面試+PG畢業

9 Oct 2010

今天係面試既日子

唔知係咪每個父母都咁緊張

而當我知道要interview既時候

心情係相當緊張的

反而阿囡就乜都唔知

仲好開心

以為可以去玩

in完就去了另一間

個日係佢地既open day

所以感覺上

好熱鬧

好多人

 

一去到首先拎表格先

之後再去玩

佢地有好多攤位

昕晴都玩得好開心

但因早上要去面試

我地去到

已經差唔多尾聲

有d攤位已經close左

 

而這間都係我地心儀的

希望入到啦

之後就帶昕晴返去舊時住既地方

懷念一番

是日

係playgroup既最後一堂

當天會派埋證書

真係好似畢業咁

仲有埋評估

非常認真

我鐘意

昕晴十分之興奮

因為Miss搵左佢做開頭同小朋友say hi既人

(阿囡手上係有公仔的)

Miss要阿囡同同學say hi

say bye

又要握手

又要問候

去到咁上下

阿囡就好似d明星咁

一路拍手一路叫d小朋友起身唱歌跳舞

佢仲要續個續個咁叫

突然間

我覺得昕晴好有班長既風範

場面真係幾搞笑

我未見過昕晴咁架

上左9堂

感到阿囡確實係進步左

當中

一定會有扭計既時候

但係

佢會聽Miss話

又會跟住Miss做野

 

而每個星期去到咁上下時間

阿囡都會同我講

要去Miss度

唔知佢係咪咁like上堂既呢？

希望將來

阿囡上K1

無媽咪在旁既時候

都係一樣咁LIKE上堂

一樣咁聽Miss話

咁我就真係放心哂啦

與Mocha仔有個約會

2 Oct 2010

好多bb出世

如果就啱時間

都會去探下佢地

 

今天

有幸約到一齊去探Mocha仔

昕晴一去到人地屋企樓下

見到咁大隻熊貓

就話好靚要影相

笑c

登登登登

好似媽咪既Mocha仔

Hello

你好嗎

昕晴姐姐上黎探你呀

原先Mocha仔訓得好地地

昕晴一見到BB

就話要抱

整醒左Mocha仔

因為BB太細

一個月都未有

我當然唔比佢抱

衰妹就開始發老脾

之後同佢講番

因為BB太細

叫佢就咁樣影下相

當抱左架啦

衰妹都可以乖乖咁影

算你啦

好開心可以抱咁細隻既BB呀

Gary爸爸真係一個好好既Daddy

雖然係新手

但肯主動幫手照顧阿b

確實難得

DaDa你真幸福啊

昕晴無野搞

就搞人地d公仔

又望住阿b食奶

破壞王係咁搗亂

真係唔好意思

近期實在太多bb出世

估唔到家陣既出生率咁勁

唔怪得d醫院常常爆滿

 

Mocha仔

Fanny EE在此祝你

身體健康

快高長大

聽教聽話

 

有機會

我地會再上黎搗亂

哈哈哈哈

2010國慶日

1 Oct 2010

今日節目好豐富

首先去左老公既同學仔屋企BB蕉

同學仔屋企

原來勁近我娘家

住村屋真係正

可以擁有咁大既地方

如果我地住村屋

一定會有水池

波波池

SIR滑梯

等等.........................

哈哈哈

發夢都未有咁早呀

昕晴著住對唔太啱SIZE既拖鞋

係咁周圍行周圍走

好搞笑架

是日仲有另一個BB

真係好乖無扭計

GOOD BOY

爭左老公

否則扮一家四口

哈哈哈哈

昕晴咩事呢

個表情咁驚訝既

原來玩下參觀下期間

同學仔媽咪已為我地

預備好豐富既BB蕉食物

今餐食得好豪

唔單止有海鮮

又有好好味既蒜茸飽 (醬料自制)

超好味

最重點既係

有超好味既羊架

仲係要由5星級既大廚為我地調味

羊架仲要唔SO

真係好味到呢

見到阿囡幾認真

佢真係好ENJOY燒既過程架

是日

我同阿囡要走2場

下場就係去契仔雙滿月酒

好在都係在荃灣區

咁我地只係食左少少野

就要走啦

有機會

再黎打擾下先^^

 

契仔雙滿月

在此

祝阿B快高長大

健健康康

聽教聽話

無病無痛

每天都要咁開心

育兒25個月

體重：約29磅

身高：91cm

主餐：奶粉早晚一次，早8安、晚3-4安

次餐：每天2餐固體，有乜比乜，下午茶多數食飽飽

其他：橙、蕉、提子、提子乾、紅莓乾、麵包、餅、朱古力.....................

牙仔：依然係18隻

睡眠：around 11小時，瞓1次晏覺，約2小時，會發開口夢

 

                     

25個月

 

今個月

說話能力

自理能力

都大大提升左好多

好多說話

已經可以一句句咁講

大部份都會

聽得明

而昕晴又會明我地講乜

識對答

仲成日會自然自語 (自己唱歌)

我覺得好好笑

以前總是要我陪玩

無論係得閒或唔得閒

昕晴都需要媽咪陪伴左右

但現在

已經可以

自己同自己玩

當然都要媽咪陪

但

有時我整緊其他野時

佢自己都會乖乖地玩

玩完

仲會自動自覺執

而當中會要求媽咪或Daddy一齊執

我們當然非常樂意

而著衫方面

已經唔需要我地幫手 (趕時間另計)

佢會自己著衫、褲、鞋

當然一定要睇住

因前後仲未太識分辦

有時都會調轉

穿唔啱

我地就會幫一幫

係未識自己著襪

戒片方面

其實早在23個月左右

已成功戒左

現在係出街同sleeping

我會比片片

因我信唔過商場既女廁

係唔使排隊的

所以除了在家

其他地方都係包一包安全d

顏色方面

依然仲係未太識分

只係有時會撞中

睇醫生順便問過

醫生話可能係未識分

唔係色盲

叫我再慢慢用心教

我會繼續努力

沖涼方面

已經可以比我用花灑

雖然開頭會哭到

死去活來

但沖沖下

又OK

現在不知幾ENJOY

現階段

我同老公都覺得

昕晴似隻"櫻母" (唔識打)

因為好多時

我地講乜

佢會照copy我地所講既

語氣、態度

學到十足十

真係...............唔知好定唔好

 

入幼稚園方面

我地已經可以好安心

因已有幼稚園收左

現在

係等最心儀個d interview

將來係點

我地真係唔知

只盼望

昕晴既品德方面

會慢慢培養出黎

做個有品德既人