報告一下囡囡情況先
體重：大約有20磅 (應該差唔多，無磅過)
主餐：依然係媽媽奶，埋身餵，2-3小時一次
次餐：每天2次粥仔，每次半碗，約12:00 & 6:00食
生果：主力係橙
活動：已經有好多小動作，仲有打嘩嘩TIM(用手不停打個咀仔，發出嘩嘩聲)
牙仔：依然係得下面2隻，不過我覺得係最可愛既
發音：依然係好多BB話，但最喜歡奶奶奶奶，真係比佢奶到暈
睡眠：最遲要佢10:30便要瞓，通常都會瞓到第2日8:00左右醒
發展：已坐得穩，爬得好快，成日個頭頂住D野想企起身，扶住可以行到
又過左9個月啦
今個月
感到昕晴學野學得特別快
好多時在佢面前做D動作
試了幾次就識
例如食星星餅
就教佢用2隻手指取
之後放入口
同時間
發現昕晴嗲左好多
尤其佢累既時候
會依靠住我既膀頭
又會主動咀人
咀到我地成面口水
BUT個種感覺係好SWEET的
另外
無諗過自己可以餵媽媽奶
餵到咁耐
有好多人都問過我會幾時戒
我都有思考過這問題
最終結論
我會繼續努力
因為除了媽媽奶對囡囡有益外
我仲好ENJOY同囡囡個種親密感覺
只有餵過既媽咪先知我講乜^^
這張係媽咪幫我自拍架，雖然影得唔算好好，但好過無呀
扮下嗲嗲豬先
嘩，婆婆，乜樹呀，搞到我咁型仔既
咁都比媽咪影到我伸脷TIM
哼，仲影，再影我又再咀你呀la
昕晴越黎越多表情啦, 伸脷果張超可愛呀~
回覆刪除雖然我唔係全人奶,不過,餵人奶真係要負出好多耐性&心機,我地一齊比心機啦!!
回覆刪除你真係好叻呀, 可以維持咁耐, 我都支持你繼續努力呀! 因為對佢既好處真係用錢買唔到. 昕晴好叻呀, 識咁多動作, 我現在都努力教我囡用兩隻手指攞野呀! 仲有佢張伸脷好可愛啊!
回覆刪除你真係好有耐性呀 ... 成日聽人講餵人奶要介口 ... 咁咪好多野都唔食得囉 ... 係咪咁呀 ... 昕晴好可愛呀 ...
回覆刪除伸俐好得意
回覆刪除昕晴好幸福丫, 可以飲到媽媽奶咁久, 你真係好有心機~~~好支持你丫~~
回覆刪除同埋真係真係好羨慕你可以做全識媽媽, 可以有多d時間照顧囡囡~~我都好想好似你咁~~
伸利都影到... 好cute.... yeah!
回覆刪除我都好明做全職媽媽真係要放棄好多野, 特別係經濟問題, 所以我到而家都未諗店 , 另外做全職媽媽會辛苦過返工, 返工都會有lunch time, 有小小時間, 但全職媽媽真係24小時on duty, 無break, 無假, 放棄既野會有好多, 不過你講得好啱, bb既每一個成長都可以見證, 呢d野係幾多錢都買唔到, 所以我真係好羨慕你同佩服你
回覆刪除好攪笑啊
回覆刪除雖然我自己無餵媽媽奶.
回覆刪除不過我真係好佩服你地,
我覺得你地好偉大,
亦都好羨慕你地全職媽媽可以每日陪住佢地長大,
自問真的無法作出犧牲,
所以你地要努力啊~~
哈哈~~勁惡個樣好搞笑~~
回覆刪除奇實我都想唔喂媽媽奶架哈哈
回覆刪除奇實我都係全人奶媽黎架
回覆刪除但依家有時都想過唔喂呢哈哈
咁又係如果我真係唔喂無得反轉頭架啦
回覆刪除