3V婚紗攝影@單人

這輯單人照

查實已經係09年既時候要影的

但一些問題

搞到現在先影

謝謝3V的體諒

自從

影婚紗相之後

好耐都無上過去

現在的3V

已經做得有聲有色

真係大左好多

靚左好多

pro左好多

當天

懷著興奮的心情上去

點知

落雨

down down地

查實香港已落

只係博下深圳有無咁大

唔想請假再上

因我地影平日

唯有照去

佢地室外

真係靚到呢

如果我現在先影婚紗相

相信

唔使在任何地方再影

因為佢地既景

已經可以影到好靚

本身

我地係去東部華橋影的

但天雨關係

就改左室內既酒店

感謝3V協助+體諒

當天

也是天雨關係

個日只得番我地一PAIR人去影

都啱既

影結婚相既話

咁一定要最好

我地只係單人

室內都照殺

去到

見唔算落好大雨

就博一博

去左東部

因為酒店都係在東部隔離

只係2度既門票

係唔一樣

即係去左東部

就唔可以去酒店

只能2選1

由於我比較肥

所有自家影個D

都出唔到街

無謂嚇親街坊

無放上黎

去到中段

真係開始大雨

個度既職員

無拉拉問我地去唔去酒店影

嘩

有無咁so

我地當然去啦

感恩感恩

無諗過

落雨天

除了無人同我地爭衫外

仲可以去到東部+酒店

今次最感謝的

當然係3V上下

所有員工

因為佢地真係專業的

過左咁耐

劉政依然係咁落力

訓地、爬地

真係乜都做齊

而今輯

相信係我近期

最後一次影單人

哈哈哈

留番少少餘地好D

將來

就算影

都應該係影全家幅

靚媽

謝謝你的遷就及幫助

時間

改完又改

就完又就

今輯相

確實是多災多難

 

但最尾

都很感恩

能夠影到我地心目中想要既野

 

將來

盼望再有機會

與你同行

跳舞、音樂天份？

近期

阿囡比我既感覺

係好似好有音樂天份

因為

佢唱巾幗梟雄時

可以跟足古生一齊唱

仲勁過我

死唔死

 

其實唔止巾幗

係所有劇集既主題曲

都會可以哼上口

當然唔會成首唱哂

而另外

聽英文歌 (尤其PG有個D)

會特別投入

仲會手舞足動

係咁跳舞

見到阿囡

真係感到佢

長大了

好有動感

雖然係2歲幾人仔

但竟然有咁好既音樂天份

呵呵呵

自己讚自己個囡

真係唔知醜TIM

將來

係咪應該比佢學唱歌

或

學跳舞呢？

近日

有好姊妹

比左套芭蕾舞裙阿囡

真係好靚架

搞到我心思思

想幫昕晴報名

但唔知

幾多歲可以比佢開始學跳舞呢？

大家又有無邊間

係好既

介紹下呢？

 

原本錄左條片

但YAHOO唔使做乜

平時可以放片既地方無左

要去到非YAHOO網

上載完

再又整番上黎

真係我這個電腦白痴

都唔會搞咁多野啦

唯有

在老公的面書上

UPLOAD

觀塘浸信會 (面試+結果)

我地第1心水學校

就係這間

觀塘浸信會

 

已於佢地openday時取了表格

同埋交埋報名費

接見須知話

家長可為孩子帶同一件喜愛的玩具到校面見

開頭以為佢地一定要

咁阿囡最愛既係佢個bb公仔

但阿bb實在太大個

咁唯有帶另外一隻

(最尾原來都唔使攞隻野出黎既)

一去到

有個指定地方

交表&等候

等待期間

會有幾款遊戲

供小朋友玩

之後等叫

就排排隊

一齊入去

開頭以為要等好耐

但原來都算快

約15mins見一堆人

佢地有6間房

每間房會見3對人

(即15mins見成18對人，勁呀)

每張枱有玩具同一位老師

老師會簡單問下阿囡

我估睇佢有無反應

(查實昕晴比課室內既環境吸引，勁坐唔定)

會問佢叫乜名

幾多歲

邊個同佢黎

 

開始老師叫昕晴配對

即將d正方形、長方形配番啱位置

阿囡就一半半

有d得有d唔得

唔得個d就要提佢

之後就問顏色

阿囡係唔識的

因我已講過

阿囡每樣色只係會話紅色

咁我都有向老師解釋

我有教 (費事比老師以為我唔理個囡)

也有問過醫生

但都未掂

不過老師話佢仲細

叫我慢慢教 (good good good)

之後就係認圖

老師會有本書仔

裡面有日常生活既圖

其實這方面

我無教的

但阿囡竟然全部答啱哂

我都好驚訝

老師每同佢玩一樣野

都會問我

屋企有無架

我覺得

可能校方想知道家長

會否有時間照顧子女

而我係全職媽媽關係

應該會加分 (我估)

 

而老師都有比其他玩意阿囡玩

睇下佢識唔識

阿囡會跟住Miss做既再做番一次

而最值得一讚既係

阿囡玩完d野

會幫手執番

老師就讚阿囡好有手尾

好快

成個過程應該約15mins就完成

老師仲送左d小禮物比我地

整個過程

唔算太難

可能同九龍塘區個d比

叫做超easy tim

這間只需等大約11天

就會知道結果

 

結果

阿囡係得左既

非常開心

頭痕事件

其實2間都各有各好

我地會睇下佢地升小學 & 中學既比率

2間都已交留位費

 

浸信會：

資源夠

又有外藉老師同北京老師教學 (每星期都會各上一堂)

地方大

學費超平 (每個月平均$300唔使)

 

救世軍：

見到佢地既學生

升去我地心儀既中小學既比例

都算多

 

所以

現在都仲係考慮緊

如果快d考慮到

我就會快快手

向另一間做退學

起碼可以騰空番個位

比有需要既人

 

開頭都打算試下九龍塘個d名校

但諗諗下

如果真係收左

到時學校有活動時

我地家長既參與率

未必會咁多

話哂都遠遠地

 

而這2間學校

算近我地家

如果上到車

約10mins車程

我地會安份地

二選一

唔會太多心了

救世軍平田幼稚園(面試+結果)

開頭無諗過寫低

但

作為阿囡的成長過程

都係想記底佢先

同埋

等契仔將來搵學校

有些資料可能會用得著

 

2010年

阿囡就可以報K1

我地打算報觀塘及藍田區

就由老公在幼稚園概覽搵料

 

第一間in既

係救世軍平田幼稚園

一入到去

先交表格 & 報名費

(之前已打電話約面試時間)

去其中一個room等齊人

就再去另一個room

睇佢地學生表演

表演中途

我地的小朋友可以一齊入去跳同玩

之後

再去一個類似玩玩具既地方

由佢地既學生教我地既小朋友玩

搞一輪 (約15mins)

終於去到面試

 

其實學校咁樣做

我地家長就可以順便參觀一下校舍

 

佢地每張枱會有一d玩具

一位老師

咁家長們同小朋友可以一齊入去

通常只會比一位家長陪

這裡可以2位一齊入

感覺良好

 

而老師就問阿囡叫乜名

今年幾多歲

見阿囡有反應

就笑笑口咁睇佢玩

其間都有問我點解會選這間學校

答完

佢就繼續望住阿囡玩

睇佢識唔識

例如玩bb

就會問下佢邊度係eye、nose等問題

我覺得係好簡單的

 

是日阿囡心情大好

問乜答乜

個人認為

這是成功既一半

 

in完

校長就會在大門口歡送我地

仲扮頒獎禮

叫阿囡上台領獎 (小禮物)

 

感受：

校舍唔算大

仲要在屋村內

但勝在口碑好

見到佢地d學生

真係好乖

好聽話

這間係我地第2心水學校

 

是日

為了獎勵阿囡

就同佢去左公園玩一陣

而校長話

一星期內會通知收唔收 (超好，唔使等咁耐)

 

結果

係收左阿囡的

超開心

 

咁第2心水收左

其他的都可以不用去in

只係等第1心水

in完就真係"成了"

育兒26個月

體重：約30磅

身高：91cm

主餐：奶粉早晚一次，早8安、晚3-4安

次餐：每天2餐固體，有乜比乜，下午茶多數食飽飽

其他：橙、蕉、提子、提子乾、紅莓乾、麵包、餅、朱古力.....................

牙仔：原來已經係20隻啦

睡眠：around 11小時，瞓1次晏覺，約2小時，會發開口夢

 

                     

26個月

變化開始無咁大

因為已經差唔多變為一個小朋友

每日

都會不停咁講野

不停咁發老脾

 

日日都會比阿囡

激一激

如果個日無激親媽咪

已經算非常好

非常感恩

每天

也是忙忙忙

忙於

照顧阿囡

做家務

煮飯

 

而感恩的

我唔使

日日都要煮飯

已經好好了

每天指定動作

就係要睇DVD

Barney、Elmo、Tingo...............

每天都要陪跳舞

陪唱歌

少D精力都唔掂

昕晴係可以講道理既小朋友

每次佢激親我

我罵完後

佢都識say sorry

我下次唔敢

 

而我就會同佢講數

話下次再係咁

就要點點點

個個moment

通常阿囡都會好乖咁聽聽話話

但可能轉個頭

又再搗蛋過

不過算啦

要接受小朋友係一個搗蛋王 (我指我個囡)

現在

我也會放手

比阿囡自己做番自己既野

例如

上堂做手工

會放手讓阿囡自己做

我只會從旁協助

 

掃地

我也會讓阿囡跟住我掃

昕晴都會好開心

攞住掃把同媽咪一齊做家務

唔知幾時

可以幫我洗埋碗呢

呵呵呵

心儀個間K1

已於月頭IN左

大部份問題

阿囡都有反應

都算識答 (約80%)

 

係分顏色方面

就完全唔掂

而我都有同老師講

已教左好耐

又有問醫生阿囡係咪色盲

都係唔識分

Miss竟然話

唔緊要

昕晴仲細個

可以慢慢教

唔知

咁係咪即係話得左呢？

等多幾日

就會有消息架啦

雖然教小朋友係要花好多心血

真係每天都嘔心歷血

但

睇住佢地

每日咁成長

心裡是

感恩的

幸福的

滿足的