育兒6個月

昕晴半歲啦，日子真係過得好快呀，成日都覺得自己生左無耐，因為個大肚腩仲係度，呵呵呵

                          

報告一下囡囡情況先

體重：有8.03kg，即係17.66666666666磅

主餐：仍然飲人奶，無補奶粉，大約每2小時一次，夜晚個次就11點幾飲完，到零晨4-5點左右再飲過

次餐：每天一次米糊(1湯匙)或牙仔餅(半條)

水量：食完米糊或牙仔餅都會比水佢飲

生果：apple、橙、火龍果......................有乜比乜

活動：手仔腳仔無時停(瞓覺例外)，坐未坐得好穩定，义住"加拿大"時，企得好穩

牙仔：都係出左下面2隻，笑起上黎好可愛

發音：成日自己ee呀呀，最開心既係現在成日發出"鴉mmy" ==> 音"mammy"

學習：會比歌仔佢聽，佢一聽到就好手舞足動咁好興奮

                         

頭大身細就係我既特徵

我既肚腩仔都好大下架，似足媽咪

笑得甜唔甜呢

yo 家陣最叻就係見乜食乜，yummy

仲識擺post tim

反身，so easy

因為出牙仔關係，成日有乜都舔乜，唔算太多口水，唔知係咪食人奶定佢係女仔關係，好痴身，尤其夜晚，乜人都唔要，只係要阿媽

超8卦，人地講野又要聽，有時仲有反應tim

脾四都好大，有乜唔妥就喊左先，有乜就會大叫

照顧昕晴用左我好多時間，但我會再控制好些，遲少少會騰番d時間出黎與各位相聚一下，雖然係忙過返工，but................我就好enjoy同個囡一齊既時間，因為佢既成長對我來說係非常珍貴，所以我會好好的享受 ^^

牙仔餅

由於昕晴實在太牙痕，見乜食乜，咁有人提意我買手指餅比佢食，之前在吉吉島望過，都只有牙仔餅，咁昨天咁啱去開愉景個邊，就走左去荷花望望，見到都係無手指餅，只有牙仔餅，看過，實在太多野選擇，最尾都係選了這盒有機既牙仔餅，會員同非會員價錢都係$32，實在...................太識搶錢了

一盒$32，都係得12條咋，真係貴呀

但昕晴就好喜歡食囉

睇下佢

食得幾好味

仲要食得好dirty tim呀

見佢食到咁，我就為有用抱被環繞住佢，因為佢食到周圍都係

睇佢，又食又睇電視

終於有張係望下鏡頭啦

唔知自己係咪有潔癖，每次餵親阿囡食野時，都感到佢好dirty，好想佢快d食哂，所以有時佢食到一半，食d流d，我就無乜心機比佢食，唉，我這個媽咪太無耐性啦，希望阿囡慢慢可以食快d，咁我就餵得有心機d啦

同埋牙仔餅，佢食左半個鐘都係"妹"到個少少，我係咪應該留番起佢，比佢第二日食呢？

Grace & Ivan wedding on 28.02.2009

好開心能夠見證到Grace & Ivan既婚禮，多謝老公陪伴一起去，否則得我一個，好難照顧埋阿囡架

由於係律師證婚，所以我地6:30前到達便可以了，一上樓梯口，已經見到靚靚3V油畫，仲有2隻好大好大既bear bear熊tim，好正呀

睇下隻bear bear係咪好大呢

我地個陣都係訂這隻牌子架，又靚又抵，very good

簽名枱既設計，唔知係酒店諗定係Grace諗既呢？對公仔係tracy作品，佢地套婚紗好靚架，但我影得唔靚呀

大門口就放左張更大既油畫，櫻花好靚呀，我地個陣影都無咁靚架^^

其實入到去等左一陣，就開始註冊儀式，由於好多攝影師係我地面前影相，有時都唔係咁影得到，影到的都手震，呵呵，所以就唔係咁多相咋

律師向2位講解後，就由Grace & Ivan宣讀，見到佢地都好緊張架，回想番自己個陣都係，腦裡一片空白，只想快快手讀完佢，諗番個陣都覺得好搞笑

well....................全場最熱烈的一刻，真係想唱番首劉華既情深的一吻

完成後，一身鬆哂，睇到佢地都輕鬆左好多呀

因為要排隊影相，咁我地就周圍影下，d野咁靚，唔知係咪酒店提供既呢？

由於我地趕時間走，所以叫MC哥哥攝位比我地影先，真係有D唔好意思啦，Grace你真係好靚女呀

Grace，無論將來要面對任何問題，我相信有Ivan這位好好先生，陪你渡過每一個難題係最重要的，在此，衷心祝福你地白頭到老，永結同心