的
但這些由我媽咪一手搞掂
所以乜價錢我都唔知
謝謝我媽

開頭知道係坐露天
都有拒絕過
但阿媽盛意拳拳
我又LIKE的
就算啦

3代同堂合照
真的感謝媽媽每次都幫忙 (照顧阿囡)
無左你
我應該會好無助

第一次食
好好味呀

唔知係咪圍村盆菜
真係好有風味架
中間有人
拎左D由田園出品既菜黎比我地
超鮮甜呀
諗起都流口水
yummy yummy



我自己就喜歡食盆菜的
這間好有風味
我地成圍枱
得我老公係男性
所以食唔哂
最尾仲分左d比隔離枱
是晚食得好開心呀
yeah

我地一邊食一邊有人在枱上表現
阿囡食飽左
就搵我媽d同事陪佢出去
(真抵錫，唔左住媽咪食野，嘻嘻)

中間有人播古巨基個首 "爆了"
阿囡好興奮咁邊唱邊跳
真係
頂佢唔順呀
仲要話比婆婆聽
佢覺得古生好靚仔
真係..............
得啖笑呀

與契仔有個約會@FEB 2012

5 FEB 2012

豬脾仔19個月

即係1歲零7個月

今次咁快見到面
就係因為我要拎番D BB野
我同老死都好環保架
會將BB野SHARE黎用
查實係想慳錢先真
嘻嘻

今次見面
契仔剛剛訓醒
所以好呆
個樣好搞笑

阿囡一入到去人地屋企
就當左係自己屋企
乜都拎黎玩
真係失禮哂呀

豬脾高左好多啦

由於是日拎BB野
又謝謝契媽借個喼比我地
昕晴好ENJOY地拖拖拖
真係多謝佢咁熱心呀

其實個喼唔輕架
但阿囡就好LIKE幫手



見到佢咁認真
真係好安慰
希望佢係一個
有熱心又能幫到手既好家姐啦

自家拍學生相@K1下學期

之前見過好多媽咪朋友
都會幫自己小朋友
在家拍學生相

老公搵到個軟件
今次我地真係可以自家拍啦
首先搵左白色做底
我家既房門正正就係白色
拍左好多張
由老公再選擇

搞掂就當哂相咁
拎去哂相舖度哂
事後自己CUT番
效果當然唔可以同出面比較
話哂人地個D叫專業呀MA

今次唔掂既地方
係因我地仲未懂
將個底變得更白
因我拍的時候
有暗影架



$1.4一張 (無記錯)
可分成8份
平時影
$45先有一打
當然人地個D係專業好多啦

但以我既要求
這次拍得都唔差呀
而且價錢又咁平

在出面影
佢地只會同我影2-3張比我揀
上學期個張
昕晴影得超唔掂架
因佢個陣發脾四
但都要迫住哂
無計

現在可以自家拍
咁就無這個煩惱了
希望下次DADDY搵到點將D暗影變番白
就更完美了

再戰勝博殿@銅鑼灣

1 FEB 2012

之前生日飯去過
成日心思思都想去多次
今日未夠6:00就到
竟然己經有人排緊隊
真係嚇C我呀




我地知道要早些去拎位
因過左7:00就開始多人
所以同阿囡一早搵定位
再等DADDY收工

好在唔係等左好耐
DADDY黎就決定叫乜
因為實在太多想食
所以都係叫D之前未叫過既款

阿囡依然熱愛幫手

今次叫左有蝦 + 豬柳餐
個蝦好大隻
超正啊
哈哈

滑蛋豬柳餐
雖然唔及日本個邊咁好味
但這個都好好味
D蛋真係好滑架




阿囡都食到咀lum lum
yeah

我地食左2次
儲到印仔
下次再去
可以即時減 $50
但唔記得
係咪只在銅鑼灣分店用得既呢？

事後去左搵雪糕
阿囡近期興既飯後甜品
去左IKEA
用左 $2就買到
超正