終於坐得穩啦

快快手update番之前無update既blog先

 

昕晴於8個月零11日

終於自己識得坐啦

 

之前仲諗緊佢幾時坐得穩

點知某天

無拉拉自己坐係度

個一刻

心情真係好興奮架

可能作為母親

當自己小朋友

每有一樣新既動作或新的學習

都會感到很滿足

 

在此亦感謝各方好友

送咁多玩具比昕晴

我同老公真係一件都無買過

昕晴就有咁多野玩

真係好感激大家既愛錫

我發現

昕晴都係好3分鐘熱度架

這個似我呀

玩左一陣，又唔玩

要我陪佢玩

真係少d精力都唔得

而屋企無咁大地方

每次佢玩完既野

都要辛辛苦苦咁

執執執、放放放、抺抺抺

 

但我都好開心既

因為佢都有一段時間

專注在玩具身上

每次玩親

佢都好開心同好大力咁拍d玩具

而當昕晴識坐識爬既時候

就要開始學人行路

 

佢個大冬瓜

又唔係行得穩

同埋一定要人扶住

所以近排搞到我特別累

因為經常要陪行

 

仲要"的"住佢個加拿大位

一步一步咁行

不過見到昕晴行得好開心

成日都行到笑騎騎時

真係乜辛苦乜腰痛都會唔記得

當坐得咁上下

我地就開始比學行車佢坐

在此又要講多句

 

多謝契姐靜靜送既學行車

你終於見到佢坐啦

係咪好開心呢

昕晴又係一名新屎坑

每當有新野玩時

佢就會好興奮爭住要玩

睇下佢個衰樣

 

初初放佢落去

佢既表現係好驚

同埋即喊、唔肯坐架

 

但同佢再講下，又用d食物引下佢

之後又無乜野喎

同埋佢好似唔係太識控制架車

好多時候係向後行的

每當佢聽到音樂聲

(尤其係大金冷氣、畢打自己人主題曲)

就會手舞足動

起勢咁跳跳跳

佢開心時我地又好開心

一天一天睇住昕晴長大

感受時間過得好快

有時好唔想佢咁快大

好想佢停留在BB既階段

 

每天也會同囡囡一齊玩玩玩

雖然有累的時候

但我自己就好enjoy

所以先覺得時間過得特別快

 

黎緊，應該係學行既時候了

有時佢坐坐下，又要爬爬爬

但因為唔穩既關係

都會搞到一仆一碌

有時真係好怕佢會跌親

 

不過細路仔

邊個唔係跌大架

我只希望佢唔好跌得太傷

咁我就安樂哂