2012年1月15日 星期日
都巿閒情 - 今晚食乜餸食譜
C9節目 - 都巿閒情
我自己係一個
對煮餸唔會探入研究既人
而都巿閒情入面既今晚食乜餸
就啱哂我地這些懶人
因為佢地教既菜色
都唔會話太難
但平時睇
好多時都唔會記得佢地落左D乜調味
抄又抄唔切
無意中比我發現
原來佢地有食譜架
今晚食乜餸食譜
http://programme.tvb.com/lifestyle/pleasureandleisure/i_info/?page=1
咁我通常見到自己喜歡既食譜
就會上番MY TV
睇番佢地教煮餸既過程
從中偷師
上網有個好處
係一入就可以睇到教煮餸個PART
方便方便
MY TV 都巿閒情
http://mytv.tvb.com/lifestyle/pleasureandleisure/127046#page-1
個人較喜歡ANNIE教既餸
因為較簡單
無咁複雜
李師傅個D
有時材料太多
調味又多
同埋D餸未必啱我口味
而BEN CHAN
教個D都係健康野
有新鮮感
我都幾喜歡
但近期好明顯係幫人買廣告
見到佢用個D煮食用具
好方便就煮到一個餸
但在於經濟原則下
我這個CHEAP CHEAP C9
未必會買成舊野返黎
而佢地KEEP節目
大約會KEEP到成60日
(因我見到佢有成差唔多2個月資訊)
唔似劇集
一個星期就無得睇
唔錯的選擇
2011年5月4日 星期三
幼兒好書介紹
由2歲開始
每晚都會有
睡前故事時間
通常d故事書
我都會在圖書館借
同埋內容
一定要簡單
其實咁細個
都唔知佢明唔明
只係希望
有多d親子時間
而將來
佢會like讀書
在云云的圖書中
近期比較喜歡這個系列
故事內容
簡單、易明
書內講述的
都係小朋友
日常生活會遇到的問題
都好貼切
試過
睇一本叫"看醫生"既書
我講左大約一星期
昕晴竟然可以
講番比我聽故事內容
因為
佢自己都有睇過醫生
而齋睇圖畫
已經大約講到內容
當然唔會全部講哂
但大部份
都講得到
阿囡仲有埋表情
真係令到我好驚訝架
而書後面
都會有d互動小遊戲
通常會講番
有關書內既野
叫小朋友指出
邊d啱
邊d唔啱
從而
比佢知道
乜野係叫正確
個人意見
for幼兒看
這個系列既書
確實係好書
能夠幫到佢地認識
對與錯
現在
都會keep住借回家看
希望將來
昕晴會培養出
良好的品格
同埋
愛看書既習慣
2011年4月18日 星期一
基督教家庭服務中心@將軍澳
由2歲開始
已經比昕晴返playgroup
其實在現今社會
阿囡算叫遲返
眼見好多小朋友
細細個已經參加好多樣野
今時今日既社會
風氣就係咁
令人無奈
開初諗住
比佢接觸
多D唔同類型既小朋友
學習點樣同人相處
守秩序
已經上左既有
親子playgroup
親子playgroup進階
幼兒入學預備班
每上完一個cycle
都會有證書
同Miss比既評語表
親子playgroup係要由家長陪同
而預備班就要自行上課
發現
當阿囡無左我既時候
確實係會乖好多
之前
都好情緒化
Miss叫唱歌、玩遊戲
阿囡有時會唔做
甚至乎扭計
發脾四
Miss話佢蝦媽咪
但當上左預備班之後
情況明顯
大大改善
不論唱歌
玩遊戲
做手工
食茶點
通通都係自己
一手一腳做
開頭都有D擔心
阿囡得唔得呢
答案
原來係可以的
仲要上得好開心
而脾四方面
都有好大既進步
起碼
唔會無拉拉發老脾
或唔做老師叫做既野
見到阿囡
有進步
做媽咪既
確實係好開心
今天
仲比Miss讚佢
乖左
定左
脾四收劍左
聽到我
好感動
好安樂
這間中心既方老師
真係好有心
地點雖然遠左少少
但我家樓下有免費巴士去到
又ok
希望返左K1後
都可以keep住
參加佢地既其他興趣班
我已經報左芭蕾舞班
但要3歲先入得
希望
阿囡有其他既體能發展
2010年11月23日 星期二
觀塘浸信會 (面試+結果)
我地第1心水學校
就係這間
觀塘浸信會
已於佢地openday時取了表格
同埋交埋報名費
接見須知話
家長可為孩子帶同一件喜愛的玩具到校面見
開頭以為佢地一定要
咁阿囡最愛既係佢個bb公仔
但阿bb實在太大個
咁唯有帶另外一隻
(最尾原來都唔使攞隻野出黎既)
一去到
有個指定地方
交表&等候
等待期間
會有幾款遊戲
供小朋友玩
之後等叫
就排排隊
一齊入去
開頭以為要等好耐
但原來都算快
約15mins見一堆人
佢地有6間房
每間房會見3對人
(即15mins見成18對人，勁呀)
每張枱有玩具同一位老師
老師會簡單問下阿囡
我估睇佢有無反應
(查實昕晴比課室內既環境吸引，勁坐唔定)
會問佢叫乜名
幾多歲
邊個同佢黎
開始老師叫昕晴配對
即將d正方形、長方形配番啱位置
阿囡就一半半
有d得有d唔得
唔得個d就要提佢
之後就問顏色
阿囡係唔識的
因我已講過
阿囡每樣色只係會話紅色
咁我都有向老師解釋
我有教 (費事比老師以為我唔理個囡)
也有問過醫生
但都未掂
不過老師話佢仲細
叫我慢慢教 (good good good)
之後就係認圖
老師會有本書仔
裡面有日常生活既圖
其實這方面
我無教的
但阿囡竟然全部答啱哂
我都好驚訝
老師每同佢玩一樣野
都會問我
屋企有無架
我覺得
可能校方想知道家長
會否有時間照顧子女
而我係全職媽媽關係
應該會加分 (我估)
而老師都有比其他玩意阿囡玩
睇下佢識唔識
阿囡會跟住Miss做既再做番一次
而最值得一讚既係
阿囡玩完d野
會幫手執番
老師就讚阿囡好有手尾
好快
成個過程應該約15mins就完成
老師仲送左d小禮物比我地
整個過程
唔算太難
可能同九龍塘區個d比
叫做超easy tim
這間只需等大約11天
就會知道結果
結果
阿囡係得左既
非常開心
頭痕事件
其實2間都各有各好
我地會睇下佢地升小學 & 中學既比率
2間都已交留位費
浸信會：
資源夠
又有外藉老師同北京老師教學 (每星期都會各上一堂)
地方大
學費超平 (每個月平均$300唔使)
救世軍：
見到佢地既學生
升去我地心儀既中小學既比例
都算多
所以
現在都仲係考慮緊
如果快d考慮到
我就會快快手
向另一間做退學
起碼可以騰空番個位
比有需要既人
開頭都打算試下九龍塘個d名校
但諗諗下
如果真係收左
到時學校有活動時
我地家長既參與率
未必會咁多
話哂都遠遠地
而這2間學校
算近我地家
如果上到車
約10mins車程
我地會安份地
二選一
唔會太多心了
2010年11月20日 星期六
救世軍平田幼稚園(面試+結果)
開頭無諗過寫低
但
作為阿囡的成長過程
都係想記底佢先
同埋
等契仔將來搵學校
有些資料可能會用得著
2010年
阿囡就可以報K1
我地打算報觀塘及藍田區
就由老公在幼稚園概覽搵料
第一間in既
係救世軍平田幼稚園
一入到去
先交表格 & 報名費
(之前已打電話約面試時間)
去其中一個room等齊人
就再去另一個room
睇佢地學生表演
表演中途
我地的小朋友可以一齊入去跳同玩
之後
再去一個類似玩玩具既地方
由佢地既學生教我地既小朋友玩
搞一輪 (約15mins)
終於去到面試
其實學校咁樣做
我地家長就可以順便參觀一下校舍
佢地每張枱會有一d玩具
一位老師
咁家長們同小朋友可以一齊入去
通常只會比一位家長陪
這裡可以2位一齊入
感覺良好
而老師就問阿囡叫乜名
今年幾多歲
見阿囡有反應
就笑笑口咁睇佢玩
其間都有問我點解會選這間學校
答完
佢就繼續望住阿囡玩
睇佢識唔識
例如玩bb
就會問下佢邊度係eye、nose等問題
我覺得係好簡單的
是日阿囡心情大好
問乜答乜
個人認為
這是成功既一半
in完
校長就會在大門口歡送我地
仲扮頒獎禮
叫阿囡上台領獎 (小禮物)
感受：
校舍唔算大
仲要在屋村內
但勝在口碑好
見到佢地d學生
真係好乖
好聽話
這間係我地第2心水學校
是日
為了獎勵阿囡
就同佢去左公園玩一陣
而校長話
一星期內會通知收唔收 (超好，唔使等咁耐)
結果
係收左阿囡的
超開心
咁第2心水收左
其他的都可以不用去in
只係等第1心水
in完就真係"成了"
2010年1月27日 星期三
申請特區護照
由於打算復活節
帶阿囡出去旅行
所以
申請定特區護照
上網DL哂所有FORM
諗住去到實無死
點知DL漏副署人(親友或朋友做擔保人)個份
好在剛剛有對夫婦同我地一樣
所以我地就交換左我地既ID CARD
其實咁樣係唔好的
但唔想再行
為有出此下策
SO
家陣寫定
方便大家
申請特區護照需要的文件 (我係親身交去)
1. 申請特區護照表格 (ID 842)
2. 申請兒童身份證表格 (ROP 3)
3. 父 / 母 身份證 (正本)
4. 出世紙正副本 (副本佢地會收去)
5. 副署人表格 (ID 641) +副署人ID COPY
6. 近照3張 (其中一張要貼在副署人個份，由副署人需跨越相片簽名)
7. 費用$185 (FOR 32頁)
最尾
當然係要上網預約
揀最近最方便自己既地點
咁就完成
多謝老公既提醒
我約既時間
係佢地就放食飯之前個D時間
嘻嘻
真係快好多架
2009年8月24日 星期一
2009年5月9日 星期六
2009年2月11日 星期三
檢查三聚氰胺方法
家陣既食物，好多都話有三聚氰胺，以下條link就係可以check到我地買個d野有無事，大家買野比阿b食既時候，check一check先
http://www.cfs.gov.hk/tc_chi/whatsnew/whatsnew_fstr/melamine_result.html
thx poe
訂閱：
文章 (Atom)