育兒39個月

39個月

即係3歲零3個月

懷孕約3個月

今個月既我
依然嘔過不停
平均每天都會嘔
起碼一次
又係無心情無時間陪阿囡
只係希望
嘔埋今個月會進入蜜月期

好多時
都會叫昕晴自己玩
好在佢都大個囡
又知道媽咪唔舒服
都會好乖咁自己玩
唔使陪

另外
亦很感謝老公的幫助
現在好多野
都會由佢TAKE CARE
好似阿囡沖涼
早上換衫返學
一部份既家務
都由老公搞掂

唔知係咪要照顧個大既
好多時
無乜時間
同BB傾計
唔會好似第一胎咁
咁緊張

所有昕晴個陣會做既野
今胎都無做過
哈哈
確實係好大細超
但可能有左經驗
所以無咁緊張

而阿囡表現
感覺上己經好過上個月
希望
越大越好
越大越聽教
家陣佢係要進入
講道理既階段



有時會覺得
好對阿囡唔住
因為無時間陪佢

但最SORRY既
應該係老公
自從有了小朋友
我既照顧對象
己經落入小朋友中間
相對同老公拍拖既時間
確實少之又少

最感謝既
係老公明白
佢都會好TAKE CARE我既情緒
(因有時都會發覺自己情緒好波動)
所以有另一半既支持
係好好的

親子廚房 - 蟹柳沙津

昕晴好喜歡做小廚師
現在我同佢有個協議
就係話
如果佢在學校乖
無比老師罰
(佢經常因為傾計比人罰企)
到星期五
我就同佢整一樣野
例如啫喱、沙律等小食

而昕晴為著有得整
係有進步的
相信
慢慢佢會越黎越好


今次
整蟹柳沙律
因粟米我係用一大包倒出黎
不是用罐頭
所以
蟹柳同粟米就蒸左佢先




而菠蘿
就留番比昕晴自己搞掂
蘋果就我一早切左

等阿囡切完
就將粟米同菠蘿放落去大碗度
再落沙律醬
搞掂

最尾
放蟹柳
用手撕的
都係由昕晴搞掂
完成

我同老公非常喜愛蟹柳沙律
但阿囡就麻麻地
咁下次再整既話
睇下可以落乜先

學校活動@種秋英

我發現
原來今年每間幼稚園
都係種 "秋英"

阿囡在某日放學回來
校車ee話學校比的
叫我地回家種

其實我好衰
無第一時間將"秋英"轉盤
等左幾日
佢好似CC下既時候
先將佢轉盤

開頭唔知係邊度搵D泥土
見到FB內
有媽咪朋友話
係日本城買
第日即買回來
叫DADDY同阿囡合作
搞掂佢



開頭落左D施肥既水
都好似好地地
但往後
相信
我這個盆栽殺手
真係種乜C乜
唔夠一個月
佢己經C左啦
嗚...........................

見到其他媽咪種個D
種到開花架
睇黎
我家真係唔適合種野

CARSON生日爬地@2011

20 NOV 2011

今天來到CARSON生日會

壽星仔是日病左
真係陰公豬

靚靚氣球

我地算早到
趁唔太多人
影下相
3歲幾
己經超多表情

再遲D
點算




YEAH
熙熙都到埋
大家又傾傾傾
生仔湊仔經

阿囡性情好難捉摸
有時對住人就好熱情
但有時又拒人於千里之外
是日玩既時候唔合作

CUT CAKE時
終於見到壽星仔既笑容




FANNY EE在此祝你們一家
個個都身體健康
小B順順利利出世

孕婦湯水

特別鳴謝好友提供資料
等我唔使諗爆頭
都唔知煲乜湯

懷孕初期

蓮子元肉排骨湯 健脾寧神
合桃雞蛋羹 滋陰補腎
栗子紅蘿蔔煲雞 肝腎虛弱
番茄薯仔腰豆排骨湯 健胃補血
黃豆排骨湯 強筋骨
杜仲豬展湯 安胎滋補
阿膠大棗當參湯 補氣養胎
准杞乳鴿湯 補氣養胎
合桃鮮奶飲 補腦健膚

懷孕 中期

杜仲花生豬尾湯 強腰補肝
首烏熟地湯 補血健胎
紅豆排骨湯 補血健膚
章魚花生眉豆豬腳湯 健筋養骨
烏豆杞子塘虱湯 養血活髮
燕窩雞蛋瘦肉湯 滋潤養膚
薑棗元肉豬展湯 養心安神
蘋果白合排骨湯 潤肺強筋
赤小豆扁豆豬展湯 健脾清濕
紅蘿蔔豆腐魚湯 滋陰補肌

Marco Polo @ TST

激死
YAHOO唔知搞乜
人地寫好哂再POST
佢竟然POST唔到
唉
SIDE哂我D心機


15 NOV 2011
是日跟左契媽個團既B/S
一齊食自助餐

因為有折
所以貪得意
跟埋去

我地就係第一次食
感覺就OK

今次我同阿囡2個都要比錢
但佢地有優惠
我地個張單
由原本既$6XX減到$3XX
減左足足一半

我們分開埋單
佢地成枱人個張單
有張減$200既優惠
謝謝大家將優惠比了我們
否則應該無咁平

野食方面
唔算話好多
味道只算OK

而B/S們
不是第一次去
聽番佢地既評語
係差左好多 (比起佢地之前食既)

而咁多樣野
最受阿囡歡迎既
就係這個甜品部
因為可以自己動手

當日送的芝士焗龍蝦
己第一時間食
唔熱又鞋口
好睇唔好味

最開心莫過於小朋友
因為可以食好多甜品

而大肚既我
都不能夠食太多
因為過左火
我會嘔的

而這款雪糕
聽弟兄講話貴過哈根大師
咁食多2球都抵番D
嘻嘻



後記
未試過既去一次都無防
應該唔會再有下一次
除非佢做優惠
因為咁既價錢
可以係同區食D更好既

同埋洗手間位置極唔方便
可能佢地內部裝修
我地在一樓食既
要去到六樓先有洗手間
如果急既話
真係死火

DADDY畢業禮@2011

老公係一個好好學既人
出左黎做野之後
都會不斷進修
而我
真係無這份毅力

11月頭
係畢業典禮大日子
雖然個日阿囡要返學
但都想帶埋佢一齊參與

感謝我身邊有好多好好既B/S
當天有姊妹請左幾個小時假
幫我湊囡
因為小朋友唔可以入去
咁我就可以同奶奶
入去觀禮



今次老公讀既係MBA
如無意外
會係近年最尾一次
因為黎緊要生多個
老公應該無乜時間再讀
但將來
時間許可
應該會再進修
所以襯有袍既日子
相約B/S們一齊影下靚相
作最好的留念

美孚既嶺南之峰
確實係靚的
所以每次畢業相
必定會在這裡拍攝
相信
老公最冧的
就係阿囡攬得咁肉緊
嘻嘻

在此
多謝咁多位弟兄姊妹
抽空與我們拍照
相信老公係最難忘的

初影聖誕燈飾@2011

10 NOV 2011

今日又係去左產檢(政府)
係咪好出奇
點解可以排咁快呢

事原第一次產檢個陣
姑娘問我做唔做初期唐氏綜合症
咁我當然做啦
佢就好好人
幫我排左一星期後做
就係今天

咁又係我
偷懶唔煮飯既日子
今天都係決定出去接DADDY放工
可能知道出街
阿囡心情特別靚
成個車程都好似開籠雀咁
唱不停

因為上次應承左阿囡
今次會帶佢搭船
咁我地就去左KFC醫肚
再答船過尖咀影下燈飾
因2邊我地都可以搭車回家

同埋阿囡唔知點解
超愛搭船
成日叫我地帶佢去
所以有得搭
心情勁靚呀

香港既夜景
真係最迷人架

我地11月頭去
都無預過咁多人
相信
聖誕節個排
一定迫爆
所以都係影左先

有諗過
係日頭黎
但
日頭又無咁有氣氛

三眼仔
超可愛呀

海港城
今年算報置得唔錯
雖然係幫迪迪尼買哂廣告

但令到我地大人細路
一見就開心
都係好事黎既

今年至愛
這棵三眼仔聖誕樹



快快手影完就回家
因大肚婆唔可以WET咁耐
條腰同個胃
又開始黎料
嘻嘻
頂住呀

學校訓練@分豆記

唔知大家既學校
會否好似昕晴咁
除了功課外(其實唔多)
就會有本習作
要回家做
其實係D親子活動
叫我地家長回家同小朋友一起做

阿囡每星期都要做2個唔同的活動
今次
係分豆
原意係想訓練佢地D手指仔
又想佢地分到顏色

其實顏色己經幫阿囡分左
(我指係D兜既顏色)
佢只要照番唔同色既豆
按番顏色分就可以
開頭都會分錯
但試過1-2次後
就全部啱哂
YEAH

唔好話佢
我自己幫手分既時候
都累累地
因要聚精會神做既
所以對眼會較累

好愛阿囡咁肉酸咁狂野既相
所以可能會嚇親人既
都照POST
嘻嘻