耶和華是我的牧者，我必不會缺乏。: 1月 2012

2012年1月31日星期二

育兒41個月

育兒41個月

即係3歲零5個月

懷孕約5個月

咁耐無上黎既原因
我個胎近期都唔太穩定
醫生要我休息多D
真係訓左成個星期
訓到腰骨都好酸
所以偷偷地
UPDATE番阿囡D野先
事後先交待下事件

1月份係新年
阿囡放左成半個月假
在這個懷孕5個月左右既時間
感謝神
沒有再嘔了
只係嘔過一次咁大把
己經好感恩啊
以為開始踏入蜜月期 ^^

阿囡表現都係KEEP住
時好時壞
唔扭計豬既時候
真係好好
好乖
好有禮貌
令人非常窩心

但當唔順意
就大發脾四
又唔願意聽人講
有時都好激氣架

不過我相信
每個小朋友都有自己既特性
一定有唔聽話既時候
可能佢係自己個囡
睇既野或要求
都會比其他人高

盼望
都係個句
大家會越黎越好

簡簡單單記錄底先
我這個無記性既媽咪
真係唔記底既話
轉個頭又會唔記得架啦
嘻嘻

2012年1月23日星期一

新年保暖3寶@2012

2012年既新年
真係好凍
阿囡個件中國服
係無袖的
所以係個幾日都唔啱著
唔想特登買過
因為都係著個幾日
所以求其著就算

不得不讚
UNIQLO這件羽絨
雖然好簿
但都好暖

新年得個幾度
我都只係幫阿囡
著左4件
(底衫、羊毛衫、面衫、羽絨)

而這個護耳的
原來真係好暖
頸巾都係超暖

話說初三我地入到錦繡花園
真係凍到
人都癲呀

仲要晚上去左湖邊
阿囡走來走去
唔要個個護耳
就由我帶住
嘩
一帶即FEEL到佢既保護程度
好勁

所以好慶幸有
保暖3寶
(羽絨、護耳、頸巾)
否則
真係會好凍

2012年1月18日星期三

K1禮貌獎

18 JAN 2011

上學期散學禮
之後就開始放新年假
當天
返到屋企
昕晴拎左份禮物比我睇

細心一看
原來係禮貌獎
我問昕晴
係咪每個小朋友都有獎
佢話係

咁我就以為
人人有份
永不落空

第2日係家長日
我多口問老師
點知老師話
全班得2個同學有這個禮貌獎
同埋唔係個個同學都有獎攞

個一刻
真係好開心同驚訝
原來阿囡係學校中
係好有禮貌的
人生第一次攞獎
點都要記錄底先
叻女

2012年1月15日星期日

今助@沙田

今期好多篇
都係講關於食
平時既我
都唔會要求好高
但今次
係因佢地既服務員關係
令我唔會再去這間野

今個月
有朋自遠方來
好難得先約到出黎
今期去左沙田搵食

這間今助
係新城巿7樓
我地個日去到
唔算太多人
但都要等好耐

原因
我地7個人
佢比左"D"票個條LINE我地排

A票for 1-2位
B票for 3-4位
C票for 5-6位
D票for 7-8位

我地等到咁上下
發現唔對路
因為佢叫親都只係A或B
C都係叫過一張咁大把
之後我地問過佢地

佢地話我地排既係D票
要叫完C票
無人先會叫D票
(咁點解唔一早比C票我地排呢？)

同埋佢大枱既位唔多
即係要等大枱既人食完
走左先可以再入
又唔會為我地拍枱
咁即係我地人多
就要等好耐好耐
發左幾次火
先至有位
印象己經大打折扣

後記
食物質數OK
係味道較濃
外國回來既友人覺得好重味 (因佢地食慣淡味)
價錢唔算太貴
好似我地一個SET
都係約$72

但佢地既服務員
真係超唔掂
好多時佢地睇到我地舉手
例如加水
都可以當睇唔到
要大聲叫哂"唔該"
先行過黎

最離譜既個樣
想叫服務員幫我地影一張合照
服務員聽到我地叫佢
知道咩事
竟然走左去
無再返轉頭
真係好無禮貌

最尾我地只好叫隔離位既小姐幫我地
第一次遇上咁差既服務員
如果再有機會
應該唔會再去

或者
佢地有難處
好忙
我唔知
但我食過咁多地方
第一次遇到咁有質數既服務員
就算唔幫手
都唔好擰頭就走

都巿閒情 - 今晚食乜餸食譜

C9節目 - 都巿閒情
我自己係一個
對煮餸唔會探入研究既人
而都巿閒情入面既今晚食乜餸
就啱哂我地這些懶人

因為佢地教既菜色
都唔會話太難
但平時睇
好多時都唔會記得佢地落左D乜調味
抄又抄唔切
無意中比我發現
原來佢地有食譜架

今晚食乜餸食譜
http://programme.tvb.com/lifestyle/pleasureandleisure/i_info/?page=1

咁我通常見到自己喜歡既食譜
就會上番MY TV
睇番佢地教煮餸既過程
從中偷師
上網有個好處
係一入就可以睇到教煮餸個PART
方便方便

MY TV 都巿閒情
http://mytv.tvb.com/lifestyle/pleasureandleisure/127046#page-1

個人較喜歡ANNIE教既餸
因為較簡單
無咁複雜

李師傅個D
有時材料太多
調味又多
同埋D餸未必啱我口味

而BEN CHAN
教個D都係健康野
有新鮮感
我都幾喜歡

但近期好明顯係幫人買廣告
見到佢用個D煮食用具
好方便就煮到一個餸
但在於經濟原則下
我這個CHEAP CHEAP C9
未必會買成舊野返黎

而佢地KEEP節目
大約會KEEP到成60日
(因我見到佢有成差唔多2個月資訊)
唔似劇集
一個星期就無得睇
唔錯的選擇

2012年1月14日星期六

MY BIRTHDAY@2012 (下場)

去完海洋公園後
就快快手出番去搵食
之前在BLOG友網誌中
見到這間野
好想去試
就決定生日飯係度食

勝博殿位於銅鑼灣
在MTR F出口行一陣就到
以炸物出名
類似吉列個D咁
(但我無食過吉列，所以無得比較)

打去BOOK枱時
佢地話晚上無得BOOK
上網見到D人話又係要排哂隊
我地去到大約7:00
其實佢等位位置都迫迫地
好在等左唔使30 MINS就有位
感恩感恩

由於第一次食
好多野都覺得好新奇
椰菜同前菜係任添的

枱上個2款汁
FOR食椰菜用
芝麻汁較好味

芝麻係點炸物用
阿囡好興奮咁磨磨磨
當然最尾要由DADDY出手先成功

再加埋D醬汁
搞掂

全名唔記得
炸豬柳餐 (大) $148

炸豬扒餐 $148
佢地有麥飯同白飯選擇
飯類同湯都係任添的

後記
我同老公一致認為
炸豬柳勝出
因為真係咬落去好鬆化

反而失望既
係豬扒
叫既時候都有問過佢地D員工
都係話豬扒較出名
但我地個日食到既
係好鞋好硬既豬扒

如果要我選擇
我地會為豬柳再去
但豬扒既話
可以SAY BYE了
嘻嘻

最後講下我既生日願望啦
查實每年都係個D
但都好想實現
就係我所認識既人 (家人與朋友)
可以有機會信主
每個都身體健康

MY BIRTHDAY@2012 (中場)

上回講到
我地今日會去海洋公園
是日係星期六
我地都預左多人
同埋天文台話會落雨
但難得生日個個免費
好在只落左2次過雲雨

而今年
除了生日免費
生日個個仲可以幫一位同伴
以半價購買一張入場卷

同埋佢地今年35週年
如果身份證有"3"或"5"就有9折
"35"連住既
仲可以有65折

昕晴己經3歲
我地就幫佢買飛入場
慶幸佢既出世紙
有其中一個no.
今年全家入場費
都只係 $266
一家4口好抵呀
多謝海洋公園既優惠

黎咁多次
第一次發現這個地方
原來這邊都有熊貓架
仲要比安安同佳佳個邊
影得近同靚

這隻熊貓仲好似識笑
好可愛呀

由於我這個大肚婆
乜機動野都玩唔到
所以今次主力
都係陪昕晴玩兒童王國

今次阿囡好利害
唔使我地陪
好多機動遊戲都自己玩
佢竟然
自己夠膽坐跳樓機
真係大個囡啦

最搞笑既
我地見到威威劇場有人指示過去
咁問個個工作人員係咪就做show
佢話係
咁我地就入左去
但坐坐下
發覺唔對路
點解連tvb都黎埋

原來我地睇既
唔係威威劇場平時做既show
而係甚麼保育白海豚開幕
我地就白白等左起碼20mins
最尾選擇等佢地講致謝詞前離開

阿囡好喜歡影大公仔
好在是日唔多人
唔使點排隊就影到

玩到咁上下
就搭纜車去玩新野
同埋去m記依肚

其實這邊都係for daddy玩
我同阿囡就等待+影相

感恩既
可能當天天色真係唔太好
所以算係較少人
最多既係國強人團隊
但比起好天既話
真係叫做少人架啦
因為我地去親洗手間都唔使排隊

因為仲有下場
所以玩到咁上下
又要走啦

我今年唯一一個game
就係陪阿囡坐氹氹團
因為佢唔夠高
一定要一位大人陪伴
其他的
只係坐過唔知乜既車車
同摩天輪

好啦
完滿的一天
有機會
再黎

唔知出年
阿媽有無時間幫我湊b
等我同老公
瘋狂玩番日呢
嘻嘻

MY BIRTHDAY@2012 (早場)

14 JAN 2012

這天係我既生日
一早PLAN定今天會去海洋公園
訓到咁上下
搭車去藍田個頭搵食

好想食荼餐廳
是但入左一間
無記錯
佢地好似叫 "三盞燈"

近期喜歡這款既早餐
所以覺得好好味
唔知係咪心情好
所以食乜都好味道呢
嘻嘻

阿囡都好合作
比佢既都可以清哂
我發現
冬天昕晴係食得比較多架
所以個面仔都圓左不少
嘻嘻

好愛昕晴這個衰樣
真係好想咬啖佢呀

YEAH
食飽飽
就搭mtr去金鐘搭巴士
go go go

2012年1月10日星期二

和民@TST

10 JAN 2012

今日好開心
相約媽咪好友
一齊聚一聚
我覺得
做左人地阿媽之後
私人時間確實少之又少
難得有機會
趁未生小B前
快D出席下先
否則
生完一定忙爆

約係尖咀
都係方便大家
可能大家都好期待
所以個個都早到
諗起都開心呀

由於我這個大肚婆
好多生野都唔食得
多謝大家相就

和民既野細細碟
適合我地多心既人
我地今次叫左好多款
大滿足呀

海老蟹肉丸子
點埋佢既汁就好好味