育兒37個月

雖然個BLOG唔係經常UPDATE
但我都好想堅持
寫低阿囡既情況
12月先黎寫9月既野
真係考我記性
哈哈哈

到左3歲
都無成日度高同磅重

9月
係各位小朋友開學既大日子
踏入新的階段
好多野都在學習中




以我地熟識既昕晴
佢性格都係主動既
但開左學成個月
有半個月都會喊

我都係親自接送
臨入門口個時
就扭計
唔比我走
試過有次
仲比校長"的"入去

每天返學放學
我諗我最ENJOY既
係聽阿囡講學校生活
雖然日日都係講個D野
今日玩過乜
食左乜
邊D同學搞佢
有無去過大大
有無守秩序等等
但都令我感到好享受這些時刻

而聽得太多其他媽咪講
話K1會常常病
平均要一星期睇醫生一次
所以頭個個月
我都會每天為阿囡帶口罩
以防萬一
好在阿囡都無抗拒
GOOD GIRL

而扭計情況
當然係常有
但當阿囡知道就黎要做家姐既時候
有時都會好主動
幫手我做家務
唔知係咪真係大個囡
摺衣服時
都有板有眼 (雖然唔係我想要)
見到佢咁主動
令到我都好感動架



盼望
阿囡KEEP住
主動幫手做家務
嘻嘻

我也盼望
大家既身體
都能健健康康
唔好再病啦

葉酸@GNC

唔知大家懷孕期間
係咪都有食葉酸既呢？

我生昕晴時
因為無睇私家
政府就從來無開過
這些比我地食既
so
就無食過


到左今胎
諗住無乜野都唔會去睇私家既我
老公提意
食葉酸
咁問左其他媽咪朋友
就介紹左這隻

有朋友叫我食到3個月就唔使食
亦都有些叫我食到生
由於我買左成樽
到現在仲未食哂
我都會keep住食哂佢
唔好side呀ma

之後朋友又叫我要食
乜乜綜合維他命
唔知大家有無食開邊隻
可以介紹下呢？

因無睇私家原固
所以好多資訊
都係從媽咪朋友口中所得的

剪髮記

嘩
今期真係金 (睇E生既$$)
我病完
就輪到阿囡
再輪番我
阿囡仲要高燒左幾日
心痛C
今晚見阿囡好D
自己身體又好D
上黎UPDATE下先
唔想荒廢左個BLOG呀

******

己經唔記得剪到第幾次
每次我都唔甘心
CUT個少少
就去出面既髮型屋

襯阿囡仲未識反抗
都係由我負責操刀
這個斗篷好好用
係人地比的
好似在日本城個D
定吉豬島10蚊店個D可以搵到

可能大個左
肯乖乖坐定定比我CUT



雖然唔算叫專業
但就咁CUT前面
都OK既

尤其阿囡咁合作
我就無咁驚

小朋友既頭髮生得好快
所以都係自己剪有著數
雖然無人地CUT得咁靚
但我自己都收貨既



遲D阿囡識性
可能會要求媽咪比佢出去剪
曾經有諗過
去工聯會個D上堂
學剪頭髮
但現在
更加無時間
睇下將來有無機會先

再度..................

26 Sep 2011

今天終於証實
我有了身孕
由於努力左成年都無
自己都有尋求
好多方法
睇中醫
計排卵期等等

係我地都放棄既時候
神就賜這份禮物給我們
真的感恩

因為
努力左咁耐
好明白
有好多野
唔係必然
就算身體幾咁健康
大家都無病無痛
並不代表
就能順利生產


預產期將於2012年5月2x日
而停blog日子
就係身體不適既日子
我到家陣都仲嘔緊
(己過3個月)

盼望
遲d身體會好些
咁我就唔使經常休息
我就可以同阿囡
多d出街
因為我覺得好對阿囡唔住架
家陣常要休息
困住佢在家
希望這些日子快d過去

也願主祝福小生命
平平安安
健健康康地成長

探訪巧琳家

25 Sep 2011
好耐無見既好姊妹
今天相約一齊食飯

巧琳跟昕晴
年齡相差8個月
性格就天壤之別

昕晴性格
喜歡爭人d野
霸住哂d野
似大家姐咁
這位小朋友
真的要用好多心血去教導

而琳琳
性格溫柔
與人分享
係一個好好的小朋友

謝謝琳琳既分享
令阿囡在短短幾小時內
己經玩盡各樣玩意

有動亦有靜

到左食飯時間
阿囡都要爭住
人地坐開既chair

謝謝joyce既熱情招待
好好味呀

食完飯
再食cake
好喜歡佢地既眼神

最尾
開始進入高峰

玩到癲哂
是晚
阿囡仲成日發開口夢tim

真係希望
你們能成為好朋友
我也盼望
阿囡近得琳琳多
可以學習到
別人的好處

相信每個父母都想自己個小朋友
又乖又聽話
但每個人既性格都
不一樣
無論幾差
作為父母的
都會無條件地愛自己既子女

盼望
神加力量
各位一齊加油呀

不倒翁@尖沙咀

22 Sep 2011
今天
大家都飛起老公飛起仔女
3位媽媽
相約黎到這裡
傾談一番

謝謝Tracia介紹

第一次黎
環境食物
一流
最重要既
係有個咁靚既view
比我地3位媽咪
暢談

最愛的"渾醬"

相信
這裡貴既原因
就係佢有無敵靚view

環境真係好正架

估唔到
我地3個既口味
都好相同
大家都好愛
胡椒豬肚湯底
yummy yummy


以下就係我地叫既野食
無論係菜

丸

肉

餃 (由於好味，order 2份)

炸物
樣樣都咁好味道

食完仲有甜品送

今餐每位$27x
貴就貴左d (對我黎講)
但能夠與大家一起
無所不談
這個moment真係值的


盼望
再有這些相聚

是晚辛苦了孫ee同老公
要幫手湊囡
好在有好姊妹住我家附近
否則我都不能咁準時
可以出席到

捐贈之禮物

某天
原先約左個fd去拎整蛋糕既野
點知最後拎既
竟然係阿囡既玩具

因為朋友在福利機構做
久不久就會有人捐贈
(當然是次係有咁啱得咁橋，讓我可以免費拎咁多玩具啦)
捐佢地屋企唔要既野
我個日
見到成幾箱既玩具
有d連包裝都未拆開
有時係度諗
d人係咪真係有錢到
不停買買買
但買番屋企
又唔玩
只係放埋一邊

拎得最多既
就係印仔
阿囡超愛呀

在此
我都要多謝捐贈者
讓我們有新玩具玩
我地唔會理會
d玩具係咪2手定點
只要有得與阿囡分享
就己經足夠

Mocha仔一歲生日爬地

13 Sep 2011

有幸能參與Mocha仔一歲生日會
原本打算同阿囡一齊參與
奈何佢病了
費事野比其他人
都係我單拖去好了

Hello Mocha仔

今日好型喎


Mocha媽&爸報置的
(應該)
呵呵呵

今日無阿囡在
我真係好清閒
周圍同人傾計
又狂影人地d小朋友
大咀妹妹就係其中一個
比我狂影的靚女

仲有珧珧豬
可能怕生保
所以特別嗲

唔使照顧阿囡既我
乜都影番餐
呵呵
唔止影
仲食左唔少tim

hihi Casilda
第一次見面
真係好想咬啖佢呀

回禮小禮物
i like 天使Mocha

又比我捉住黎影相啦
好在大咀妹妹好合作
唔拒絕我

yeah
超靚既cake呀

今次去係Mocha仔生日會
估唔到
大家都預備左生日禮物比阿囡
(8月份生日)
真係有心

返到屋企
昕晴己經急不及待要拆禮物

講漏左
回禮禮物唔止相架
仲有公仔同食物
謝謝Mocha媽的細心

我話要影左相先比佢開
阿囡己經high到
張張相都古靈精怪

因為這個玩意
實在太吸引了
再一次多謝
yannie ee、erica ee、linda ee、阿依ee

真係好精緻
睇到都想食
佢有朱古力粒係度架
yummy

在此
fanny ee祝mocha仔
生日快樂
身體健康
快高長大
聽教聽話