話說星期一我第一日返工，昕晴就唔知發生咩事，由早喊&扭到晚，到我放工回家，都見到佢對眼仔腫哂，真係心都痛死
，其實個晚心情都幾down，怕公公真係湊唔掂，到時真係頭痕，咁個晚就不停為囡囡代禱，希望佢快d適應
感謝主，確實係聽祈禱既神，昨天既情況，已經開始正常番啦，瞓覺、起身、飲奶、玩、繼續扭人抱...............，希望這個情況能繼續維持，公公話，如果好似昨天咁，佢就一個人都搞得掂
但也很感謝我媽媽，佢這幾天，特登請假黎幫手照顧個孫 (其實都真係有些唔舒服既)，盼望昕晴乖乖地，咁我就安心哂
大鑊，比大舅舅影埋我條肥頸tim，樣衰死人啦，點識男仔呀
我開始識得做一d氹人喜歡既動作，氹到個個鬼咁開心，YEAH
哼，媽咪用雪條引我，又唔比我食，等我啤下媽咪，第時大個就同媽咪爭食先
昨天首日上班，返到家，已經知昕晴整天都不停喊喊喊，唔知做乜事佢咁扭計，仲要喊到拆天咁，以前從未試過，公公+婆婆都搞佢唔掂，就算抱住佢，一坐低就喊，喊到累瞓左覺，放佢係床仔，過一陣又再喊...................
我的心，當然很痛，沒有諗過，囡囡為何會這樣扭計，因平時我湊佢唔係咁，佢仲要現在喊親，都會喊到眼仔腫哂，真係..............超心痛
如果公公真的湊唔掂，咁就頭痕
各人心聲
老公：當然唔好唔返工啦，按經濟原則，就算唔返，都係你阿媽唔返，現在你有升值能力......................bra bra bra講左好多要返工既理論
婆婆：對住昕晴講，不如媽媽唔好返工湊昕晴啦，公公湊唔掂架，如果婆婆湊，媽媽就要養婆婆架啦，好貴架，你爸爸又唔係養你地唔起，叫媽媽唔好返工啦............bra bra bra又講左好多理論
公公：唉，阿女，我真係比個孫激到死，抱又唔係，唔抱又唔係，我真係唔知點
自己：其實好矛盾，一邊想自己湊番，每日都對住個囡，但另一邊，唔想老公有太大壓力，同埋我喜歡自己搵自己駛
所以現在，真係...................心情矛盾，因要我媽辭職的話，娘家既支柱又會落係我身上，同埋昕晴便要係埋荃灣這裡讀書，我唔想同老公分開住咁耐，又唔想同個囡分開，因其實現在一星期兩邊走，我同昕晴就可以日日見，而老公要見我地，佢就要過黎荃灣住，每星期只有放假既時候先能夠3個走在一起，一齊返觀塘個邊
最壞打算，如果真的湊唔掂，有機會要將昕晴放係托兒所，但個度真係你喊就話知你，夠鐘就比你食奶，之後就無人理架啦，所以現在只希望公公湊得到
今日終於要返工啦，放左成10個星期，真係好唔捨得放假既日子呀
好唔捨得離開昕晴，其實每天都很想只對住昕晴，看住佢笑、看住佢EE呀呀，看住佢一天一天咁長大，真係乜辛苦都會忘記，雖然有時佢係比較扭計D，但............都無影響到佢係我心中既位置，今天打左返屋企2次，2次都知佢扭得好利害，其實有些擔心我阿爸湊唔到而放棄(好在婆婆今天放假)，希望昕晴乖D聽話D，唔好等公公咁辛苦，可能我又唔係度，突然間聽唔到媽咪把聲，我估都有些影響掛(因平時唔係咁架)
收到風上司應該會做到月尾就會返台灣休養，唔再理香港這邊，咁香港就會由我個台灣同事打理(做主管)，家陣有少少感到"水鬼升成王"既FEEL，上司未走，台灣同事已經擺哂款，乜都唔會向人交待(除了上司)，今天上司無返，咁我第一日返工，我之前交低D野，理應佢要交番比我，咁我已經好主動問番台灣同事，點知真係問一樣答一樣，全部野都係我問佢先講一講
老實講，對上司，我也會好尊重，起碼佢對人都有禮貌，唔會老憑咁Order人做野，但台灣同事，無料辦有料，佢既優勝之處，就係佢係台灣人，其他野完全唔覺得佢係掂，人工已經無野講，因唔係按能力去發，仲要好無禮貌咁Order人做野，係上司面前，對我地都仲好dd，所以上司超buy佢，但無上司的日子，簡直彩你都傻
台灣人係cheap中之壩，就例如公司部冷氣，其實壞左好耐，個陣陀住阿b，試過熱到差d休克，我話未整冷氣既話，我想買部風扇，但上司都話唔好，借住佢個部比我喎，我今日返到埋位，部風扇已經不在了，聽番香港同事話，我放假期間，已經叫左人黎看看同報價，但又係話價錢太貴，同埋現在天氣開始涼喎，所以唔整住，真係.................吹賬，遲又係要整早又係要整，都唔正視問題，一味話貴貴貴，仲要人不斷格價，講價，資料搵哂搞掂哂，都唔會去做既，真係令人好洩氣
講真，唔係為著個囡，想有份穩定既工作，我一早已經唔做，因已經感到，如果上司真的走了，往後日子仲難捱，上司係度，台灣同事都會聽上司話，幫我追台灣個邊d數，但無左上司，我相信台灣同事彩我都有味，一定唔會幫我追，因台灣個邊既數，都係亂到89彩，我已經日日追，佢地都係拖拖拖，但我也會忍耐，等我搵到份好工，我便會36著走為上著
請為我pray pray pray，謝謝大家
今天係DAU DAU 既大日子，祝你們百頭到老，永結同心，好開心今次可以同囡囡一齊參與，佢今天好乖，我最怕既野無發生到，YEAH，最怕係佢係人地宣讀時喊，好在無姐，嘻嘻
第一次著裙仔，係咪好型仔呢
可能我地趕住去，行到身水身汗，感到個HALL就好似無乜冷氣咁，不過就好靚
萬眾期待的一吻啊
這個哥哥仔，真係........好盡職，每幾分鐘就幫新郎哥抺汗，真係勁正呀
YEAH！昕晴食手指呀，同埋DAU DAU條裙好新好靚好清，I LIKE
靚媽最尾都趕到過黎同我地一齊大合照呀
同大家相處的時間真的不多，但就感到好似識左好耐，好高興今天能參與這婚禮，大家由搞結婚開始，到我囡都生埋，又見住Cyan大肚，感觸良多，時間過得真係快，希望大家能keep住這份友誼，下一個到你啦dada，加油啊
在放產假的最後日子，真係要作最後衝刺，要多d幫阿囡影相，因佢係每天(早上)瞓醒後最得意既，咁今天幫左昕晴錄影，upload埋d相，再幫佢執埋d衫仔，因我地會主力係在婆婆家住，一星期有一半時間在荃灣，另一半就會回觀塘
有笑既時候 (勁ee呀呀)
也有喊的時候 (這個就係咋喊既樣啦)
昕晴既衫，真係多到............有90%都係人地比架，在此要多謝大家咁錫個衰妹，佢一個人既衫，放成四個櫃通都未放得哂，仲有幾袋係觀塘個邊未執，真係要快d著先得，因為發現有d衫仔開始唔啱啦，bb大得真係快呀
佢瞓覺時係最乖既，同埋唔知咪每個小朋友都係會有這個指定動作，"舉手投降"同埋"青蛙腳"既呢？
昕晴唔扭計既時候，確實最得意可愛既，嘻嘻
成日身條脷仔出黎玩，仲玩埋口水tim呀
佢個樣似男仔，但有些動作，都好女仔下架，佢捉人地隻手，都捉得好大力架喎
因為昕晴原固，老公終於買左部新既影相機，佢叫我多D同個囡影相，事原係我用開NIKON部傻瓜機，成日都影到個囡好震同矇，所以真係出到黎既相唔多，而我會努力研究下點捕捉，現在還未摸得熟係點，家下都淨係識用AUTO咋(識用既人就知這部機如用auto既係浪費緊部機既功能)，唔知幾時可以好似院長、苓苓、Yannie佢地咁，影得咁有水準呢
豐澤價，$3980(原來可以講價架)，再加埋個D乜乜保養，話3年內有乜損傷，可以換部新喎，加加埋埋好似係$4x80
其實我覺得CANON既色係SHARP過NIKON既色架(按我現時有的比較)，但有時連d"暇痴"都影到，不過我再會去研究下點影先靚d，只要我比心機，相信將來影囡囡D相，應該會好靚既
這張係試機，你地睇下泡哥(貓貓名字)幾識擺POST
我都係影到有些曚架，但會再努力研究，相比起部傻瓜機，已經好好多啊
昕晴終於肯比嗲哋抱而唔喊啦，哈哈
部機係送埋腳架的，咁以後我地影全家福，就可以不求人了，YEAH
昕晴咁樣瞓係最冧架，你地睇，我已經有老鼠仔啦
衰妹扭抱時，乜樣都出齊呀，嘻嘻
