Cyan & Mike wedding on 11.11.2007

在此再講多次，祝倩兒同家輝白頭到老，永結同心

好感謝你邀請我同方大哥出席你們的婚禮，在整個過程中，你都好叻女啊，時間keep得好好，我都要參考你當日的造型及rundown

我地真係好好彩，行街行到唔知時間，我地一落左巴士，就勁跑去hall 10，好在你地仲未入去，在門口影張靚靚相先，第一眼已經找到你，好靚靚呀

這張係註冊時，當Cyan宣讀個一刻，好感動的落淚，搞到我都有d眼濕濕，但我隔離個個女仔已經在抹眼淚中，好感動啊

Cyan真係勁多人排住隊等影相架，咁見到家輝咁得閒，當然係唔會放過你啦，heehee，蝕左，唔記得攞簽名tim

YEAH！終於攝到位影相啦，你地真係好sharp呀！郎才女貌，絕配

我地終於等到你換完衫，你一出黎，我見到你對手..............嘩，你好多親戚呀，你對手咁silm，但帶咁多呃，真係鄧你重呀，但，見到就好開心，知你既家人及親友真係好錫你啊，仲有靚靚細妹，嘻嘻

我地蝕左架，有些衫無影到，這是其中一件晚裝(無用閃光，所以d色爭dd，都係等你攝影師個d，嘻)，點都要攝位影番張先，除左我地，仲有院友豆豆，仲有多謝肥哥哥mc記得我地排左好耐都未影到，再用咪叫番我地出黎，heehee

這件都係好靚既一件(有用閃光下真係靚好多啊)，知你好喜歡，我都好喜歡，yeah！

最尾個件，你地實在太趕時間啦，無法影到，唯有到時等你upload啦，你真係太多人跑去找你影相啦，哈哈

家輝既冧人歌聲及祝謝詞，有個對你承諾一生一世，一心一意愛你既老公，聽到都好感動啊，要好好珍惜對方啊，仲有，Cyan，謝謝你

在此，我d相可以整到咁正，特別鳴謝苓苓，你又教多我一樣野啦

邀請卡

在這裡，真的很感謝偉業及杰杰，無你地幫手，我既邀請卡真係唔知幾時搞掂，偉業既設計，每張簡而清，係我地最愛，而杰杰，真係................很感動，一切也在心中，我同男友都錫哂你！

成個過程好多恩典，長話短說，比大家看看我們的邀請卡先

超愛這張，因有我地好喜歡的米奇老餅，嘻嘻

這張好有意思，好似搭火車去旅行，我地都好鐘意

這張攝於仙湖，我與男友都勁like的，應該話好多人都like！

今次偉業幫我地設計左3款，我地只比相(好幾款)，但也選中我們心中喜歡的，偉業你真有眼光，kakakaka

其實邀請卡主要係派比教會中的弟兄姊妹，因我地會有好多人都唔會黎到飲宴，所以有好多人會邀請來觀禮，我會隨機入信封，所以，入到邊款既話，就邊款架啦，哈哈哈

偉業介紹左我地去一間樓上舖，曬1張"雅面"，$0.9一張，可以每款囇一張黎看看顏色，質數好得，靚過快圖美，因我地都攞左去其他間去試色，這間係平靚正之選，我地成個過程，曬成200張，都係等左20mins，但最搞笑，係去到佢舖頭，要打電話，佢會由1樓將大門KEY拋下來，這點好得意，唔係偉業，真係唔知有D咁既舖，GOOD GOOD，好介紹

 

舖名：OUTPUT PRO LAB

地址：旺角新填地街612號二樓(1/F) (太子地鐵站C2出口即維港酒店正門對面)

電話：2380-4077

WEBSIT：www.outputprolab.com

人情

因今年的金器太貴了，我就告訴媽媽不用買，只要有一對便夠了，感謝主，我阿伯有一對比我，雖然按人看好似好肉酸，無乜呃，但，對於我地來說，現金才是最實際啊，我唔想她們太用錢！

過大禮後，媽媽封了金器及買新衫既錢比我，在我無錢期間，有這些錢錢，令我感到很溫暖很感動，金器個份會放番去同男友一齊SAVE的戶口，而買衫既就自己用，YEAH！

而晚上，約了由中學F.1就識既CARMEN去了旺角行街街，當中傾開禮金，因識左太耐，都好開門見山，當佢問我時，一係大份禮物(e.g鑽石...........練，因有紀念價值)，一就小禮物+禮金，大家就決定左小禮物+禮金，傾計中，她都好唔捨得我嫁，好似唔知點咁，我自己又何常唔係呢，當嫁左就無咁自由，不過我都會有自己私人時間既，同埋我都應承左，將來有乜事，你第一時間找我，我都會即時跑過來撐你同幫你掃小強的，哈哈哈哈，夠義氣啦掛

當回家時，聽到d親戚朋友話我地張帖張相唔靚，話我個張相兩個人分開哂，分離分離唔好喎，唉，都唔知點答佢地，我只係覺得各花入各眼，佢地都係like新天地個d大頭相，為免吵，我就無理會，最開心，係開始收到人情啦，我媽媽請的賓客中，有個叫燕婆，佢死都話要買金器比我，但人地老人家，有個錢都旁下身呀，咁我媽都話我已經講過，唔好買金器，咁佢就封了封利是給我，但我告訴媽，佢既賓客比番佢，因我知佢無錢，將來我嫁左，又唔會比到太多家用，叫佢自己save，繼續努力呀，yeah！

過大禮

今天終於完成過大禮這part，可以正式派帖啦，過大禮真係每個人不同，因我們是潮州人的關係，所以我媽買的中式餅，係一間叫和記隆既餅家，由於過大禮時我阿婆唔比我在場，要我入房，所以個part沒有影到任何東西，我既親戚一早到來祝賀，那些餅，當我晚上回來時，已經沒有了！

還有，今天真係很感謝嘉諾(因知他不想出鏡，無upload他的靚仔相)，他的協助，令男友都無咁驚，因今天我家真的很多人，我親戚、媽的c9朋友，大家都滿心歡喜地祝賀我們，感到時間真的就快到了

越來越不捨得屋企這個感覺越來越大tim

Honeymoon - 北海道 + 東京迪士尼

超開心，昨晚終於報左名啦，我真係少去旅行，原來旺角銀行中心3-5樓，3層都係所有旅行社集中地，真係去一個地方，已經可以取哂所有資料，勁正

我地參加的是縱橫遊

團名：札幌東京迪士尼溫泉雪七天團

價錢：$8,499 (原價$8,699，因早報名，所以減$200，但若然我地一早報，係$8,199，旅行社既人話，越遲報越唔著數，因d機位好緊張，所以d價錢會日日不同，我問如遲d平d又如何，佢話會補番個差價比我地，但好肯定地話唔會平過喎！)

其他雜費：$731 (包埋所有機場稅...............)

導遊費：$700 (我希望係YEN，嘻嘻)

保險費：$242 (佢話這個可以自己買)

總數：$10,172 for 1個人 (well..........好死貴呀)

我地價過下格，東瀛遊最貴、永安第2，縱橫遊算最平，因前兩間，團費未加野都9字頭，我地已經唔係聖誕假去，真係好貴呢！雖然真係貴，但算啦，有北海道又有迪士尼，夢寐以求既迪迪尼呀，YEAH！

好啦，so少少地方既靚相出黎，等你地流下口水先，嘻嘻

      

 

  

 

  

嘩，搞搞下，我都未upload哂，已經有咁多，好，等到時再影多d比你地睇先，嘻嘻，感到自己好衰tim

倒數30天

大大話話，籌備結婚，由05年尾開始儲錢，06年尾開始上網搵資料，到左今天，係我BD前的最後一個月倒數，一個月後便是人地太太，生活及各方面，會跟之前好唔同，要再從新適應，回想起這些，很不捨得現在做大小姐既生活，現在乜都阿媽、細佬、阿爸做，有D自己做既都屈左細佬幫手，SO CHEAP，嘻嘻，以後無咁自在架啦，好，就等我懶埋這個月先，哈哈哈

很多事情還未做好

帖信封、邀請咭、邀請咭信封、花車佈置、過大禮、final試妝、final fitting、利是、唱錢、褂鞋、睡衣、book van、他家還未執好...........................

雖然還有很多的事情未做好，但寶貴有主陪伴我們渡過，感到很有意思，詩歌中既歌詞，"立志人生交託主，那懼經過爆雨，寧願一生到底去跟隨"，人生有主陪我走過，活得很精彩，YEAH