K1觀課日

14 March 2012


今日係學校1連3日既觀課日子
原先安排我在15號觀課
但個日要入院
謝謝班主任悉心安排
比我提早一天參與
其實我期待左好耐架啦


由於學校講明
不可拍攝同錄影
(因會影响佢地上課)
咁我就連相機都無帶


首先
家長們在禮堂集合
由主任講解是日流程
主任話
學校推行緊
"要欣賞別人"
所以叫家長們
搵一樣欣賞子女既野回家讚賞
這點我超buy
因為每個人
都想得到別人讚賞


入到課室
佢地剛剛係講故事時間
整整一個小時
讓我看到不一樣的昕晴


每個小朋友 (當然唔係全部)
都會懂得聽老師指令
做完每件事情
都會安靜等候
這part令我十分欣慰


老實講
全班得2位老師
講真
真係不能夠睇到哂
全部學生 (每班25人)
如果學生們唔安靜
咁成班就會好嘈好亂

由學初期
到現在
真係有好大既改變
見到昕晴既進步
令我感到開心


不過亦見到某d家長
在小朋友分組做野時
係咁不斷同自己個小朋友講
你唔係咁做架
唔可以架
之後仲捉住小朋友隻手
教佢點做

講真
老師一早講左個個活動係點做
但我唔明白
(或許家長們較心急)
見自己個小孩做錯少少
就好急不及待
用自己方法教導小朋友

其實
我地係咪應該放手
讓小朋友自己搵番自己條路呢？
就算做錯
咪等佢地從錯中學習囉
使唔使捉埋佢地隻手
教佢地點做呢？

不過每個人都有唔同做法
都理唔到咁多


事後
家長就上去活動室
睇番老師錄影佢地平時上課既片段
又可以同班主任傾番小小上堂表現
再圍埋一齊
討論點教仔女先係最好
之後就接放學


好開心學校安排觀課
讓我可以看到
不一樣的昕晴
原來阿囡在學校
係較聽話同合作

我亦見到佢熱心幫人既一面
真係令我大開眼界
可能我會用欣賞既眼光
去欣賞阿囡
所以覺得今次見到既
係一個又乖又熱心幫人既昕晴
感恩！感恩！

阿囡
你要keep住呀
媽咪想見到
你在品德上有進步
加油啊 ^3^