生日之旅@黃金海岸part 1

2月20號係老公生日，平時死慳死低既我，由於新年個陣賺到dd錢，就豪左一次咁多啦，為老公預備左這個生日之旅

選了又選，終於早一日決定book這裡，因為唔想離開昕晴，所以帶埋佢一齊去，咁就唔去得太遠，而我只係話左比老公知，我book左個度既自助餐，當check in時，老公真係好驚喜 ^^

黃金海岸係一個好有旅行feel既地方，感受自己真係好似去左外地旅行咁，而最開心既係check out時間可以延長至第二日既6:00

入住係一間豪華海景露台客房，這張床瞓到我地3個有餘，今次真係一個好舒服好relax的旅程啊

我地住的係6樓，按有露台計，係我地個邊，好似係最高的，一望無際的海景，令人身心舒暢

睇下昕晴，超開心，開頭我仲擔心佢瞓唔慣陌生床，點知.................

原來佢係好enjoy去旅行架，一d唔習慣都無呀

由於我買既優惠package係包一位自助餐晚餐，咁順理成章就去個度食埋，睇openrice見d人話戶外既野係最好味的，戶外就係bbq風味啊，環境唔錯

食野時要照顧阿囡，所以影左超少相，我地覺得最好味既係羊扒，之後就係天婦羅，其他的就一般ok

其實佢地既款色唔少，但味道就係一般啦，如果唔係佢送一位免費，我估我地未必會在這裡食，因為行番出去，都有好多野可以選擇

由於食完晚餐都好夜，咁就同昕晴回房影相同hea下

睇佢幾開心，咁第時就可以帶佢周圍去啦，yeah

第2日瞓到咁上下，就落去食免費早餐，早餐依然係一d好普通既野，全場係個粥最好味，而這個煎蛋，真係有個廚師係度幫你煮，其他食物就唔係話好熱咁囉，不過周圍大部份都係外國人，環境就似自身於外國咁，呵呵

食飽飽，上番去影下相，hea下，等太陽無咁勁，先再落去行，費事曬黑呀ma

查實當日既天色就唔係好藍，好在無落雨，不過就好大風

而我特登幫昕晴帶多少少衫，等佢可以影下唔同既靚相

超愛這張熊貓look

係咪好可愛呢

衰豬成日食手指

休息完一輪，就食由酒店送既birthday cake

有埋生果，好健康架，個cake都好味道，好滿足啊

行程待續...................

出牙仔2

又多一隻啦，現在昕晴有2隻牙仔啦，但有第2隻開始，唔知係咪2隻一齊痕，所以就比較"炆"，口水都多左

家陣真係睇少陣都唔得，事關佢既反身技術熟練左，話反就反，好在未識爬，否則，到時連去廁所既時間都無乜，因佢隨時會跌落地整親

你地睇，第2隻啦，YEAH

因為口痕，所以成日"咪"咀

反身連橫拍，話咁快就反左，媽咪睇少陣都唔得呀，呵呵

家陣表情多多，氹到大家好開心 ^^

食糊仔

好多人話BB在4個月時就可以比糊仔佢地食，而我就費事太早，因世衛話，BB要到6個月時先開始食其他奶類以外既食品，咁我就忍到5個半月先比阿囡試下吞野

聽得太多人話，雀巢米糊都係比較熱氣，所以好難先找到這隻(方便買，萬0有)，網上CHECK過無事，而唔知係咪只係比左幾餐阿囡食，佢唔係太識吞，食一半流一半出黎，成日搞到好dirty，但我會繼續努力既

現在我每天會比一餐米糊佢食，通常係一湯匙米糊再加熱水，咁昕晴都係食一半的，希望阿囡慢慢習慣吞野，到6個月就可以煲粥仔啦 ^^

我就係食這隻美素健奶米粉，好香架

媽咪，做乜將條沙巾放係人地個頭上面呀，快D比我食啦

YUMMY，好味到流哂出黎TIM

好牙痕呀，見乜咬乜

係咪好想咬啖我大脾呢

我個頭仔夠力撐起啦，仲有多謝契姐份麵包超人禮物，好好反呀

出牙仔1

昕晴5個月9日

完全無諗過，昕晴會咁快就出牙仔架，可能我成日記錯，以為BB係9個月先出，其實之前已經看到佢牙肉有一點白色，摸過唔係，我就無再留意

點知整蛋糕個晚，回家婆婆告訴我，問我知唔知個囡出牙，一摸，嘩，真係有少少牙仔凸左出黎，我當時感到莫名其妙的興奮，感受昕晴進入了另一個階段呀

學Cyan話齋，BB每個階段既成長，都會令到父母好滿足，能夠記下阿囡既成長過程，我自己感到好榮幸，THX GOD

超難影的牙仔，大家見唔見到，白色個一點就係啦，YEAH

這張應該好D

雖然笑得咁大個口，但都係影唔到既，呵呵

我個樣係咪好嗲呢 (嘔死)

唉，訓到後尾枕無咁D頭髮，希望大個D唔會啦，否則就肉酸死啦 >.<

媽咪咁樣影人地，搞到好肥TIM

咁既角度就差唔多

係咪笑得好甜呢

有得食手指，就最開心

著粉紅色，點都似番少少女仔既..........^^

檢查三聚氰胺方法

家陣既食物，好多都話有三聚氰胺，以下條link就係可以check到我地買個d野有無事，大家買野比阿b食既時候，check一check先

http://www.cfs.gov.hk/tc_chi/whatsnew/whatsnew_fstr/melamine_result.html

thx poe

可樂啫喱檸檬慕思果仁脆蛋糕

可樂啫喱檸檬慕思果仁脆蛋糕，特價班$185

Aroma'So Baking   http://aromaso.com/ 

6寸餅模以烘焙紙包好，焗爐以150度預熱約10 mins

朱古力海棉蛋糕做法：

雞蛋1隻約60g + 水15g + 砂糖22g + 朱古力醬少許，用打蛋機以慢速拌勻

再加入低根麵粉22g + 蛋糕乳化6g + 鹽1/24茶匙 + 泡打粉1/16茶匙 + 梳打粉1/24茶匙拌勻，用快速打至杰身乳白色，約5分鐘

最後將淡奶5g + 熱溶牛油10g + 可可粉6g，用膠刮拌勻，蛋糕以175度入爐，約焗20mins，至金黃色轉用150度，出爐後待涼

朱古力雜果仁脆餅做法：

雜果仁120g + 黑朱古力64%(溶)40g拌勻，放進餅模內雪凍，備用

可樂啫喱做法：

魚膠粉5g + 水35g，隔熱水坐溶，再加入可樂140g拌勻，待涼備用

莎巴翁做法：

蛋黃2隻約35g + 砂糖50g，放不锈鋼盆隔一鍋熱水，打至起泡香濃，最尾再加入檸檬汁30g + 檸檬青1/3個拌勻，成莎巴翁，備用

檸檬慕思做法：

首先將淡忌廉180g打起，再將白酒30g，魚膠粉6g + 水40g + 檸檬香油2滴拌勻，隔熱水座溶，一齊拌入淡忌廉中，最尾把莎巴翁拌入，成檸檬慕思

將蛋糕底面輕輕切去及切出一片，備用

將朱古力脆餅放底，加入少許熱溶朱古力 (作黐貼用)，再將蛋糕片加入，最尾加入檸檬慕思，放雪櫃至凝固

待凝固後，將可樂啫喱倒入，放回雪櫃至凝固，後裝飾，完成

由於時間關係，有些step都無影到相，同埋大家都知唔會有時間影大合照，所以中間等蛋糕時就影左先

左面係我整既cake，因今次係for人地生日，所以加埋個生日牌，因趕住走，裝飾都無乜，希望唔好失禮人啦

右面係阿sir整既，如果我唔係趕時間走，我相信會照阿sir個個裝飾黎造，咁我個蛋糕就更完美了 ^^